Éxodo 28:1 - Q'eqchi Bible

¹ “Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Li Santil hu

¹ Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Éxodo 28:1 ပူးပေါင်းရင်းမြစ်များ

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

1 Crónicas 6:10

laj Yohanán a'an chaq xyuwa' laj Asarías, li kiwank cho'q aj tij sa' rochochil li tijok li kixyiib' laj Salomón aran Jerusalén.

Deuteronomio 10:6

(Eb' laj Israel ke'elk wan wi' li ha' aran Bené-Yahakán ut koheb' Moserá. Aran kikamk laj Aharón ut aran ajwi' kimuqe'k. Laj Elehasar, li ralal, kikanaak cho'q reeqaj, jo' aj tij.

Números 26:61

Laj Nadab ut laj Abihú ke'kamk naq ke'xyeechi'i jun li xam moko xk'ulub' ta li Qaawa'.

Números 2:4

Li rajlankileb' li jun ch'uut a'in, a'an kaalaju xkaak'aal mil rik'in lajeek'aal xkab' o'q'ob' (74,600).

Levítico 10:12

Chirix a'an laj Moisés kixye reheb' laj Aharón ut laj Elehasar jo'wi' laj Itamar, chi xkab'ichaleb' li ralal laj Aharón li toj wankeb' chiru: —Chapomaq li mayej k'aj, rela' li k'atb'il mayej, ut tzekahomaq chire li artal, chi maak'a'aq xyu, xb'aan naq a'an jwal loq'.

Levítico 10:1

Laj Nadab ut laj Abihú, ralaleb' laj Aharón, ke'xchap junjunqeb' xsansaar, ke'xk'e xam ut pom chisa' ut ke'xyeechi'i chiru li Qaawa' jun li xam moko xk'ulub' ta li Yos. Ink'a' ke'xb'aanu jo' kixye li Qaawa'.

Levítico 8:2

“B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Éxodo 35:19

li aq'ej re k'anjelak sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij”.

Éxodo 31:10

li raq' li xyuwa'il aj tij, li xloq'laj aq' laj Aharón laj tij ut li raq'eb' li ralal li te'raq'u naq te'k'anjelaq cho'q aj tij,

Éxodo 30:30

“Taayul ajwi' laj Aharón rochb'eeneb' li ralal ut taaq'axtesiheb' we chi k'anjelak cho'q aj tij chiwu.

Éxodo 29:44

Tinsantob'resi li xMuheb'aal li ch'utam ut li artal, ut tinsantob'resi ajwi' laj Aharón ut eb' li ralal re naq te'k'anjelaq chiwu cho'q aj tij.

Éxodo 29:9

taab'ak' chi kaw li xk'aamal xsa'eb' laj Aharón ut eb' li ralal, ut taak'e xlanb'al xjolomeb'. Rehaqeb' a'an li k'anjelak cho'q aj tij: a'an xchaq'rab' li Qaawa' chi junelik. Jo'ka'in naq taaxaqab'eb' xwankil laj Aharón ut eb' li ralal xk'ajol.

Éxodo 29:1

“Jo'ka'in taab'aanu rik'ineb' naq taaq'axtesiheb' we cho'q aj tij. Taachap jun ch'ina wakax ut wiib' karneer chi maak'a' reek'eb'.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Éxodo 24:9

Laj Moisés kitaqe'k chiru li tzuul rochb'eeneb' laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel.

Éxodo 24:1

Kixye li Qaawa' re laj Moisés: “Taqenqex chaq wankin wi', laa'at, laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel. Toj najt teehupub' chaq eerib'.

Éxodo 6:23

Laj Aharón kixk'am cho'q rixaqil lix Isabel, xrab'in laj Aminadab, ranab' laj Najsón, ut rik'in a'an ke'yo'laak laj Nadab, laj Abihú, laj Elehasar ut laj Itamar.

San Lucas 1:8

Sa' jun li kutan, naq yo chaq laj Sakarías chi mayejak chiru li Yos sa' li xamaan neke'k'anjelak wi' li rech aj tijeb',

2 Crónicas 11:14

eb' laj Leví ke'xkanab' li xch'och'eb' ut li k'a' re ru reheb' ut koheb' Jerusalén ut Judá, xb'aan naq laj Jerobohán ut eb' li ralal ke'xram chiruheb' li k'anjelak chiru li Qaawa'.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

1 Crónicas 23:13

Eb' li ralal xk'ajol laj Amrán a'aneb' laj Aharón ut laj Moisés. Laj Aharón, jo'wi' eb' li ralal xk'ajol, ke'sik'e'k ru xb'aan li Yos re xk'eeb'al li loq'laj mayej chi junelik, re k'atok pom chiru li Qaawa', re k'anjelak ut osob'tesink chi junelik sa' xk'ab'a' li Yos.

Salmos 99:6

Laj Moisés ut laj Aharón rochb'eeneb' li rech tijul, laj Samuel rochb'eeneb' li neke'patz'ok li xloq'laj k'ab'a' ke'xyaab'a li Qaawa', ut a'an kixsumeheb' chaq.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.

Levítico 8:1

Li Qaawa' kiraatina laj Moisés ut kixye re:

Deuteronomio 18:5

Xb'aan naq sik'b'ileb' ru laj Leví xb'aan li Qaawa' laaYos sa' xyanqeb' chixjunileb' li teep; tento naq eb' a'an ut eb' li ralal xk'ajol te'k'anjelaq sa' xk'ab'a' li Qaawa' chi junelik.

1 Crónicas 6:34

ralal laj Elkaná, ralal laj Yeroján, ralal laj Eliel, ralal laj Toju,

Salmos 115:10

Ex ralal xk'ajol laj Aharón, kawaq eech'ool rik'in li Qaawa': a'an laj tenq'ahom qe, a'an li naqakol wi' qib'!