Éxodo 32:20 - Q'eqchi Bible

²⁰ Chirix chik a'an kixchap li saaj wakax xyiib'ahomeb' a'an, kixk'at ut kixke' toj reetal kipojtz'o'k: kixtzuptzupi li xpojtz'il sa' ha' ut kixk'e chiruk'eb' laj Israel.

Li Santil hu

²⁰ Laj Moisés quixchap li cuacax oro li queꞌxyi̱b ut quixcꞌat saꞌ xam. Chirix aꞌan quixqueꞌ ut quixqꞌue lix poksil saꞌ li haꞌ ut saꞌ pue̱rs quixqꞌue chi ruqꞌueb.

Éxodo 32:20 ပူးပေါင်းရင်းမြစ်များ

Deuteronomio 9:21

Chirix chik a'an kinchap li saaj wakax keyiib' naq kexmaakob'k, ut kink'at sa' xam; kinputz'i ut kinke' toj reetal kipojtz'o'k. Toja' naq kinkut li xpojtz'il sa' roq nima' li nakub'e chaq sa' li tzuul.

Proverbios 14:14

Li maak'a' xna'leb' sa sa' xch'ool rik'in li maa'usilal naxb'aanu; li chaab'il xch'ool nasaho'k rik'in li xchaab'il k'anjel.

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

2 Reyes 23:15

Kixjuk' ajwi' li artal wank Betel ut li tijob'aal li wank chi tzuul, xyiib'ahom laj Jerobohán, ralal laj Nebat, naq kixk'ameb' xb'eheb' laj Israel chi maakob'k. Kixk'at li tijob'aal, kixpuk'iheb' li pek toj reetal kixkanab' jo' pojtz', ut kixk'at li xjalam u lix Aserá.

2 Reyes 23:6

Kirisi ajwi' li xjalam u lix Aserá sa' rochoch li Qaawa', kixk'am chirix li tenamit Jerusalén toj chire li nima' Sedrón, ut aran kixk'at, ut li xchahil koxpaji sa' xb'een li xmuqleb'aaleb' li poyanam.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Deuteronomio 7:5

A'an a'in li tento teeb'aanu: juk'umaq eb' li x'artal li wuqub' chi tenamit a'an, putz'ihomaq li xxaqab'anb'il pekeb', chetoqi eb' li xloq'laj toon che' ut teek'e xxamlel li xyoseb'.

Éxodo 32:21

Ut kixye re laj Aharón: “K'aru xe'xb'aanu aawe li tenamit a'in naq xak'am chaq sa' xb'eeneb' li xnimal maak a'in?”, chan.

1 Reyes 15:13

Kirisi ajwi' xwankil li xna' cho'q xna'eb' li tenamit, a' lix Mahaká, xb'aan naq kixyiib' jun xjalam u lix Aserá. Laj Asá kixputz'i li tz'i'b'eetalil a'an ut kixk'at chire li nima' Sedrón.

2 Crónicas 34:4

Chiru ajwi' laj Josías ke'juk'mank li x'artal laj Bahal; ke'xputz'i eb' li artal namayejamank wi' li sununkil b'an, ut ke'xtoqi eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek, toj reetal ke'kok'puk'iik, ut li pojtz' kipajimank sa' xb'een xmuqleb'aaleb' li poyanam li ke'mayejak chiruheb'.