Éxodo 28:9 - Q'eqchi Bible

⁹ “Taachap wiib'aq chi pek ónice xk'ab'a', ut sa' xb'eeneb' taatz'iib'a xk'ab'a'eb' li ralal xk'ajol laj Israel:

Li Santil hu

⁹ Ta̱sicꞌ cuib li pec ónice ut chiru li pec aꞌan ta̱tzꞌi̱ba xcꞌabaꞌeb li cablaju chi ralal laj Israel.

Éxodo 28:9 ပူးပေါင်းရင်းမြစ်များ

Ezequiel 28:13

Aran Edén, sa' li xna'aj rawimq li Yos, katwank. Uutz'u'ujinb'il laab'aatal rik'in k'iila paay chi pek, jo' li rubí, li topasio, li jaspe, li lemtz'il q'ol, li krisólito, li ónise, li safiro, li malakita ut li esmeralda. Yiib'anb'il laaka'xik ut li xsahob' ru laawaq' rik'in oor, k'uub'anb'il chalen chaq sa' xkutankil laayo'lajik.

Isaías 49:16

K'e reetal naq sa' li wuq' tz'iib'anb'ilat, junelik yookin chi rilb'aleb' laasuttz'akil.

Cantares 8:6

K'ehin cho'q kaaxt chiru laach'ool, jo' junaq kaaxt chiru laatelb', xb'aan naq jwal kaw rib' li Rahok jo' li Kamk, wank xwankil li Sowenak jo' li Xb'alb'a: li xxamlel li Rahok a'an tiqwal xam, tz'aqal xam li nachalk rik'in li Yos!

Li xHu LAJ JOB 28:16

Q'axal terto xtz'aq chiru li oor nachalk Ofir, jo'wi' chiruheb' li xchaq'alil ru pek.

2 Crónicas 2:7

Nintz'aama usilal chawu, taqla chaq junaq aj k'anjel tzolb'il chi us chi xk'anjelankil li plaat ut li oor, q'anch'iich' ut kawil ch'iich', li naxnaw k'anjelak rik'in li chaab'il t'ikr, kaq, q'an ut moraad xb'onol. Ut tixnaw ajwi' let'exink che', rochb'eeneb' laj k'utunel li wankeb' chi k'anjelak chiwu Judá ut Jerusalén, a'eb' li sik'b'ileb' ru xb'aan laj David linyuwa'.

Éxodo 39:13

ut sa' li xka wank jun krisólito, jun ónice ut jun jaspe. Chixjunileb' li pek a'in letzb'ileb' rik'in oor.

Éxodo 39:6

Ke'xyiib' ajwi' eb' li pek ónice xk'ab'a'eb', ke'xletzeb' rik'in oor ut let'exinb'ileb' li xk'ab'a'eb' li ralal xk'ajol laj Israel chiru, kama' nalet'exiik li kaaxt.

Éxodo 28:36

“Taayiib' ajwi' jun ch'ina perel rik'in tz'aqal oor, ut chiru a'an taatz'iib'a kama' naq nalet'exiik li kaaxt: «Q'axtesinb'il cho'q re li Qaawa'».

Éxodo 28:20

ut sa' li xka taawanq jun krisólito, jun ónice ut jun jaspe: chixjunileb' li pek a'in letzb'ilaqeb' rik'in oor.

Génesis 2:12

Q'axal chaab'il li oor li wank sa' li tenamit a'an. Aran wank ajwi' li bedelyo ut li onis.

Éxodo 28:8

Juntaq'eetaq kama' li efod li xyiib'ankil li k'aam najit'e'k wi' li efod, junelikaq ru chixjunil: rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il.

Éxodo 28:10

waqib' k'ab'a'ej sa' xb'een jun pek ut li waqib' chik sa' xb'een li xkab', a' yaal ani kiyo'laak xb'enwa.

Éxodo 25:7

li pek ónice xk'ab'a' jo' ajwi' li pek li na'ok cho'q xsahob' ru li efod ut cho'q xsahob' ru li b'ools wank chire xmaqab' laj tij.

Éxodo 31:5

re xtuqub'ankil ru li tertookil pek, re xpech'b'al li che' ut xb'aanunkil yalaq k'a' chi k'anjelil.

1 Crónicas 29:2

Laa'in xinyal inq'e chi xch'utub'ankil chixjunil li taak'anjelaq cho'q re li rochoch linYos: li plaat ut li oor, li q'anch'iich', li kawil ch'iich' ut li che', cho'q re li junjunq chi k'a'aq re ru. Xinch'utub' ajwi' chi yo'oon chixjunileb' li chaab'il pek ut lemtz'il q'ol, jalan jalanq xb'onol ut xchaq'alil ru, chixjunileb' li pek terto xtz'aq.

Zacarías 9:16

Sa' li kutan a'an li Qaawa', li xYoseb', tixb'eresi li xtenamit jo'eb' li karneer; chanchanaqeb' li saqpotz'inkil pek re junaq koroon naq te'k'eemanq xloq'al sa' li xna'ajeb'.