Éxodo 3:12 - Q'eqchi Bible

¹² Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Li Santil hu

¹² Li Dios quichakꞌoc ut quixye re laj Moisés: —Ayu ut la̱in cua̱nkin a̱cuiqꞌuin. Ut aꞌin a̱cuetalil nak la̱in xintaklan a̱cue. Nak ac xacuisiheb chak laj Israel saꞌ li tenamit Egipto, saꞌ li tzu̱l aꞌin tina̱lokꞌoni cuiꞌchic, chan li Dios.

Éxodo 3:12 ပူးပေါင်းရင်းမြစ်များ

Josué 1:5

Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

Génesis 31:3

Toja' naq li Qaawa' kixye re laj Jakob: “Sutq'in sa' rochoch laana' laayuwa', sa' laatenamit, ut laa'in wanqin aawik'in”.

Éxodo 4:15

Taawaatina ut taak'e li aatin sa' re. Laa'in wanqin sa' laawe ut sa' li re, ut tink'ut cheru li tento teeb'aanu.

Éxodo 4:12

Jo'kan b'i', ayu: laa'in wanqin sa' laawe ut tink'ut chawu li k'aru toxaaye”.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Hechos 11:21

Li ruq' li Qaawa' wank rik'ineb'; jo'kan naq naab'aleb' ke'ok chi paab'ank ut ke'xq'axtesi rib'eb' re li Qaawa'.

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Salmos 86:17

Chak'e we junaq reetalil laawusilal, re naq eb' li xik' neke'ilok we te'ril ut te'kanaaq sa' xutaan, xb'aan naq laa'at laj tenq'ahom we ut laj k'ojob'anel linch'ool.

Isaías 37:30

“A'an a'in li eetalil cho'q aawe, reetalil li k'aru taak'ulmanq. Chiru li chihab' a'in teetzeka ru li awimq teetaw chi ink'a' awb'il. Chiru li jun chik teetzeka li namoqk xjunes; ut sa' rox li chihab' tex'awq ut texq'oloq, awqex uub' ut teek'ux li ru.

Jueces 7:11

Naq taawab'i li k'aru yooqeb' xyeeb'al, tkawuuq aach'ool chi yalok rik'ineb'”, chan li Yos. Toja' naq laj Jedehón rochb'een laj Purá li xmoos koheb' toj sa' xmaril li xmuheb'aaleb' laj Madián.

Jueces 6:21

Toja' naq li x'ánjel li Qaawa' kixch'e' li tib' ut li k'uluj rik'in ru'uj li xuq' li wank sa' ruq', ut sa' junpaat ki'elk chaq xam sa' li pek, kixk'at li tib' ut li k'uluj, ut li x'ánjel li Qaawa' sachaamil chiru.

Jueces 6:17

Toja' naq laj Jedehón kixye: “Wi usilal xintaw chawu, k'ut junaq eetalil chiwu re naq tinnaw naq relik chi yaal laa'at li yookat chi aatinak wik'in.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Génesis 15:8

Kichaq'ok laj Abrán: “At inQaawa', k'aru tinnaw wi' naq tweechani a'an?”, chan.

Hechos 7:7

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq ut toline'xloq'oni sa' li na'ajej a'in», chan li Yos.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Éxodo 3:13

Ab'anan laj Moisés kixye re li Yos: “Wi laa'in tinxik rik'ineb' laj Israel ut tinye reheb': «Li xYos leexe'toonil yuwa' xinxtaqla chaq eerik'in», eb' a'an te'xpatz' we: «Ani li xk'ab'a'?». Toja' naq k'aru tinye reheb'?”.

Éxodo 18:5

Naq kiwulak laj Jetró, aj hi'om re laj Moisés, rochb'eeneb' li ralal ut li rixaqil laj Moisés sa' li chaqich'och' b'arwi' a'in yo chi hilank, chi xk'atq li xtzuul li Yos,

Éxodo 33:14

Kichaq'ok li Qaawa' ut kixye re: “Laa'in tin'ochb'eeninq aawe ut tatink'e chi hilank”.

Números 16:28

Toja' naq kixye laj Moisés: “Rik'in a'in teenaw naq li Qaawa' xtaqlank chaq we chi xb'aanunkil chixjunil a'in ut moko yal ta xinyoob' wib' injunes.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Jueces 6:16

Kixye li Qaawa' re: “Laa'in wanqin aawik'in ut laa'at taaq'axeb' ru laj Madián. Chanchanaqeb' jun chi winq naq taasacheb' ru”, chan.

2 Reyes 19:29

“A'an a'in li eetalil cho'q aawe, reetalil li k'aru taak'ulmanq. Chiru li chihab' a'in teetzeka ru li awimq teetaw chi ink'a' awb'il. Chiru li jun chik teetzeka li namoqk xjunes; ut sa' rox li chihab' tex'awq ut texq'oloq, tex'awoq uub' ut teek'ux li ru.

Jeremías 1:8

Maaxiwa ruheb' li tenamit, xb'aan naq wankin aawik'in re aakolb'al. Laa'in, li Qaawa', ninye li waatin”.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Éxodo 8:27

Jo'kan naq toob'eeq sa' li chaqich'och' chiru oxib' kutan ut aran toomayejaq chiru li Qaawa' li qaYos, jo' taqlanb'ilo wi' xb'aan”.

Jueces 6:12

Li x'ánjel li Qaawa' kixk'ut rib' chiru ut kixye re: “Li Qaawa' wank aawik'in, at winq q'axal kaw aawib'”, chan.

1 Samuel 14:10

Ab'anan wi te'xye qe: «Taqenqex chaq arin», laa'o tootaqe'q, xb'aan naq a'an reetalil chiqu naq li Qaawa' tixq'axtesiheb' sa' quq'”.

1 Crónicas 9:20

Chi rub'eetal chaq a'an, laj Pinjás, ralal laj Elehasar, a'an kijolomink reheb', ut li Qaawa' kiwank rik'in.