Éxodo 3:8 - Q'eqchi Bible

⁸ Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Li Santil hu

⁸ Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Éxodo 3:8 ပူးပေါင်းရင်းမြစ်များ

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Deuteronomio 1:25

Ke'xxok chaq ru rawimq li tenamit a'an, ke'xk'am chaq ut ke'xye qe: «Chaab'il ch'och' li naxk'e qe li Qaawa' li qaYos», chankeb'.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Jeremías 11:5

Wi tex'ab'inq chiwu, laa'in tinb'aanu li kinye sa' jurament reheb' leena' leeyuwa' ut texink'e chi wank sa' xq'emal li ch'och', jo' wankex wi' anaqwan”. Ut laa'in kinsume: “Jo'kan taxaq, at Qaawa'”, chankin.

Números 13:27

A'an a'in li ke'xseeraq'i: “Xoowulak sa' li tenamit xoohaataqla wi', ut relik chi yaal naq xq'emal li ch'och'. A'aneb' a'in ru li awimq.

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Salmos 34:8

Li x'ánjel li Qaawa' naxk'aak'ale ut naxkoleb' jo'k'ihaleb' li neke'paab'ank chiru li Yos.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Jeremías 32:22

Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Deuteronomio 27:3

ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Génesis 11:5

Ab'anan li Qaawa' Yos kiril li tenamit jo'wi' li kab'l najt xteram li yookeb' chi xyiib'ankil eb' li poyanam,

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

Isaías 64:1

At Qaawa', us raj naq taate li choxa ut tatkub'eeq chaq! Te'ha'o'q raj eb' li tzuul naq tate'ril.

Éxodo 34:11

“K'e reetal li k'aru tatintaqla wi' anaqwan. Twisiheb' chawu laj Amor, laj Kanahán, laj Hit, laj Perés, laj Jib ut laj Jebús.

Génesis 18:21

Tinkub'eeq ut toxwil ma yaal li neke'jite'k wi' chiwu malaj ink'a'. Tento toxinnaw”.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.

Deuteronomio 28:11

Li Qaawa' tixk'e aawe li chaab'il eechej chi numtajenaq: tixk'e naab'al laawalal laak'ajol, jo'wi' laawakax ut laawawimq, chiru li ch'och' kixyeechi'i reheb' laana' laayuwa' chaweechani laa'at.

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Deuteronomio 1:7

Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.

Números 13:19

ut chanru li na'ajej wankeb' wi', ma chaab'il malaj ink'a'. Teek'e chaq reetal chanru eb' li tenamit aran, ma yal muheb'aaleb' malaj suttz'akinb'il.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 46:4

Laa'in tinxik aawochb'een aran Ejiipt, ut laa'in ajwi' tinsutq'isinq chaq aawe arin. Laj José taatz'apoq re xsa' laawu”.

Éxodo 5:23

Xb'aan naq chalen sa' linwulajik rik'in laj Parahón chi raatinankil sa' laak'ab'a', yo xrahob'tesinkil li tenamit a'in, ut laa'at toj maak'a' xab'aanu re xkolb'aleb'”.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Deuteronomio 6:3

Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.

Génesis 43:11

Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Levítico 20:24

Laa'in xinye li waatin naq laa'exaq aj eechal re li xtenamiteb'; laa'in ajwi' tink'ehoq chereechani li ch'och' a'an, li k'ajo' xq'emal. “Laa'in li Qaawa' leeYos, li kinsik'ok eeru sa' xyanqeb' li jar teep chi tenamit.

Números 13:18

K'ehomaq reetal chi us li tenamit ut aniheb' li wankeb' aran, ma kaweb' rib' malaj ink'a', ma k'iheb' malaj ink'a',

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Josué 9:7

Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

1 Crónicas 1:15

eb' laj Jib, eb' laj Arak, eb' laj Sin,

Salmos 12:6

A'ut laa'at xaye reheb': “Sa' xk'ab'a' naq rahob'tesinb'il li toq'ob' ru, sa' xk'ab'a' naq yo chi yaab'ak li neb'a', laa'in tinwakliiq anaqwan ut tinkol li naroyb'eni xkolb'al”.

Isaías 36:17

Chirix chik a'an tinwulaq laa'in ut texink'am sa' jun li na'ajej jo' leena'aj laa'ex, b'arwi' na'elk chi us li triiw, li uub', re naq taawanq leewa leeruk'a' chi yo'oon.