Éxodo 32:4 - Q'eqchi Bible

⁴ Ut a'in kixxok sa' ruq'eb', kixyiib' jun molde, kixha'resi li oor ut kixyiib' jun ch'ina wakax. Toja' naq eb' a'an ke'xye: “A'an a'in laayos, a Israel. A'an ki'isink chaq aawe sa' li tenamit Ejiipt”, chankeb'.

Li Santil hu

⁴ Laj Aarón quilajxcꞌul li oro li joꞌ qꞌuial queꞌxcꞌam riqꞌuin. Quixhaꞌobresi li oro ut quixyi̱b jun chꞌina cuacax chiru. Riqꞌuin chꞌi̱chꞌ quixti̱cobresi ru. Eb li cristian queꞌxye: —Aꞌin li kadios, la̱o aj Israel. Aꞌan li qui-isin chak ke saꞌ li tenamit Egipto, chanqueb.

Éxodo 32:4 ပူးပေါင်းရင်းမြစ်များ

Nehemías 9:18

Us ta ke'xyiib' jun ch'ina wakax rik'in ha'lesinb'il ch'iich' ut ke'xye naq a'an li xyoseb' li ki'isink chaq reheb' Ejiipt, us ta k'ajo' naq kate'xtz'eqtaana,

Deuteronomio 9:16

ut kiwil naq laa'ex kexmaakob'k chiru li Qaawa' leeYos naq keyiib' jun li saaj wakax rik'in ha'lesinb'il ch'iich': sa' junpaat kekanab' li b'e xk'utum cheru li Qaawa'.

Hechos 7:41

Ut ke'xyiib' jun li wakax sa'eb' li kutan a'an, ke'mayejak chiru li jalam u a'an ut ke'saho'k xch'ool rik'in li xb'aanuhom li ruq'eb'.

Éxodo 32:8

Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

1 Reyes 12:28

Jo'kan naq laj Jerobohán kixpatz' xna'leb', kixyiib' wiib' xjalam u saaj wakax yiib'anb'ileb' rik'in oor, ut kixye reheb' li tenamit: “Tz'aqalaq li xik chi mayejak aran Jerusalén. A'an a'in laayos, at Israel, li ki'isink chaq aawe sa' li tenamit Ejiipt”.

Oseas 13:2

Ut toj yookeb' ajwi' chi maakob'k anaqwan! Neke'xha'lesi li plaat re xyiib'ankileb' li jalanil yos; neke'xyiib' li xjalam uheb' jo' chanru neke'raj: chixjunil a'an yal xk'uub'ahom junaq aj tenol ch'iich' ut neke'xye naq yos, neke'mayejak chiru ut neke'xtz'ub' li xjalam u jun li wakax!

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

Oseas 10:5

Eb' laj Samaria neke'siksotk ut neke'yaab'ak xb'aan naq xsache'k li wakax oor re Bet-Abén. Neke'huyhutk chi yaab'ak eb' li tenamit rochb'eeneb' laj tij, xb'aan naq xsache'k xloq'al li xyoseb'.

Isaías 46:6

Wankeb' neke'isink naab'al li oor sa' li xjelooleb' ut neke'b'isok plaat sa' li peex; chirix chik a'an neke'xsik' junaq aj tenol ch'iich' re naq te'xyiib' junaq xyoseb' re xwiq'ib'ankil rib' chiru jo'wi' re xloq'oninkil.

2 Crónicas 13:8

Ut anaqwan laa'ex teeraj xq'etq'etinkil eerib' chiru li x'awab'ejihom li Qaawa' li wank sa' ruq'eb' li ralal xk'ajol laj David, yal xb'aan naq jwal naab'alex ut wank eerik'in eb' li wakax yiib'anb'ileb' rik'in oor, li xk'ehom eere laj Jerobohán cho'q eeyos.

2 Crónicas 11:15

Jalaneb' chik winq ke'xaqab'aak xb'aan laj Jerobohán cho'q aj tij re te'mayejaq sa'eb' li tijob'aal sa' xjolomeb' li tzuul, chiruheb' li maa'us ut eb' li wakax li kixk'e chi yiib'aak.

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

2 Reyes 10:29

Ab'anan, us ta kixb'aanu a'an, laj Jehú ink'a' kixkanab' xb'aanunkil li xmaak laj Jerobohán, ralal laj Nabat, naq kixk'am xb'eheb' laj Israel chi maakob'k, rik'ineb' li saaj wakax yiib'anb'ileb' rik'in oor li wankeb' Betel ut Dan: laj Jehú ink'a' kixsacheb'.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

1 Reyes 12:32

Chirix chik a'an kixxaqab' xkutankil li ninq'e li taawanq sa' li o'laju xb'e li xwaqxaq po, jo' chanru neke'ninq'ehik eb' laj Judá. Ut koxmayejaq chiru li artal aran Betel, sa' xk'ab'a'eb' li wakax kixyiib'. Aran Betel kixxaqab'eb' ajwi' aj tij cho'q reheb' li tijob'aal kixyiib' sa' xjolomeb' li tzuul.

Éxodo 28:11

Kama' naq natuqub'aak ru li pek ut nalet'exiik li kaaxt, jo'kan naq taak'e chi tz'iib'aak li xk'ab'a'eb' li ralal laj Israel sa' xb'een xkab'ichaleb' li pek a'in, che'wanq xsahob' ru yiib'anb'ilaqeb' rik'in oor.

Éxodo 28:9

“Taachap wiib'aq chi pek ónice xk'ab'a', ut sa' xb'eeneb' taatz'iib'a xk'ab'a'eb' li ralal xk'ajol laj Israel:

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

1 Corintios 10:7

Mex'okenk chi xloq'oninkil li yal k'oxlanb'il yos jo' wan ke'b'aanunk chaq sa' xyanqeb' a'an, kama' tz'iib'anb'il sa' li Santil Hu: “Eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k”.

Éxodo 32:3

Toja' naq chixjunileb' li tenamit ke'risiheb' li xka'xik oor ut ke'xq'axtesiheb' re laj Aharón.

Éxodo 32:5

Naq laj Aharón kiril a'in, kixxaqab' jun li artal chiru li ch'ina wakax ut kixye: “Wulaj taawanq ninq'e sa' xk'ab'a' li Qaawa'”.

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Éxodo 32:24

Ut laa'in xinchaq'ok: «Li wanq x'oor, risiiq chaq». Eb' a'an xe'risi ut xe'xk'e we, ut laa'in xinkut sa' xam: chi jo'kan x'elk chaq li ch'ina wakax a'in”.

Éxodo 32:35

Ut li Qaawa' kixrahob'tesiheb' li tenamit xmaak li ch'ina wakax yiib'anb'il chaq xb'aan laj Aharón.

2 Reyes 10:20

Jo'kan naq kixye: “Chiwanq jun xnimal ninq'e sa' xk'ab'a' laj Bahal”. Ut jo'kan ki'uxmank.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Ezequiel 23:8

Chalen naq kiwank chaq Ejiipt kiwank jo' aj yumb'eet ut maajun sut kixkanab' xb'aanunkil chalen chaq sa' xsaajilal, naq kixkanab' rib' chi ch'e'eek ut chi mayuuk toj reetal kib'atz'unleek xb'aaneb' naab'al chi winq.

Éxodo 20:4

“Maapech' chi moko taayiib' xjalam u junaq k'a' re ru li wank taqe'q sa' choxa, malaj li wank taq'a sa' ruuchich'och', chi moko li wank sa' ha' rub'el li ch'och'.

Jueces 8:24

Ut kixye wi' chik: “Jun ajwi' li nintz'aama cheru: li junjunq eere tixq'axtes we junaq matq'ab' li xreechani”, chan. (Xb'aan naq li ke'q'axe'k ru wankeb' xmatq'ab' oor, xb'aan naq aj Ismaeleb').

Jueces 8:27

Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.