Éxodo 30:20 - Q'eqchi Bible

²⁰ Naq okaqeb' re sa' xMuheb'aal li ch'utam, tento te'ch'ajoq rik'in ha', re naq ink'a' te'kamq. Jo'kanaq ajwi' naq te'jiloq chi xk'atq li artal chi k'anjelak, re k'atok mayej chiru li Qaawa'.

Li Santil hu

²⁰ Nak teꞌoc saꞌ li tabernáculo tento nak teꞌchꞌajok re nak incꞌaꞌ teꞌca̱mk. Joꞌcan ajcuiꞌ nak teꞌoc chiru li artal chixcꞌatbal li mayej chicuu la̱in li Ka̱cuaꞌ.

Éxodo 30:20 ပူးပေါင်းရင်းမြစ်များ

Hechos 5:5

Naq kirab'i li aatin a'in, laj Ananías kit'ane'k ut ki'elk xch'ool. Ut k'ajo' naq ke'chalk xxiweb' li ke'ab'ink re.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

1 Crónicas 13:10

Ab'an kichalk xjosq'il li Qaawa' sa' xb'een laj Usá, ut aran ajwi' kitiq'e'k xb'aan li Yos xb'aan naq kixye' li ruq' re xchapb'al li Loq'laj Kaax: kikamk aran chiru li Qaawa'.

1 Samuel 6:19

Sa' xyanqeb' laj Bet-Semes wankeb' ink'a' ke'saho'k xch'ool naq ke'ril li xLoq'laj Kaax li Qaawa'. Jo'kan naq li Yos kixk'e chi kamk lajeeb' xkaak'aal chi winq, ut eb' li tenamit ke'wank sa' rahil ch'oolej xb'aan naq q'axal ke'rahob'tesiik xb'aan li Qaawa'.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Hechos 5:10

Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom.

Éxodo 30:19

li te'xch'aj wi' eb' li roq ruq' laj Aharón rochb'eeneb' li ralal xk'ajol.

Éxodo 30:21

Tento te'xch'aj eb' li roq ruq', re naq ink'a' te'kamq. Teneb'anb'ilaq li chaq'rab' a'in chi junajwa sa' xb'eeneb', sa' xb'een laj Aharón ut eb' li ralal xk'ajol, junq'e junq'e kutan”.

Éxodo 40:31

ut aran laj Moisés, laj Aharón ut eb' li ralal ke'xch'ajeb' li roq ut eb' li ruq'.

Levítico 8:6

Chirix chik a'an laj Moisés kixb'oqeb' laj Aharón ut eb' li ralal xk'ajol chi nach'ok rik'in, ut kixch'ajeb' rik'in ha'.

Levítico 16:4

Tento tixk'e li loq'laj jut-aq' chirix, a' li yiib'anb'il rik'in liin, wanq li xyach' yiib'anb'il rik'in liin; tixk'e ajwi' xk'aamal xsa' ut xb'ak'b'al xjolom liin. Li aq'ej a'in a'an loq'; jo'kan naq toj xb'enwa taa'atinq, toja' naq tixk'e chirix.