Éxodo 30:31 - Q'eqchi Bible

³¹ Taawaatinaheb' laj Israel ut taaye reheb': «A'an a'in li aseeyt li taak'anjelaq eere re li loq'laj yuluk junq'e junq'e kutan.

Li Santil hu

³¹ Tat-a̱tinak riqꞌuineb laj Israel ut ta̱ye reheb chi joꞌcaꞌin. Chalen anakcuan aꞌin li aceite li ta̱qꞌuehekꞌ saꞌ xjolomeb le̱ ralal e̱cꞌajol li teꞌcua̱nk mokon li teꞌkꞌaxtesi̱k chi cꞌanjelac chiru li Ka̱cuaꞌ.

Éxodo 30:31 ပူးပေါင်းရင်းမြစ်များ

Salmos 89:20

Najter q'e kutan xat-aatinak sa' moy u ut xaye reheb' laj paab'anel: “Xinsik' ru jun li winq q'axal kaw rib' ut xinterq'usi xk'ab'a' sa' xyanq lintenamit.

Levítico 21:10

“Li xyuwa'il aj tij ak xk'ulum xwankilal re naq tixtiqib' rib' rik'in loq'laj aq'ej, sa' xk'ab'a' li osob'tesinb'il aseeyt kik'ehe'k sa' xjolom. Jo'kan naq ink'a' naru helhookaq li rismal xjolom chi moko tixq'ich li raq', reetalil naq ra sa' xch'ool;

Levítico 8:12

Chirix chik a'an laj Moisés kixhoy sa' xb'een xjolom laj Aharón li aseeyt re osob'tesink, kixyul ut kixxaqab' cho'q aj tij.

Éxodo 37:29

Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

Éxodo 30:30

“Taayul ajwi' laj Aharón rochb'eeneb' li ralal ut taaq'axtesiheb' we chi k'anjelak cho'q aj tij chiwu.

Éxodo 30:32

Ink'a' naru xhoyb'al sa' xb'een junaq chik winq chi moko teeyiib' junaq chik aseeyt kama'aq ta a'in, xb'aan naq a'an loq' ut tento naq teek'e xloq'al.