Éxodo 27:3 - Q'eqchi Bible

³ Taayiib' xna'aj li cha; taayiib' ajwi' eb' li xokleb', li k'uuleb'aal kik', li chapleb' ut xna'aj ru xam: chixjunileb' li k'anjelob'aal a'in taayiib' rik'in q'anch'iich'.

Li Santil hu

³ Chixjunil li cꞌaꞌak re ru li ta̱cꞌanjelak saꞌ li artal re li mayej, aꞌan yi̱banbilak riqꞌuin bronce. Te̱yi̱b li chꞌi̱chꞌ re xxocbal li cha, ut te̱yi̱b li pala, joꞌ ajcuiꞌ li ni̱nki secꞌ re xxocbal li quicꞌ, ut li ganchos re xchapbal li tib joꞌ ajcuiꞌ lix naꞌaj li ru xam.

Éxodo 27:3 ပူးပေါင်းရင်းမြစ်များ

1 Reyes 7:45

eb' li xna'aj cha, eb' li xokleb' ru xam ut eb' li uk'leb' sek'. Chixjunil li k'a'aq re ru a'in li kixyiib' laj Jirán cho'q re laj Salomón re te'k'anjelaq sa' rochoch li Qaawa', chixjunil yiib'anb'il rik'in tz'aqal q'anch'iich'.

2 Crónicas 4:16

eb' li xna'aj cha, eb' li xokleb' ru xam ut eb' li uk'leb' sek'. Chixjunil li k'a'aq re ru a'in kixyiib' laj Jirán cho'q re laj Salomón re te'k'anjelaq sa' rochoch li Qaawa', chixjunil yiib'anb'il rik'in tz'aqal q'anch'iich'.

2 Crónicas 4:11

Laj Jirán kixyiib' ajwi' li xna'aj li cha, li xokleb' ru xam ut eb' uk'leb' sek'. Jo'ka'in naq laj Jirán kixchoy xyiib'ankil chixjunil li kiyehe'k re xb'aan laj Salomón li awab'ej, cho'q re li rochoch li Qaawa':

1 Crónicas 28:17

Kixk'e ajwi' oor cho'q re li lekleb', eb' li uk'leb' ut eb' li xaar, jo' ajwi' plaat ut oor cho'q reheb' li sek', a' yaal chanru li raalal li junjunq.

2 Reyes 25:15

Li xjolomileb' laj puub' kixxok ajwi' eb' li xanxaar ut eb' li sek' yiib'anb'ileb' rik'in plaat ut oor.

1 Reyes 7:40

Laj Jirán kixyiib' ajwi' li xna'aj li cha, li xokleb' ru xam ut eb' uk'leb' sek'. Jo'ka'in naq laj Jirán kixchoy xyiib'ankil chixjunil li kiyehe'k re xb'aan laj Salomón li awab'ej, cho'q re li rochoch li Qaawa':

Números 4:14

sa' xb'een a'an te'xk'e chixjunil li k'a'aq re ru na'oksimank sa' li artal: li xna'aj xam, li xokleb' ru xam, li xchileb'aal ru xam ut li xsek'ul, naraj naxye chixjunil li k'a'aq re ru na'oksimank sa' li artal. Te'xhel sa' xb'een junaq tz'uum q'un ru, ut te'xk'e li xche'el re xpaqonkil.

Levítico 16:12

Chirix a'an tixxok jun li sansaar sa' li artal chiru li Qaawa', nujenaqaq rik'in ru ram; tixxok ajwi' wiib' moch'olaq li k'ajpom li jwal sununk ut tixk'am chirix li t'ilkem;

Éxodo 38:3

Kixyiib' ajwi' chixjunileb' li k'anjelob'aal re li artal: eb' li xna'aj li cha, li xokleb', li k'uuleb'aal kik', li chapleb' ut li xna'aj ru xam; ut kixyiib' rik'in q'anch'iich' chixjunileb' li k'anjelob'aal re li artal.

Éxodo 24:6

Laj Moisés kixxok xyiijachil li kik' ut kixk'e sa'eb' li uk'al, ut li jun yiijach chik kixhoy sa' xb'een li artal.

Éxodo 27:2

Sa' li xkaaxukuutil li artal taak'e kaahib' chi xukub' li te'elq chi xk'atq, junajaqeb' ru rik'in a'an, ut taaletziheb' rix rik'in q'anch'iich'.

Éxodo 27:4

Taayiib' ajwi' rik'in q'anch'iich' jun reex cho'q re li artal hopoxaq ru, ut sa' xkaahichal li xxuk taak'e kaahib'aq argoya yiib'anb'ilaqeb' rik'in q'anch'iich'.

1 Reyes 7:50

eb' li lekleb', eb' li ch'iich', eb' li uk'leb' sek', li xna'aj li b'iin, li xna'aj ru xam junes tz'aqal oor; eb' li neke'surink wi' li xtz'apb'aleb' rokeb'aal li Santil Na'ajej, a' li q'axal Sant xk'ab'a', ut eb' li neke'surink wi' eb' li okeb'aal sa' rochoch li Qaawa', eb' a'in ajwi' yiib'anb'ileb' rik'in tz'aqal oor.

2 Reyes 25:14

Ke'xxok ajwi' eb' li xna'aj li cha, li lekleb', li ch'iich', li xokleb' ut chixjunil li k'a'aq re ru yiib'anb'il rik'in q'anch'iich' li nak'anjelak sa' li loq'onink.

Éxodo 27:19

Chixjunil li k'a'aq re ru li taak'anjelaq sa' li Loq'laj Muheb'aal yiib'anb'ilaq rik'in q'anch'iich'; jo'kanaq ajwi' chixjunileb' li xch'iich'ul li te'lapeeq sa' ch'och' ut li xsutb'al li neb'aal.