Éxodo 32:15 - Q'eqchi Bible

¹⁵ Toja' naq kisutq'iik chaq laj Moisés, kikub'e chaq sa' li tzuul ut kixk'am sa' ruq' li wiib' chi xtz'alampekil Sumwank: tz'iib'anb'ileb' li perpookil pek a'an sa' xka'pak'alil, chiru ut chirix.

Li Santil hu

¹⁵ Laj Moisés quicube chak saꞌ li tzu̱l. Quixcꞌam saꞌ rukꞌ li cuib chi perpo̱quil pec li tzꞌi̱banbil cuiꞌ li laje̱b chi chakꞌrab. Tzꞌi̱banbil li chakꞌrab chiru li perpo̱quil pec saꞌ xcaꞌ pacꞌalil.

Éxodo 32:15 ပူးပေါင်းရင်းမြစ်များ

Deuteronomio 9:15

“Laa'in kinsutq'iik ut kinkub'e chaq sa' li tzuul li yo raq' xxamlel. Wankeb' chaq sa' wuq' li wiib' chi xtz'alampekil Sumwank,

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

Deuteronomio 5:22

“A'aneb' a'in li aatin kixye li Qaawa' eere toj sa' xyi li choql ut li xam chi kaw xyaab' xkux, naq ch'utch'uukex chi xtoon li tzuul. Chirix chik a'an maak'a' chik kixye, ut kixtz'iib'a chixjunil li aatin a'in chiru wiib' perpookil pek ut kixq'axtesiheb' we.

Éxodo 40:20

Moqon chik kixchap li reetalil li Sumwank ut kiroksi sa' li Loq'laj Kaax; kixch'ikeb' li che' re xpaqonkil li Loq'laj Kaax, ut taqe'q kixk'e xtz'apb'al xb'een.

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Éxodo 24:18

Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

Éxodo 16:34

Laj Aharón koxk'e li uk'al chiru li xLoq'laj Kaaxil li Sumwank re naq taak'uulamanq, jo' chanru kitaqlaak wi' laj Moisés xb'aan li Qaawa'.

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

2 Corintios 3:7

Wi li xk'anjel li kamk, tz'iib'anb'il chiru perpookil pek, q'axal kiwank xloq'al toj reetal naq eb' li ralal xk'ajol laj Israel ink'a' ke'ruhank xka'yankil li xnaq' ru laj Moisés xb'aan li xlemtz'unkil, us ta yal numel a'an,

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Éxodo 24:12

Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

Éxodo 32:16

Eb' li perpookil pek a'aneb' xb'aanuhom li Yos, ut eb' li aatin tz'iib'anb'ileb' chiru xtz'iib'ahom li Yos.

Éxodo 34:29

Moqon chik laj Moisés kikub'e chaq sa' li tzuul Sinaí, wan chaq sa' ruq' li wiib' chi perpookil pek re li Sumwank. Ut naq kikub'e chaq sa' li tzuul, ink'a' naxnaw naq nalemtz'unk chik li xnaq' ru xb'aan raatinankil li Qaawa'.