Éxodo 32:1 - Q'eqchi Bible

¹ Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Li Santil hu

¹ Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.

Éxodo 32:1 ပူးပေါင်းရင်းမြစ်များ

Hechos 7:40

naq ke'xye re laj Aharón: «Yiib'eb' qaYos k'amolb'ehaq chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt».

Deuteronomio 9:9

Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.

2 Pedro 3:4

“K'aru xkanaak wi' li xk'ulunik li Qaawa' yeechi'inb'il chaq eere? Chalen chaq xkamikeb' li qana' qayuwa' xna'ajkil ajwi' chixjunil, kama' chaq sa' xtiklajik li ruuchich'och'”, cha'qeb'.

Éxodo 24:18

Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

San Mateo 24:48

Ab'anan, wi li moosej ink'a' us xna'leb' tixye sa' xch'ool: «Laj eechal we xb'ay chaq»,

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Oseas 12:13

Rik'in xtenq'aal jun li propeet li Qaawa' kirisiheb' chaq laj Israel aran Ejiipt ut kixk'aak'aleheb' rik'in xk'anjel jun propeet.

Éxodo 32:11

Ab'anan laj Moisés kixyal xq'e chi xtuulanob'resinkil li Qaawa' li xYos, ut kixye re: “At Qaawa', k'a'ut naq xchalk laajosq'il sa' xb'een laatenamit, li kawisiheb' chaq aran Ejiipt rik'in xnimal aawankil ut xkawilal laawuq'?

Éxodo 32:7

Toja' naq li Qaawa' kiraatina laj Moisés ut kixye re: “Ayu, kub'en sa' li tzuul, xb'aan naq xe'maakob'k laatenamit, li kawisiheb' chaq aran Ejiipt.

Éxodo 14:11

Ut ke'xye re laj Moisés: “Ma maak'a' tab'i' muqleb'aal kamenaq aran Ejiipt? K'a' naq xoohaak'am chaq chi kamk sa' li chaqich'och'? K'aru rajb'al naq xoohaawisi chaq Ejiipt?

Éxodo 13:21

k'amol b'e li Qaawa' chiruheb'. Chi kutan naxik sa' choql re xb'eresinkileb', ut chi q'eq naxik sa' xam re xkutanob'resinkil xb'eheb'. Chi jo'kan ke'ruuk chi xik chi q'eq ut chi kutan.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Génesis 44:15

Ab'an laj José kixye reheb': “K'aru xeb'aanu? Ma ink'a' nekenaw naq junaq winq kama' laa'in ch'olch'o naq naq'ehink?”.

Josué 7:13

Xaqlin b'i', kawresi xch'ooleb' li tenamit ut ye reheb': Santob'resiiq eerib' re wulaj, xb'aan naq jo'ka'in xye li Qaawa', xYos laj Israel: «At Israel, sa' eeyanq wank li tz'i'b'eetalil. Jo'kan naq ink'a' truuq teekuy sa' ruq'eb' li xik' neke'ilok eere, wi ink'a' nekerisi sa' eeyanq li k'aru tento raj xsachmank».

Éxodo 33:3

ut texwoksi sa' jun li ch'och' k'ajo' xq'emal. A'ut laa'in ink'a' texwochb'eeni, xb'aan naq laa'ex jun tenamit q'axal kaw leejolom. Mare anchal texinsach chi junajwa sa' b'e”.

Génesis 44:4

Ab'anan, ka'ajwi' ke'elk sa' li tenamit ut ink'a' ajwi' najt te'wulaq, naq laj José kixye re laj tenq' re: “Xaqlin ut ayu chirixeb' li winq a'an. Naq toxaataweb', taaye reheb': «K'a'ut naq xereeqaju li usilal rik'in maa'usilal?

Génesis 39:8

Ab'anan laj José ink'a' kiraj ut kixye re li ixaqilb'ej: “K'e reetal, laj eechal we xq'axtesi chixjunil sa' wuq' ut ink'a' nak'oxlak chirix li k'a'aq re ru li wank sa' rochoch, xb'aan wankin arin.

Génesis 19:14

Ki'elk ut laj Lot ut koxye chaq reheb' li te'k'amoq reheb' li xrab'in: “Waklinqex, elenqex sa' li na'ajej a'in xb'aan naq li Qaawa' ok re chi xsachb'al li tenamit”. A'ut eb' li hi'b'ej ke'xk'oxla naq yal b'atz'unk re.

San Mateo 24:43

Chenawaq ut a'in: wi laj eechal kab'l tixnaw ta jo'q'e honal re li q'oqyink taachalq laj elq', taayo'leq raj ut ink'a' raj tixkanab' chi weqe'k li rochoch.

Génesis 21:26

Ut kixye laj Abimélek: “Ink'a' ninnaw ani xb'aanunk re a'an. Laa'at ink'a' xaye we, chi moko laa'in xinnawok re toj anaqwan”, chan.

Éxodo 20:23

Meeyiib' eeyos rik'in plaat malaj oor; meeyiib' chi junajwa. Ka'ajwi' laa'in tineeloq'oni.

Éxodo 32:23

Xe'xye we: «Chayiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt».

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Ezequiel 20:8

«A'ut eb' a'an ke'q'etq'eto'k chiwu ut ink'a' ke'raj inpaab'ankil. Maajun reheb' a'an kixtz'eqtaana li xjalanil yos nab'alaq'ink reheb', chi moko kixkanab' xb'aanunkil li xmaa'usilaleb' laj Ejiipt. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li tenamit Ejiipt xb'aan xmay linch'ool.

Éxodo 24:12

Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

Éxodo 32:22

Kichaq'ok laj Aharón: “Wa', matjosq'o'k. Laa'at nakanaw naq li tenamit a'in naxik xch'ool chi xb'aanunkil li ink'a' us.

Deuteronomio 9:1

“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb':

Deuteronomio 31:8

Li Qaawa' aj k'amolb'ehaq chawu; a'anaq aawochb'een. Moko tatxkanab' ta aajunes. Matxiwak b'i' ut mich'inank aach'ool”, chan laj Moisés.

Salmos 106:19

Sa' li tzuul Horeb ke'xyiib' jun li wakax rik'in oor ut ke'xhupub' rib' chi xloq'oninkil li pak'b'il ch'iich'.