Éxodo 3:20 - Q'eqchi Bible

²⁰ Ab'an laa'in tinye' li wuq' ut tinrahob'tesiheb' laj Ejiipt rik'in chixjunileb' li sachb'ach'oolej li tinb'aanu sa' xyanqeb'; toja' naq texxkanab' chi elk.

Li Santil hu

²⁰ La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Éxodo 3:20 ပူးပေါင်းရင်းမြစ်များ

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Nehemías 9:10

Kab'aanu xninqal eetalil ut sachb'ach'oolej sa' xb'een laj Parahón, sa' xb'eeneb' laj k'anjel chiru jo'wi' sa' xb'een chixjunil li xtenamit, xb'aan naq aawilom chanru naq ke'xq'etq'eti rib' chiruheb' laj Israel. Jo'kan naq chalen anaqwan nawno aawu yalaq b'ar.

Deuteronomio 6:22

Kiqil chi xb'aanunkil xninqal sachb'ach'oolej ut xiwajel b'aanuhom aran Ejiipt, re xrahob'tesinkil laj Parahón ut chixjunileb' li wankeb' sa' xjunkab'al.

Éxodo 9:15

Wi ta xinye' li wuq' ut xatinrahob'tesi ta laa'at jo' ajwi' laatenamit rik'in raxkamk, ak maa'anihat raj chik sa' ruuchich'och'.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Salmos 105:27

Eb' a'in naab'al sachb'ach'oolej ke'xb'aanu sa' xyanqeb' laj Ejiipt, naab'al xninqal eetalil ke'wank aran sa' xch'och'el laj Kam.

Éxodo 12:39

Naq ke'isiik Ejiipt, ink'a' ke'ruuk chi b'ayk, chi moko ke'ruuk chi xxokb'al xtzekemqeb'. Jo'kan naq chiru li q'em li ke'xxok Ejiipt, ke'xyiib' xsup k'ulujeb', xb'aan naq maji' nasipo'k li q'em.

Ezequiel 20:33

Sa' xk'ab'a' linloq'al ninye li waatin naq tin'awab'ejinq sa' eeb'een rik'in xnimal inwankil ut sa' josq'il -chan li Qaawa'-.

Isaías 26:11

At Qaawa', ak teneb'anb'il li tojb'amaak sa' xb'eeneb', ab'anan ink'a' neke'raj xk'eeb'al reetal; ut naq te'ril li xnimal aarahom rik'in laatenamit, te'kanaaq sa' xutaan. A' taxaq li xxamlel laajosq'il chisachoq reheb' li xik' neke'ilok aawe.

Isaías 19:22

Li Qaawa' tixrahob'tesiheb' laj Ejiipt, ab'an tixk'irtasiheb' wi' chik. Eb' a'an te'xyot' xch'ool ut te'xjal xk'a'uxl chiru li Yos, ut A'an taaruxtaana ruheb' ut tixk'irtasiheb'.

Salmos 106:22

naq kixk'ut li sachb'ach'oolej sa' xch'och'el laj Kam ut xninqal b'aanuhom chire li Kaqi Palaw.

Salmos 105:38

Q'axal ke'saho'k xch'ool laj Ejiipt sa' relikeb', xb'aan naq numtajenaq nim li xxiweb'.

Jueces 8:16

Kixchapeb' li xcheekelaleb' li tenamit ut kixq'ir li xtib'eleb' laj Sukot rik'in li k'ix nawank sa' li chaqich'och' ut rik'in pajl.

Jueces 6:8

li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Éxodo 11:1

Kixye li Qaawa' re laj Moisés: “Toj jun chik li rahilal tintaqla sa' xb'een laj Parahón ut sa' xb'eeneb' laj Ejiipt. Chirix chik a'an texxkanab' chi elk arin ut, naq texxkanab' chi xik, texrisi chi junwaakaj arin.

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 15:6

“At Qaawa', k'ajo' xwankil ut xkawilal laanim uq'. At Qaawa', laanim uq' naxputz'i eb' li xik' neke'ilok qe.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Miqueas 7:15

Chak'ut wi' chik li xninqal sachb'ach'oolej chiruheb', jo' naq koo'elk chaq sa' li tenamit Ejiipt.