Éxodo 3:10 - Q'eqchi Bible

¹⁰ Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.

Li Santil hu

¹⁰ Abi li cꞌaꞌru tinye a̱cue anakcuan. La̱in tatintakla riqꞌuin laj faraón re nak ta̱cuisiheb chak lin tenamit Egipto, chan li Dios.

Éxodo 3:10 ပူးပေါင်းရင်းမြစ်များ

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Salmos 105:26

Chirix chik a'an kixtaqla laj Moisés, laj k'anjel chiru, jo'wi' laj Aharón, li sik'b'il ru xb'aan.

1 Samuel 12:6

Toja' naq laj Samuel kixye re li tenamit: “A' li Qaawa' kixaqab'ank re laj Moisés ut laj Aharón ut kirisiheb' chaq leena' leeyuwa' sa' li tenamit Ejiipt.

Hechos 7:34

Xwil chi us chanru naq narahob'tesiik lintenamit li wank Ejiipt; xwab'iheb' chi yaab'ak ut xinkub'e chaq chi xkolb'aleb'. Jo'kan utan kim xb'aan naq tatintaqla Ejiipt».

Salmos 77:20

Laa'at katnume'k sa' li palaw; sa' xchamal li ha' katnume'k chaq ut ink'a' kik'utunk xna'aj laawoq.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Oseas 12:13

Rik'in xtenq'aal jun li propeet li Qaawa' kirisiheb' chaq laj Israel aran Ejiipt ut kixk'aak'aleheb' rik'in xk'anjel jun propeet.

Hechos 7:6

Jo'ka'in ki'aatinak li Yos: «Eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'wanq cho'q aj loq'b'il k'anjel ut te'rahob'tesiiq chiru jun o'q'ob' (400) chihab'.

Hechos 7:7

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq ut toline'xloq'oni sa' li na'ajej a'in», chan li Yos.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 15:14

A'ut laa'in tinraqoq aatin sa' xb'een li tenamit te'k'anjelaq wi' cho'q aj mun; chirix chik a'an te'elq chaq aran chi naab'alaq li xjunkab'laleb'.

Éxodo 6:26

A' laj Aharón ut laj Moisés a'in ke'yehe'k wi' xb'aan li Qaawa': “Cherisiheb' laj Israel sa' li tenamit Ejiipt chi tzoltzo”.

Éxodo 12:40

Lajeeb' xka'k'aal xkab' o'q'ob' (430) chihab' ke'kanaak eb' laj Israel aran Ejiipt.

Éxodo 12:41

Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 33:12

Kixye laj Moisés re li Qaawa': “Chak'e reetal. Laa'at xaye we: «Chak'am xb'eheb' li tenamit a'in»; ab'an ink'a' xak'ut chiwu ani taa'ochb'eeninq we. Xaye ajwi' naq sik'b'il wu aab'aan ut usilal xintaw chawu.

Éxodo 33:13

Jo'kan b'i', wi relik chi yaal usilal xintaw chawu, k'e chinnaw laawajom re naq k'ojk'ooq linch'ool chawix ut junelik tintaw usilal chawu. K'e reetal naq aawe li tenamit a'in”.

1 Samuel 12:8

Naq laj Jakob ut eb' li ralal xk'ajol ke'ok Ejiipt, ke'rahob'tesiik xb'aaneb' laj Ejiipt. Ab'an leena' leeyuwa' ke'tijok chiru li Qaawa', ut A'an kixtaqla laj Moisés ut laj Aharón li ke'risiheb' chaq leena' leeyuwa' aran Ejiipt ut ke'xk'eheb' chi na'ajunk arin.

Jueces 6:14

Toja' naq li Qaawa' kixsutq'isi rib' ut kixye re: “Ayu ut rik'in laametz'ew taakoleb' laj Israel sa' ruq'eb' laj Madián. Ma maawa' tab'i' laa'in li nintaqlank aawe?”, chan.