Éxodo 31:13 - Q'eqchi Bible

¹³ “Chawaatinaheb' laj Israel ut chaye reheb': «Meekanab' roxloq'inkil linsábado, xb'aan naq li sábado a'an jun reetalil cho'q we ut cho'q eere laa'ex, xaqab'anb'il xwankil chi junajwa, re naq teenaw naq laa'in li Qaawa', li nasantob'resink eere.

Li Santil hu

¹³ —Ta̱ye aꞌin reheb laj Israel, “Che-oxlokꞌi li hiloba̱l cutan ut cheba̱nu li cꞌaꞌru xinye e̱re. Cui la̱ex te̱ba̱nu li cꞌaꞌru xinye e̱re, aꞌan ta̱cꞌanjelak chokꞌ retalil chicuu joꞌ ajcuiꞌ che̱ru la̱ex nak la̱in li Ka̱cuaꞌ Dios ut la̱ex sicꞌbil e̱ru inban. Ta̱cꞌanjelak ajcuiꞌ chokꞌ retalil chiruheb le̱ ralal e̱cꞌajol.

Éxodo 31:13 ပူးပေါင်းရင်းမြစ်များ

Ezequiel 20:20

Santob'resihomaq linhilob'aal kutan ut a'anaq jun qeetalil chiqib'il qib', re chinawmanq naq laa'in li Qaawa' leeYos, chankin.

Ezequiel 20:12

Kink'e ajwi' chi xloq'oniheb' li xwuq li kutan, ut a'an kikanaak jo' eetalil rik'ineb' a'an ut laa'in, re raj te'xjultika naq laa'in, li Qaawa', insantob'resihomeb' cho'q intenamit.

Levítico 19:30

“Cheroxloq'iiq li kutan sábado ut chek'e xloq'al linLoq'laj Na'aj. Laa'in li Qaawa'.

1 Ts 5:23

A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

Levítico 20:8

Paab'omaq ut k'anjelahomaq ru linchaq'rab'. Laa'in li Qaawa' li nasantob'resink eere.

Éxodo 31:17

A'anaq jun reetalil cho'q we ut cho'q reheb' laj Israel, xaqxooq xwankil chi junajwa”. Xb'aan naq chiru waqib' kutan li Qaawa' kixb'aanu li choxach'och', ut sa' li xwuq li kutan kihilank ut kik'ulunk xch'ool.

San Juan 17:17

Chasantob'resiheb' rik'in li yaal: laawaatin a'an li yaal.

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

Ezequiel 44:24

Naq wanq junaq ch'a'ajkilal, a'anaqeb' laj raqol aatin, ut te'xb'aanu jo' naxye linchaq'rab'. Sa' chixjunileb' linninq'e te'xpaab' lintaqlahom ut li waatin, ut te'roxloq'i linhilob'aal kutan.

Ezequiel 37:28

Ut naq linsantil ochoch taawanq sa' xyanqeb' chi junwaakaj, eb' li tenamit junch'ol te'xnaw naq laa'in li Qaawa', li ninsantob'resiheb' laj Israel»”.

Nehemías 9:14

Kak'e chixnaweb' laaloq'laj sábado ut kachaq'rab'i laj Moisés aj k'anjel chawu xk'utb'al laataqlahom, laawaatin ut laachaq'rab' chiruheb' laj Israel.

Levítico 26:2

“Cheroxloq'i linkutan sábado ut chek'e xloq'al linSantil Na'aj: laa'in li Qaawa'.

Levítico 23:3

“Waqib' kutan tatk'anjelaq, ab'an sa' xwuq li kutan tathilanq, a'an hilob'aal kutan re jun loq'laj ch'utam. Yalaq b'ar wanqat, a'anaq hilob'aal kutan sa' xk'ab'a' li Qaawa'.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Levítico 25:2

“Ye a'in reheb' laj Israel: Naq akaq xex'ok sa' li ch'och' li tink'e eere, tento taahilanq li ch'och' sa' xk'ab'a' li Qaawa'.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Mateo 23:17

Maak'a' eena'leb' ut mutz'ex, xb'aan naq b'ar wank li q'axal nim xwankil: ma li oor malaj li rochoch li Yos li nasantob'resink re li oor?

Éxodo 31:12

Li Qaawa' Yos kiraatina laj Moisés ut kixye re:

Deuteronomio 5:12

«Chawoxloq'i li kutan sábado re taasantob'resi, jo' xatxchaq'rab'i wi' li Qaawa' laaYos.

Isaías 56:2

Us xaq re li poyanam li naxb'aanu chi jo'kan ut junelik naxk'e xch'ool chi xk'anjelankil ru a'an: a' li na'oxloq'ink li sábado ut ink'a' naxsach xwankil, li naxra rib' chiru li xb'aanunkil li maa'usilal”.

Jeremías 17:22

Meerisi chik leeriiq sa' leerochoch sa' li kutan sábado; maajun chik k'anjel teeb'aanu, santob'resiiq b'an li kutan a'an sa' ink'ab'a' jo' kinchaq'rab'iheb' wi' leexe'toonil yuwa'.

Amós 8:5

Laa'ex nekeye: “Jo'q'e taaraqe'q xninq'ehinkil li ak' po re tooruuq xk'ayinkil li triiw? Jo'q'e taanume'q li hilaal kutan re xk'ayinkil li ixim chi terto xtz'aq, ut tqak'os xb'isul li b'isleb'?