Éxodo 32:5 - Q'eqchi Bible

⁵ Naq laj Aharón kiril a'in, kixxaqab' jun li artal chiru li ch'ina wakax ut kixye: “Wulaj taawanq ninq'e sa' xk'ab'a' li Qaawa'”.

Li Santil hu

⁵ Nak quirabi aꞌin, laj Aarón quixyi̱b jun li artal chiru li cuacax oro ut quixye: —Cuulaj toninkꞌei̱k saꞌ xcꞌabaꞌ li Ka̱cuaꞌ Dios, chan.

Éxodo 32:5 ပူးပေါင်းရင်းမြစ်များ

2 Reyes 10:20

Jo'kan naq kixye: “Chiwanq jun xnimal ninq'e sa' xk'ab'a' laj Bahal”. Ut jo'kan ki'uxmank.

Levítico 23:37

“A'aneb' a'in li xninq'e li Qaawa', b'arwi' taawanq loq'laj ch'utam ut teeq'axtesi chiru li Qaawa' k'atb'il mayej, k'atb'il xul, mayej k'aj, mayej b'iin ut li k'a'aq chik re ru chi mayejil, a' yaal naxye li xkutankil,

Levítico 23:2

“Ye reheb' laj Israel li aatin a'in: A'aneb' a'in li xninq'e li Qaawa' b'arwi' tento teech'utub' eerib' sa' ink'ab'a':

1 Corintios 5:8

Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

Oseas 8:14

Eb' laj Israel xe'xyiib' naab'al li xninqal ru ochoch, ut xsachk sa' xch'ooleb' laj Yoob'tesihom reheb'. Eb' laj Judá xe'xsuttz'aki naab'aleb' li tenamit; a'ut laa'in tink'eheb' xxamlel, ut te'k'ate'q chixjunileb' li xchaq'alil ru ochoch”.

Oseas 8:11

“Laj Efraín xtamresiheb' li x'artal ka'ajwi' re xb'aanunkil li maak.

2 Reyes 16:11

Laj Urías aj tij kixyiib' li artal jo' tz'aqal li reetalil kitaqlaak re toj Damaask xb'aan li awab'ej Ajás. Kama' a'an kixyiib' li artal laj Urías aj tij naq toj maji' nasutq'iik chaq li awab'ej Ajás sa' li tenamit Damaask.

1 Reyes 21:9

Sa'eb' li hu kixtz'iib'a a'in: “Yehomaq resil naq taawanq kuyuk sa'. Chirix a'an teechunub' laj Nabot chiruheb' li tenamit.

1 Samuel 14:35

Ut laj Saúl kixyiib' jun li artal re li Qaawa'. A'an li xb'een artal li kixyiib' cho'q re li Yos.

Levítico 23:21

“Sa' ajwi' li kutan a'an tento teeb'aanu junaq loq'laj ch'utam ut maajun junaq kawil k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Levítico 23:4

“A'aneb' a'in xninq'e li Qaawa' li taawanq wi' loq'laj ch'utam sa' xk'ab'a' li Qaawa' ut tento teech'utub' eerib':

Éxodo 32:4

Ut a'in kixxok sa' ruq'eb', kixyiib' jun molde, kixha'resi li oor ut kixyiib' jun ch'ina wakax. Toja' naq eb' a'an ke'xye: “A'an a'in laayos, a Israel. A'an ki'isink chaq aawe sa' li tenamit Ejiipt”, chankeb'.

Éxodo 12:14

Li kutan a'an a'anaq xnimal ru kutan cho'q eere, ut laa'ex teenima junelik rik'in jun ninq'e sa' xk'ab'a' li Qaawa'. Teexaqab' chi junajwa cho'q xnimal ru ninq'e.

Éxodo 10:9

Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 32:6

Sa' li kutan jun chik, toj hik'ho, ke'wakliik ut ke'xyeechi'i xmayejeb' ut k'atb'il xul. Moqon eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k.

Éxodo 17:15

Moqon laj Moisés kixyiib' jun li artal, ut “Qaawa' Nisí” kixk'e cho'q xk'ab'a';