Éxodo 30:25 - Q'eqchi Bible

²⁵ Rik'ineb' a'an taayiib' li aseeyt re li loq'laj yuluk, sununkil b'an jo' tz'aqal naxb'aanu laj yiib'ahom re; ut a'anaq li aseeyt re li loq'laj yuluk.

Li Santil hu

²⁵ Riqꞌuin chixjunil aꞌin te̱yi̱b chi cha̱bil li sununquil ban re xqꞌuebal saꞌ xbe̱neb li teꞌkꞌaxtesi̱k chi cꞌanjelac chicuu.

Éxodo 30:25 ပူးပေါင်းရင်းမြစ်များ

Éxodo 37:29

Kixyiib' ajwi' li aseeyt re li loq'laj yuluk ut li sununkil ensens jwal chaab'il, jo' tz'aqal naxb'aanu laj yiib'ahom re.

1 Crónicas 9:30

Wankeb' junjunq aj tij li neke'xkawresi li sununkil b'an;

Éxodo 40:9

“Toja' naq taachap li aseeyt re yuluk ut taayul chiru li Loq'laj Muheb'aal jo' ajwi' chiru chixjunil li wank chisa'. Taaq'axtesi a'an we laa'in rochb'een chixjunileb' li xk'anjelob'aal, re naq santob'resinb'ilaq chik.

Salmos 133:2

A'an chanchan sununkil b'an li nahoymank sa' xb'een jolomej ut nakub'eek toj chi xmach, toj chi xmach laj Aharón, chire chixjunil li raq'.

Salmos 89:20

Najter q'e kutan xat-aatinak sa' moy u ut xaye reheb' laj paab'anel: “Xinsik' ru jun li winq q'axal kaw rib' ut xinterq'usi xk'ab'a' sa' xyanq lintenamit.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

Números 35:25

ut li komonil tento tixkol xyu'am laj kamsinel ras riitz'in chiru laj eeqajunel kik'. Tento ajwi' tixtaqla wi' chik sa' li tenamit xmuq wi' rib'. Ut aran taakanaaq li xkamsi ras riitz'in toj reetal taakamq li xyuwa'il laj tij li yulb'il rik'in loq'laj oleo.

Éxodo 29:7

Toja' naq taachap li aseeyt re osob'tesink, taahoy sa' xb'een xjolom ut taayul.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

Éxodo 30:24

waqlaju liib'r chi kasya (jo' neke'b'isok sa' li Loq'laj Na'ajej) ut numenaq oxib' liib'r chi aseeyt.

Éxodo 30:32

Ink'a' naru xhoyb'al sa' xb'een junaq chik winq chi moko teeyiib' junaq chik aseeyt kama'aq ta a'in, xb'aan naq a'an loq' ut tento naq teek'e xloq'al.

Éxodo 30:35

Rik'ineb' a'an taayiib' sununkil ensens, q'axal chaab'il ut loq', jo' naxb'aanu laj yiib'ahom re; taatz'aqob'resi a'an rik'in atz'am.

Éxodo 35:15

li artal re li ensens ut eb' li che' re xpaqonkil; li aseeyt re li yuluk, li sununkil ensens, li nimla t'ikr li taak'eemanq sa' rokeb'aal li Loq'laj Muheb'aal,

Levítico 8:2

“B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Levítico 8:10

Chirix a'an laj Moisés kixchap li aseeyt re osob'tesink ut kixkirkiri li Loq'laj Muheb'aal ut chixjunil li k'aru wank chisa', ut chi jo'kan kirosob'tesi.

Eclesiastés 10:1

Jun kamenaq utz' naxk'e chi tz'eqe'k jun sek'aq chi sununkil b'an. Jo'kan ajwi' kach'in li memil na'leb' q'axal chik nak'eemank reetal chiru li na'leb' jwal loq'.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

1 Reyes 1:39

Aran laj Sadok laj tij kixxok sa' li Loq'laj Muheb'aal li xukub' re li aseeyt ut kixyul laj Salomón chiru a'an. Chirix chik a'an ke'xk'e chi yaab'asiik li tronpeet ut chixjunil li tenamit chi kaw xyaab'eb' xkux ke'ok chi xyeeb'al: “Nimanb'ilaq taxaq li awab'ej Salomón!”.