Éxodo 3:1 - Q'eqchi Bible

¹ Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Li Santil hu

¹ Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Éxodo 3:1 ပူးပေါင်းရင်းမြစ်များ

1 Reyes 19:8

Laj Elías kiwakliik, kiwa'ak ki'uk'ak, ut li tzekemq a'an kixk'e xkawilal chi b'eek chiru ka'k'aal kutan ut ka'k'aal q'oqyink toj reetal kiwulak Horeb, sa' li tzuul re li Qaawa'.

Éxodo 17:6

Laa'in wanqin chawu aran Horeb, sa' xb'een li nimla pek. Taasak' li raxpek ut taa'elq chaq ha' re naq te'uk'aq li tenamit”. Jo'kan kixb'aanu laj Moisés chiruheb' li xb'eenil laj Israel.

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Malaquías 4:4

“Misachk sa' eech'ool li xchaq'rab' laj Moisés laj k'anjel chiwu, linchaq'rab' ut eb' li waatin li kink'e re sa' xb'een li tzuul Horeb, cho'q re chixjunileb' laj Israel.

Jueces 4:11

Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Éxodo 19:11

ut kawresinb'ilaqeb' re li rox kutan, xb'aan naq sa' li rox kutan tinkub'e'q chaq laa'in li Qaawa', sa' xb'een li tzuul Sinaí, chiru chixjunileb' li poyanam.

San Lucas 2:8

Sa' li na'ajej a'an wankeb' aj k'aak'alenel ketomq, yookeb' chi yo'lek re xk'aak'alenkil li xketomq chiru q'oqyink.

Salmos 106:19

Sa' li tzuul Horeb ke'xyiib' jun li wakax rik'in oor ut ke'xhupub' rib' chi xloq'oninkil li pak'b'il ch'iich'.

Deuteronomio 4:10

“Laa'ex kexwank chiru li Qaawa' leeYos chi xtoon li tzuul Horeb ut aran li Qaawa' kixye we: «Ch'utub'eb' chiwu li tenamit re naq te'rab'i li waatin ut tine'xpaab' naq toj wanqeb' sa' li ruuchich'och' a'in, ut te'xk'ut ajwi' li aatin a'in chiruheb' li ralal xk'ajoleb'».

Deuteronomio 1:6

“Li Qaawa' li qaYos kooraatina chi jo'ka'in sa' xb'een li tzuul Horeb: «Laa'ex ak najter eerokik sa' li na'ajej a'in.

Éxodo 24:13

Laj Moisés kixaqliik rochb'een laj Josué aj tenq' re, ut ke'taqe'k sa' xb'een li xtzuul li Yos.

Éxodo 19:3

Chirix chik a'an kitaqe'k laj Moisés wan wi' li Yos, ut kib'oqe'k chaq xb'aan li Qaawa' toj sa' li tzuul. Aran kiyehe'k re: “Jo'ka'in taaye reheb' li ralal xk'ajol laj Jakob ut a'in taak'ut chiruheb' laj Israel:

Éxodo 3:5

Toja' naq li Qaawa' kixye: “Matjilok chaq. Isi laaperxaab' chawoq, xb'aan naq li na'ajej wankat wi' a'an santil ch'och'”.

Éxodo 2:16

Laj tij re Madián wank wuqub' xrab'in, ut eb' a'in koheb' chi risinkil xha'eb' ut chi xnujob'resinkil li ruk'leb'aaleb' li ketomq re xk'eeb'aleb' chi uk'ak li xkarneer li xyuwa'.

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Éxodo 4:27

Kixye li Qaawa' re laj Aharón: “Ayu sa' li chaqich'och' chi xk'ulb'al laj Moisés”, chan. Koho ut koxtaw laj Moisés sa' li xtzuul li Yos, ut kixtz'ub' ru.

Éxodo 2:21

Laj Moisés kixk'ul xch'ool chi kanaak sa' rochoch li winq a'an ut kik'ehe'k xSeforá, li xrab'in, cho'q rixaqil.

Éxodo 2:18

Naq ke'sutq'iik wan wi' laj Rewel, li xyuwa'eb', a'in kixye reheb': “K'a'ut naq xexsutq'iik chaq chi junpaat chiru li kutan a'in?”.

Hechos 7:30

“Ak ka'k'aal chihab' xnumik a'an, jun li ánjel kixk'ut rib' chiru sa' li chaqich'och', chiru li tzuul Sinaí, sa' raq' xxamlel jun toon chi k'ix li yo chi k'atk.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Éxodo 4:18

Toja' naq kisutq'iik laj Moisés, kiq'ajk sa' rochoch laj Jetró, xyuwa' li rixaqil, ut kixye re: “Chakuy inmaak, xik we chi rilb'aleb' wi' chik li was wiitz'in li wankeb' chaq Ejiipt re naq tinnaw ma toj yo'yookeb'”. Kichaq'ok laj Jetró ut kixye re: “Ayu sa' tuqtuukil usilal”.

Éxodo 18:12

Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Éxodo 19:2

Ke'elk chaq Refidín ut, naq ke'wulak sa' li chaqich'och' re Sinaí, aran ke'hilank. Eb' laj Israel ke'hilank sa' li chaqich'och', chiru li tzuul.

Éxodo 33:6

Jo'kan naq chalen sa' li tzuul Horeb eb' laj Israel ke'risi chirixeb' li xchaab'il aq'eb'.

Deuteronomio 1:2

Chalen chaq Horeb toj Kadés-Barné, nab'eeniik chiru junlaju kutan sa' xb'ehil li tzuul Seír.

Números 10:33

Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

1 Samuel 16:11

Toja' naq laj Samuel kixpatz' re laj Jesé: “Ma ka'ajeb' wi' a'in laawalal?”, chan. Kichaq'ok laj Jesé: “Jun chik li toj iitz'inb'ej chi us, li yo chaq chi rilb'aleb' li karneer”, chan. “Taqla xb'oqb'al -chan laj Samuel- xb'aan naq ink'a' toowa'aq wi toj maji' tk'ulunq”.

1 Reyes 19:19

Ki'elk aran laj Elías ut koxtaw laj Eliseo, li ralaj laj Safat, naq yo chi xpikb'al li ch'och' rik'in kab'laju sumal chi b'ooyx, ut laj Eliseo wank sa' li xmaril. Laj Elías kinume'k chi xk'atq ut kixkut li xb'atb'al sa' xb'een.