Éxodo 32:2 - Q'eqchi Bible

² Kichaq'ok laj Aharón ut kixye reheb': “Isihomaqeb' li xka'xik leerixaqil, leeralal, leerab'in, a'eb' li yiib'anb'ileb' rik'in oor, ut k'amomaq chaq”.

Li Santil hu

² Ut laj Aarón quixye reheb: —Isihomakeb lix caꞌxic oro le̱ rixakil, le̱ ralal joꞌ eb ajcuiꞌ le̱ rabin ut cꞌamomak chak cue arin, chan.

Éxodo 32:2 ပူးပေါင်းရင်းမြစ်များ

Oseas 2:8

“Ab'an a'an ink'a' naxnaw naq laa'in ajwi' nink'ehok re li xtriiw, li xb'iin ut li xchaab'il aseeyt; laa'in xink'ehok re naab'al li xplaat ut li x'oor li xyiib'ahom wi' laj Bahal.

Ezequiel 16:17

Kaxokeb' laachaab'il eechej oor ut plaat li ink'ehom aawe, kayiib' xjalam uheb' li winq ut kamux aawib' rik'ineb' naq kaloq'oniheb' ru.

Éxodo 35:22

Ke'chalk li winq ut eb' li ixq: chixjunileb' li ke'toch'e'k xch'ool ke'xk'am chaq xkok' kareen, ka'xik, matq'ab', q'ol ut chixjunil li k'aru oor, a' li oor li kixk'e li junjunq jo' eek'asinb'il mayej cho'q re li Qaawa'.

Génesis 24:47

Chirix chik a'an xinpatz' re: «Ani laayuwa'?», chankin. «Laa'in xrab'in laj Betuel, ralal laj Najor rik'in lix Milká», chan we. Toja' naq xink'e li xmatq'ab' chi ru'uj ruq' ut li xsahob' ru li xkux ruq',

Génesis 24:22

Naq ke'raqe'k chi uk'ak eb' li kameey, li winq kixchap jun matq'ab' oor kach'in chik maa mero oons li raalal, ut kixk'e chi ru'uj ruq' li ixqa'al; kixk'e ajwi' jun sumal xsahob' ru xkux ruq', numenaq kaahib' oons li raalal.

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Éxodo 32:3

Toja' naq chixjunileb' li tenamit ke'risiheb' li xka'xik oor ut ke'xq'axtesiheb' re laj Aharón.

Proverbios 25:12

Jo' junaq matq'ab' oor ut junaq chaab'il q'ol, jo'kan li chaab'il q'usuk cho'q re li naxkuy rab'inkil.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Isaías 3:19

eb' li q'ol, li xsahob' ru eb' li xkux uq'ej ut eb' li neke'xlan wi' li xjolomeb',