Éxodo 31:18 - Q'eqchi Bible

¹⁸ Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Li Santil hu

¹⁸ Nak quirakeꞌ chi a̱tinac li Dios riqꞌuin laj Moisés saꞌ li tzu̱l Sinaí, quixkꞌaxtesi li cuib chi perpo̱quil pec re, li quixtzꞌi̱ba cuiꞌ li chakꞌrab.

Éxodo 31:18 ပူးပေါင်းရင်းမြစ်များ

Deuteronomio 4:13

Li Qaawa' kixk'e chenaw li Sumwank ut kixye eere naq tento xk'anjelankil ru li lajeeb' chi aatin li kixtz'iib'a chiru wiib' perpookil pek.

Deuteronomio 5:22

“A'aneb' a'in li aatin kixye li Qaawa' eere toj sa' xyi li choql ut li xam chi kaw xyaab' xkux, naq ch'utch'uukex chi xtoon li tzuul. Chirix chik a'an maak'a' chik kixye, ut kixtz'iib'a chixjunil li aatin a'in chiru wiib' perpookil pek ut kixq'axtesiheb' we.

Éxodo 24:12

Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

San Lucas 11:20

Ab'anan, wi rik'in ruq' li Yos nawisiheb' laj tza, naraj naxye naq li xnimajwal awab'ejihom li Yos xol'elq eerik'in.

San Mateo 12:28

Ab'an, wi rik'in xMusiq' li Yos nawisiheb' laj tza, naraj naxye naq li xnimajwal awab'ejihom li Yos xol'elq eerik'in.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Éxodo 24:18

Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

2 Reyes 11:12

Toja' naq laj Johadá kirisi chaq li ralal li awab'ej, kixxaqab' cho'q awab'ej ut kixyul rik'in aseeyt. Ke'xpoq'poq'i li ruq'eb' chixjunileb' ut ke'xye chi kaw xyaab' xkuxeb': “Sahaq taxaq xch'ool li awab'ej!”, chankeb'.

Deuteronomio 10:4

Chirix chik a'an li Qaawa' kixtz'iib'a aran li k'aru kixtz'iib'a xb'enwa, a'eb' li lajeeb' chi aatin yeeb'ileb' xb'aan li Qaawa' sa' xb'een li tzuul, sa' xyi li xam, sa' xkutankil li loq'laj ch'utam, ut kixq'axtesi we.