Éxodo 28:41 - Q'eqchi Bible

⁴¹ “Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Li Santil hu

⁴¹ Ta̱qꞌue li rakꞌ chirix laj Aarón la̱ cuas joꞌqueb ajcuiꞌ li ralal. Ut ta̱qꞌue li aceite saꞌ xjolomeb re xxakabanquileb chokꞌ aj tij. Ta̱kꞌaxtesiheb chicuu re nak santobresinbilakeb re teꞌcꞌanjelak chicuu.

Éxodo 28:41 ပူးပေါင်းရင်းမြစ်များ

Éxodo 29:7

Toja' naq taachap li aseeyt re osob'tesink, taahoy sa' xb'een xjolom ut taayul.

Levítico 10:7

Mexxik chi najt rik'in rokeb'aal li Loq'laj Muheb'aal, re naq ink'a' texkamq, xb'aan naq q'axtesinb'ilex re li Qaawa' sa' xk'ab'a' li loq'laj aseeyt”. Ut jo' ke'yehe'k re xb'aan laj Moisés, jo'kan ke'xb'aanu.

Éxodo 40:15

taayuleb' rik'in aseeyt jo' naq xayul li xyuwa'eb', re naq te'k'anjelaq chiwu cho'q aj tij. Jo'ka'in taa'uxmanq re naq, sa' xk'ab'a' li xyulb'aleb', te'xaqab'aaq cho'q aj tij chi junwaakaj, chi junelik q'e kutan”.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Hebreos 7:28

Eb' li neke'xaqab'aak cho'q xyuwa'ileb' aj tij xb'aan li xChaq'rab' laj Moisés a'aneb' winq li wankeb' sa' xtoq'ob'aal ru; a'ut li raatin li jurament li kichalk moqon toj chirix li Chaq'rab', naxxaqab' li K'ajolb'ej cho'q xyuwa'il aj tij, a'an tz'aqal re ru chi junajwa.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

Hebreos 5:4

Ut maa'ani naru tixchap li loq'laj k'anjel a'in cho'q re xjunes rib', ka'aj b'an wi' li b'oqb'il xb'aan li Yos jo' laj Aharón.

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

Ezequiel 43:26

Wulaj wulaj eb' laj tij tento te'mayejaq chirix li artal toj reetal te'xch'ajob'resi chi junwaakaj ut te'xq'axtesi we.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 10:27

Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Números 3:3

A'an a'in li xk'ab'a'eb' li ralal xk'ajol laj Aharón li sik'b'ileb' ru ut xaqab'anb'ileb' chi k'anjelak cho'q aj tij.

Éxodo 29:35

“B'aanu b'i' re laj Aharón ut reheb' li ralal li xatinchaq'rab'i chi xb'aanunkil. Chiru wuqub' kutan b'aanu li k'anjel a'in re xxaqab'ankileb' cho'q aj tij.

Éxodo 29:24

Taak'e chixjunil a'in sa' ruq' laj Aharón ut eb' li ralal xk'ajol, re naq taaninq'ehi chiru li Qaawa' li xq'axtesinkil li mayej a'in.

Éxodo 28:4

A'aneb' a'in li raq' li te'xyiib': jun b'ools li wanq chire xch'ool, pektoral xk'ab'a', jun efod, jun jut-aq' pik'b'ilaq ru, jun chik li aq' li taak'eemanq sa' xb'een, jun punit ut jun xk'aamal xsa'. Te'xyiib' b'i' chi chaab'il eb' li raq' laj Aharón laawas jo'wi' li raq'eb' li ralal xk'ajol, re naq te'k'anjelaq chiwu cho'q aj tij.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Éxodo 40:13

Taatiqib' laj Aharón rik'in li loq'laj aq'ej, taayul rik'in aseeyt ut taaq'axtesi we re naq taak'anjelaq cho'q aj tij.

Levítico 16:24

Aran ajwi', sa' li Santil Na'ajej, taa'atinq ut naq ak xjalok, taaxik chi xmayejankil li xk'atb'il xul jo'wi' li tento tixyeechi'i sa' xk'ab'a' li tenamit. Chi jo'kan tixtoj rix li xmaak jo'wi' li xmaakeb' li tenamit.

Éxodo 30:35

Rik'ineb' a'an taayiib' sununkil ensens, q'axal chaab'il ut loq', jo' naxb'aanu laj yiib'ahom re; taatz'aqob'resi a'an rik'in atz'am.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.