Éxodo 29:7 - Q'eqchi Bible

⁷ Toja' naq taachap li aseeyt re osob'tesink, taahoy sa' xb'een xjolom ut taayul.

Li Santil hu

⁷ Ut ta̱chap li aceite ut ta̱qꞌue saꞌ xjolom laj Aarón retalil nak yo̱cat chixxakabanquil chokꞌ aj tij.

Éxodo 29:7 ပူးပေါင်းရင်းမြစ်များ

Números 35:25

ut li komonil tento tixkol xyu'am laj kamsinel ras riitz'in chiru laj eeqajunel kik'. Tento ajwi' tixtaqla wi' chik sa' li tenamit xmuq wi' rib'. Ut aran taakanaaq li xkamsi ras riitz'in toj reetal taakamq li xyuwa'il laj tij li yulb'il rik'in loq'laj oleo.

Levítico 21:10

“Li xyuwa'il aj tij ak xk'ulum xwankilal re naq tixtiqib' rib' rik'in loq'laj aq'ej, sa' xk'ab'a' li osob'tesinb'il aseeyt kik'ehe'k sa' xjolom. Jo'kan naq ink'a' naru helhookaq li rismal xjolom chi moko tixq'ich li raq', reetalil naq ra sa' xch'ool;

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Salmos 133:2

A'an chanchan sununkil b'an li nahoymank sa' xb'een jolomej ut nakub'eek toj chi xmach, toj chi xmach laj Aharón, chire chixjunil li raq'.

Salmos 89:20

Najter q'e kutan xat-aatinak sa' moy u ut xaye reheb' laj paab'anel: “Xinsik' ru jun li winq q'axal kaw rib' ut xinterq'usi xk'ab'a' sa' xyanq lintenamit.

Levítico 10:7

Mexxik chi najt rik'in rokeb'aal li Loq'laj Muheb'aal, re naq ink'a' texkamq, xb'aan naq q'axtesinb'ilex re li Qaawa' sa' xk'ab'a' li loq'laj aseeyt”. Ut jo' ke'yehe'k re xb'aan laj Moisés, jo'kan ke'xb'aanu.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

Levítico 21:12

Ink'a' naru taa'elq chaq sa' li Loq'laj Na'ajej, chi moko tixmux xloq'al li xLoq'laj Na'aj li xYos, xb'aan naq a'an yulb'il rik'in aseeyt re taak'anjelaq chiru li xYos. Laa'in li Qaawa'.

Zacarías 4:14

Toja' naq li ánjel kixye we: “A'aneb' reetalil li wiib'eb' chi winq xaqab'anb'ileb' xb'aan li Qaawa' re te'k'anjelaq chiru sa' chixjunil li ruuchich'och'”, chan.

Éxodo 40:13

Taatiqib' laj Aharón rik'in li loq'laj aq'ej, taayul rik'in aseeyt ut taaq'axtesi we re naq taak'anjelaq cho'q aj tij.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.