Éxodo 32:22 - Q'eqchi Bible

²² Kichaq'ok laj Aharón: “Wa', matjosq'o'k. Laa'at nakanaw naq li tenamit a'in naxik xch'ool chi xb'aanunkil li ink'a' us.

Li Santil hu

²² Laj Aarón quixye: —Ka̱cuaꞌ Moisés, matjoskꞌoꞌ cuiqꞌuin. La̱at ac nacanau chanruheb li tenamit aꞌin. Nacanau nak teꞌraj xba̱nunquil li incꞌaꞌ us.

Éxodo 32:22 ပူးပေါင်းရင်းမြစ်များ

Deuteronomio 9:24

Chalen naq kinnaw eeru, laa'ex q'etq'etex chiru li Qaawa' leeYos!

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

Éxodo 16:20

Ab'an ink'a' ke'ab'ink chiru laj Moisés: wan ke'xk'uula b'ayaq re li kutan jun chik; ut kimotzo'ink ut kiq'aak. Jo'kan naq laj Moisés kijosq'o'k sa' xb'eeneb'.

Éxodo 15:24

Ut eb' li tenamit ke'ok chi wech'ink chiru laj Moisés: “K'aru taaquk'?”, chankeb'.

Éxodo 14:11

Ut ke'xye re laj Moisés: “Ma maak'a' tab'i' muqleb'aal kamenaq aran Ejiipt? K'a' naq xoohaak'am chaq chi kamk sa' li chaqich'och'? K'aru rajb'al naq xoohaawisi chaq Ejiipt?

Proverbios 4:16

Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Salmos 36:4

Junes tz'ajn aj aatin naxye ut ka'aj chik b'alaq'ik naxb'aanu; ink'a' naraj xtawb'al ru chi moko xb'aanunkil li us.

Deuteronomio 31:27

Xb'aan naq ninnaw chi us naq q'etq'etex ut kaw leejolom. A' wachik anaqwan, naq toj wankin sa' eeyanq, q'etq'etex chiru li Qaawa', ma toja' ta chik naq tinkamq!

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Éxodo 16:28

Kixye ut li Qaawa' re laj Moisés: “Toj jo' najtil chik teejipu eerib' ut teetz'eqtaana linchaq'rab' ut lintaqlahom?

Génesis 44:18

Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

Éxodo 32:21

Ut kixye re laj Aharón: “K'aru xe'xb'aanu aawe li tenamit a'in naq xak'am chaq sa' xb'eeneb' li xnimal maak a'in?”, chan.

1 Samuel 15:15

Kichaq'ok laj Saúl: “Rik'ineb' laj Amalek xqak'ameb' chaq, xb'aan naq li tenamit ink'a' xe'xkamsi li ninqi karneer ut wakax, re xmayejankileb' chiru li Qaawa' laaYos. Ut li junch'ol chik xqaq'axtesi chi sache'k”, chan laj Saúl.

1 Samuel 15:21

Ab'anan eb' li tenamit xe'xchapeb' li karneer ut li wakax, a' li xchaab'ilal li k'aru ak q'axtesinb'il re sache'k, ut xe'xk'ameb' chaq re xmayejankil chiru li Qaawa' laaYos, aran Kilkal”.

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.