Éxodo 30:34 - Q'eqchi Bible

³⁴ Kixye li Qaawa' re laj Moisés: “Taasik' li sununkil b'an: estakte, ónice, gálbano ut tz'aqal ensens; juntaq'eet rik'in li junjunq taak'e.

Li Santil hu

³⁴ Ut li Ka̱cuaꞌ quixye re laj Moisés: Sicꞌ li cha̱bil ban li nacꞌanjelac re xyi̱banquil li incienso. Juntakꞌe̱t riqꞌuin li junju̱nk ta̱qꞌue. Sicꞌ lix kꞌol li cheꞌ li sunu̱nc: li estacte, li uña aromático, li incienso ut li gálbano aromático xcꞌabaꞌeb.

Éxodo 30:34 ပူးပေါင်းရင်းမြစ်များ

Éxodo 37:29

Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

Levítico 2:15

Sa' xb'een laamayej tento taak'e li aseeyt ut li pom, xb'aan naq a'an mayej k'aj.

Éxodo 30:23

“Taasik' sununkil b'an: waqlaju liib'r chi tz'aqal miir, waqib' liib'r chi kaneel, waqib' liib'r chi sununkil utz'aal,

Éxodo 25:6

aseeyt re xya'al li saqenk, sununkil b'an li na'ok sa' li aseeyt re yuluk ut sa' li sununkil ensens;

San Mateo 2:11

Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Nehemías 13:5

jo'kan naq kixq'axtesi re laj Tobías jun nimla ochoch b'arwi' junxil kik'uulamank li mayej, li k'ajpom, eb' li k'anjelob'aal, li xlajeetqil li triiw, li b'iin ut li aseeyt, jo'ch'inal jo'nimal tento xk'eeb'al reheb' laj Leví, reheb' laj b'ichanel ut reheb' laj k'aak'alenel okeb'aal; jo'kan ajwi' aran kik'uulamank li xk'ulub'eb' xk'ulb'al eb' laj tij.

Levítico 24:7

Sa' xb'een li junq tzol chi wa k'e li tz'aqal k'ajpom; a'an taak'anjelaq re li kaxlan wa jo' sununkil mayej, k'atb'il mayej re eepatz'b'al chiru li Qaawa'.

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Levítico 2:1

“Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

Éxodo 30:35

Rik'ineb' a'an taayiib' sununkil ensens, q'axal chaab'il ut loq', jo' naxb'aanu laj yiib'ahom re; taatz'aqob'resi a'an rik'in atz'am.

Éxodo 31:11

li aseeyt re li yuluk ut li sununkil ensens re li Loq'laj Na'ajej. Eb' a'an te'yiib'anq re chixjunil a'in jo' xinye tz'aqal aawe”.

Éxodo 35:15

li artal re li ensens ut eb' li che' re xpaqonkil; li aseeyt re li yuluk, li sununkil ensens, li nimla t'ikr li taak'eemanq sa' rokeb'aal li Loq'laj Muheb'aal,

Levítico 16:12

Chirix a'an tixxok jun li sansaar sa' li artal chiru li Qaawa', nujenaqaq rik'in ru ram; tixxok ajwi' wiib' moch'olaq li k'ajpom li jwal sununk ut tixk'am chirix li t'ilkem;

Números 4:16

Laj Elehasar, ralal laj Aharón laj tij, a'an li taa'iloq re li xya'al li xam, li sununkil ensens, li ru li awimq namayejaak rajlal kutan ut li loq'laj aseeyt re yuluk. Sa' xb'een ajwi' a'an wank rilb'al li Loq'laj Na'ajej ut chixjunil li k'a'aq re ru wank chisa': a' li k'a'aq re ru jwal loq' ut chixjunil li na'oksimank aran”.

Isaías 43:23

Ink'a' xayeechi'i we laakarneer cho'q k'atb'il mayej chi moko xaloq'oni wu rik'in mayejak. Laa'in ink'a' xatintawasi rik'in xtitz'b'al laamayej, chi moko xatinch'i'ch'i'i rik'in xpatz'b'al laak'ajpom.

Éxodo 30:7

Aran laj Aharón tixk'at li sununkil ensens; tixk'at a'an wulaj wulaj eq'la, naq tixyiib'eb' li saqenk,

Números 7:14

Kixmayeja ajwi' jun lekleb' yiib'anb'il rik'in oor aj lajeeb' xwaqk'aal chi tumin, nujenaq chi ensens;