Éxodo 32:10 - Q'eqchi Bible

¹⁰ Kanab'in anaqwan chi xk'eeb'al injosq'il sa' xb'eeneb' re naq teb'insach; ut laa'at tatink'e cho'q xnimal ru tenamit”.

Li Santil hu

¹⁰ Canabin chixba̱nunquil li tincuaj. Xchal injoskꞌil xbaneb. Tinsach ruheb chi jun aj cua. Ut la̱at, at Moisés, eb chic la̱ cualal a̱cꞌajol teꞌqꞌuia̱nk ut teꞌta̱mk. Ut eb aꞌan chic li sicꞌbilakeb ru inban, chan li Dios.

Éxodo 32:10 ပူးပေါင်းရင်းမြစ်များ

Deuteronomio 9:14

Kanab'in chi xsachb'al ruheb' re naq ink'a' chik taapatz'e'q li xk'ab'a' rub'el choxa. A'ut laa'at tink'eheb' chi tamk laawalal aak'ajol re naq naab'alaqeb' ut q'axal kawaqeb' rib' chiru li tenamit a'in», chan.

Números 14:12

Tinteneb' raxkamk sa' xb'eeneb' ut ink'a' chik te'reechani li ch'och' kinyeechi'i reheb'. A'ut laa'ataq jun nimla tenamit ut q'axal kawaq aawib' chiruheb' awe'”, chan li Qaawa'.

Deuteronomio 9:19

K'ajo' naq kinxiwak xb'aan xnimal xjosq'il li Qaawa' sa' eeb'een, naq kiraj raj eekamsinkil. Ab'anan jun wa wi' chik kinrab'i li Qaawa'.

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

Éxodo 32:19

Naq laj Moisés kijilok chi xk'atq li xmuheb'aaleb' ut kiril li saaj wakax yiib'anb'il rik'in oor ut li xajok, k'ajo' naq kichalk xjosq'il! Kixkuteb' li tz'alam pek wank sa' ruq' ut kixpuk'iheb' sa' xtoon li tzuul.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Éxodo 22:24

Toja' naq taachalq chi junpaat linjosq'il ut texinkamsi chi ch'iich': leerixaqil xmalka'an chik te'kanaaq, ut leekok'al te'kanaaq chi maak'a' chik xyuwa'eb'.

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Jeremías 15:1

Li Qaawa' kixye we: “Us ta tole'xxaqab' rib' chiwu laj Moisés ut laj Samuel chi tz'aamank chirix li tenamit a'in, laa'in ink'a' twuxtaana ruheb'. Ye reheb' naq elqeb' chiwu ut xikaqeb' chi najt.

Jeremías 14:11

Li Qaawa' kixye we: “Mattijok chiwu chirix li tenamit a'in.

Éxodo 33:3

ut texwoksi sa' jun li ch'och' k'ajo' xq'emal. A'ut laa'in ink'a' texwochb'eeni, xb'aan naq laa'ex jun tenamit q'axal kaw leejolom. Mare anchal texinsach chi junajwa sa' b'e”.

Números 16:21

“Elenqex sa' xyanqeb' li komonil a'in, re naq teb'insach ru chi junpaat”, chan.

Salmos 106:23

Toja' naq li Qaawa' kixye naq tixsacheb' ru, ab'an laj Moisés, li sik'b'il ru xb'aan, kixram chiru naq ki'aatinak chirixeb' re naq ink'a' te'sache'q ru xb'aan li xjosq'il.

Jeremías 7:16

“At Jeremías, mattijok chirix li tenamit a'in, mattz'aamank chiwu chi moko chat-elajinq chirixeb'. Maawelaji wu xb'aan naq moko tatwab'i ta.

Jeremías 11:14

Ut laa'at, a Jeremías, mattijok chirixeb' li tenamit a'in. Mattz'aamank chi moko chat-elajink chirixeb', xb'aan naq moko te'wab'i ta naq te'xpatz' xtenq'ankileb' sa' xkutankil li nimla rahilal.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.