Éxodo 3:15 - Q'eqchi Bible

¹⁵ Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Li Santil hu

¹⁵ Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

Éxodo 3:15 ပူးပေါင်းရင်းမြစ်များ

Hebreos 13:8

Li Jesukriist a'an ajwi' li wan chaq ewer, li wank anaqwan; ut a'anaq chi junelik.

Malaquías 3:6

“Laa'in li Qaawa', ut ink'a' ninjal linna'leb'. Jo'kan naq laa'ex li ralal xk'ajol laj Jakob maji' nekex'oso'k.

Oseas 12:5

Li Qaawa' a'an li Nimajwal Yos; a'an Qaawa' naxk'ab'a'in.

Miqueas 4:5

Eb' li tenamit junch'ol neke'xloq'oni ut neke'xpaab' li xyoseb', a'ut laa'o junelik naqapaab' ut naqaloq'oni li Qaawa' li qaYos.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Salmos 102:12

Yo chi oso'k linyu'am chanchan naq na'ewuuk chi junpaat li kutan; yookin chi chaqik kama' li pim.

Salmos 135:13

At Qaawa', laak'ab'a' wank chi junelik ut maajoq'e tkanab'aaq xpatz'b'al laak'ab'a'.

Hechos 7:32

«Laa'in li xYos eb' laana' laayuwa'; laa'in xYos laj Abrahán, laj Isahak ut laj Jakob», chan. Nasiksotk laj Moisés ut kixxiwa rilb'al.

Deuteronomio 1:11

A' taxaq li Qaawa', li xYos leexe'toonal, chexk'ihob'resi chi k'iila o'q'ob' ut chexrosob'tesi jo' chanru xyeechi'om chaq.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Isaías 63:12

ut kirochb'eeni rik'in li xnimal xwankil? Kixjach ru li palaw sa' wiib' chiruheb' re naq nawnooq li xk'ab'a' chi junelik;

Salmos 72:19

Usilaatinanb'il taxaq li xloq'laj k'ab'a' chi junelik; chinujaq taxaq chixjunil li ruuchich'och' rik'in xloq'al! Jo'kan taxaq, jo'kan taxaq!

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

2 Crónicas 28:9

Aran Samaria kiwank jun xpropeet li Qaawa', aj Obed xk'ab'a', li ki'elk chi xk'ulb'aleb' laj puub' naq yookeb' chi ok sa' li tenamit, ut kixye reheb': “Li Qaawa', xYos eb' leena' leeyuwa', kichalk xjosq'il rik'ineb' laj Judá ut kixq'axtesiheb' sa' leeruq'. Ab'an laa'ex xekamsiheb' chi k'ajo' eejosq'il: toj sa' choxa kiwulak leejosq'il!

San Mateo 22:32

«Laa'in li xYos laj Abrahán, li xYos laj Isahak ut li xYos laj Jakob»? Maawa' xYos li kamenaqeb', xYos b'an li yo'yookeb'.

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

Deuteronomio 1:35

«Maajun reheb' li winq a'in li ink'a' useb' te'ril li chaab'il ch'och' li kinyeechi'i xk'eeb'al reheb' leena' eeyuwa'.

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Génesis 24:12

Ut kitijok chi jo'ka'in: “At Qaawa', laa'at li xYos laj Abrahán laj eechal we! Chak'e taxaq naq us tin'elq chiru li kutan a'in ut chawusila ru laj eechal we.

Éxodo 3:13

Ab'anan laj Moisés kixye re li Yos: “Wi laa'in tinxik rik'ineb' laj Israel ut tinye reheb': «Li xYos leexe'toonil yuwa' xinxtaqla chaq eerik'in», eb' a'an te'xpatz' we: «Ani li xk'ab'a'?». Toja' naq k'aru tinye reheb'?”.

Éxodo 4:1

Kichaq'ok laj Moisés ut kixye: “Chakuy inmaak, ink'a' tine'xpaab', chi moko te'rab'i xyaab' inkux; te'xye b'an: «Ink'a' xk'utb'esi rib' li Qaawa' chawu»”.

Éxodo 6:2

Li Qaawa' kiraatina laj Moisés ut kixye re: “Laa'in li Qaawa'.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Éxodo 15:3

Li Qaawa' a'an q'axal kaw rib'; Qaawa' Yos: a'an li xk'ab'a'.

Levítico 24:11

Sa' jun kutan li winq a'in ut jun chik aj Israel ke'xwech'i rib' sa' li xmuheb'aaleb', ut li xyum li ixq aj Israel kixmajewa xk'ab'a' li Qaawa'. Toja' naq kik'ame'k chiru laj Moisés

Salmos 30:4

Laa'at xatkolok we chi xik sa' xna'ajeb' li kamenaq; xak'e wi' chik inyu'am naq ak wankin chiru li kamk.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Isaías 26:8

Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Jeremías 33:2

“Jo'ka'in xye li Qaawa', li kixk'uub' li ruuchich'och', kixyiib' ut kixk'ojob' chi junajwa sa' xna'aj; li xk'ab'a' a'an Qaawa':

Daniel 2:23

Ninb'anyoxink chawu, at Qaawa', xYosat eb' linxe'toonil yuwa', xb'aan naq xak'e inchoxahil na'leb' ut inwankilal; xak'ut chiqu xyaalal li xqatz'aama aawe ut xak'e chiqanaw li yo wi' xk'a'uxl li awab'ej”.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

1 Crónicas 29:18

At Qaawa', xYos laj Abrahán, laj Isahak ut laj Israel, laa'at li xyos eb' li qaxe'toonil yuwa', chawil laatenamit re naq junelik wanq sa' xch'ooleb' li na'leb' a'in ut xaqxooqeb' taxaq li xk'a'uxeb' aawik'in.

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

Salmos 68:5

Chexb'ichanq sa' xk'ab'a' li Qaawa' ut chexwajb'aq chiru, chete li b'e chiru li nachalk sa' choql. A'an Qaawa' naxk'ab'a'in; sahoqex rik'in.

Salmos 102:13

A'ut laa'at, at Qaawa', nakat-awab'ejink chi junelik; maajoq'e taakanab'aaq xpatz'b'al laak'ab'a'.

Oseas 12:6

Jo'kan naq laa'ex aj Israel sutq'inqex rik'in leeYos: chexrahoq ut chexwanq sa' tiikilal, ut k'ojk'ooq leech'ool rik'in leeYos chi junelik.