Éxodo 3:19 - Q'eqchi Bible

¹⁹ Ak ninnaw naq li awab'ej re Ejiipt ink'a' texxkanab' chi xik wi ink'a' ta minb'ilaq ru chi kaw.

Li Santil hu

¹⁹ La̱in ac ninnau nak lix reyeb laj Egipto incꞌaꞌ texcanab chi e̱lc cui incꞌaꞌ tincꞌut lin cuanquil chiruheb.

Éxodo 3:19 ပူးပေါင်းရင်းမြစ်များ

Éxodo 6:1

Li Qaawa' kixye re laj Moisés: “Anaqwan taawil k'aru tinb'aanu re laj Parahón, xb'aan naq ka'ajwi' rik'in linkawil uq' tixkanab'eb' chi xik ut taarisiheb' sa' li xtenamit”.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Éxodo 4:21

Li Qaawa' kixye re laj Moisés: “Akaq xatwulak Ejiipt, b'aanu chiru laj Parahón chixjunileb' li sachb'ach'oolej xink'eheb' sa' aawuq'. A'ut laa'in tinkawub'resi xch'ool laj Parahón ut ink'a' tixkanab'eb' chi elk li tenamit.

Éxodo 8:28

Laj Parahón kixsumeheb': “Texinkanab' chi xik re naq texmayejaq chaq sa' li chaqich'och' chiru li Qaawa' leeYos; ab'an ink'a' jwal najt texxik. Ut chextijoq chaq chiwix”, chan.

Éxodo 9:7

Laj Parahón kixtaqla rilb'al k'aru xk'ulmank, ut kik'utunk naq maajun li xul reheb' laj Israel kikamk. Ab'anan kikawuuk xch'ool laj Parahón ut ink'a' kixkanab'eb' chi elk li tenamit.

Éxodo 9:35

Kikawuuk xch'ool laj Parahón ut ink'a' kixkanab'eb' chi elk laj Israel, kama' yeeb'il chaq xb'aan li Qaawa' chi xtz'uumal re laj Moisés.

Éxodo 10:20

Ab'an li Qaawa' kixkawub'resi xch'ool laj Parahón, ut a'in ink'a' kixkanab'eb' chi elk laj Israel.

Éxodo 11:9

Toja' naq li Qaawa' kixye re laj Moisés: “Laj Parahón ink'a' texrab'i, ut chi jo'kan tinnaab'alob'resi linsachb'ach'oolej sa' li tenamit Ejiipt”, chan.

Éxodo 11:10

Laj Moisés ut laj Aharón ke'xb'aanu chixjunileb' li sachb'ach'oolej a'in chiru laj Parahón; ab'an li Qaawa' kixkawub'resi xch'ool laj Parahón ut a'in ink'a' kixkanab'eb' laj Israel chi elk sa' li xtenamit.

Éxodo 13:15

Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.