Éxodo 27:2 - Q'eqchi Bible

² Sa' li xkaaxukuutil li artal taak'e kaahib' chi xukub' li te'elq chi xk'atq, junajaqeb' ru rik'in a'an, ut taaletziheb' rix rik'in q'anch'iich'.

Li Santil hu

² Te̱yi̱b ca̱hib li xucub ut te̱qꞌue saꞌ lix ca̱ xucu̱til li artal. Chixjunil li artal rochben li xucub junaj ru nak te̱yi̱b ut te̱letz bronce chiru.

Éxodo 27:2 ပူးပေါင်းရင်းမြစ်များ

Salmos 118:27

Li Qaawa' a'an Yos, a'an nakutanob'resink qe. Choojiloq chi tzol toj sa' xxuk li artal, chi wanq qutz'u'uj sa' quq', ut chooninq'ehiq.

1 Reyes 1:50

Ab'an laj Adonías kixxiwa ru laj Salomón, kixaqliik, koho sa' li Loq'laj Muheb'aal chi xmuqb'al rib' ut koxchap li xxuk li artal.

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Éxodo 29:12

Taaxok xkik'el, taayuleb' li xxuk li artal rik'in ru'uj aawuq' ut taahoy chixjunil li kik' chi roq li artal.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

1 Reyes 8:64

Sa' li kutan a'an li awab'ej kixq'axtesi re li Qaawa' li xneb'aalil li rochoch li Yos -a' li wank chiru-. Aran kixyeechi'i li xk'atb'il mayej, chixjunil li xyeechi'om ut li xxeeb'ul li mayej re li k'amok ib' sa' usilal rik'in li Yos, xb'aan naq jwal kach'in li artal yiib'anb'il rik'in q'anch'iich', a' li wank chiru li Qaawa'; jo'kan naq ink'a' ki'ok aran jo'nimal kiyeechi'imank.

1 Reyes 2:28

Naq laj Johab kirab'i li esil a'in, ki'elelik ut koxmuq rib' sa' li xLoq'laj Muheb'aal li Qaawa' ut koxchap li xxuk li artal. Kixb'aanu chi jo'kan xb'aan naq ki'okenk chirix laj Adonías (ab'anan ink'a' ki'okenk chirix laj Absalón).

Levítico 16:18

taa'elq chaq re xch'ajob'resinkil li artal wank chiru li Qaawa'. Tixchap b'ayaq xkik'el li saaj wakax ut xkik'el li chib'aat, ut tixyul chi xxuk ut chi xsutam li artal,

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Levítico 4:18

Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Éxodo 27:3

Taayiib' xna'aj li cha; taayiib' ajwi' eb' li xokleb', li k'uuleb'aal kik', li chapleb' ut xna'aj ru xam: chixjunileb' li k'anjelob'aal a'in taayiib' rik'in q'anch'iich'.

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

2 Reyes 16:14

Kirisi sa' li xna'aj li artal yiib'anb'il rik'in q'anch'iich' li wank chiru li rochoch li Qaawa', sa' xyanq li ak' artal ut li rochoch li Yos, ut koxk'e chi xk'atq li ak' artal, sa' xjayal releb'l iq'.

2 Crónicas 4:1

Laj Salomón kixyiib' ajwi' jun li artal rik'in q'anch'iich', oob' moqoj li roq, oob' moqoj li ru ut kach'in chik maa oxib' moqoj xteram.

Ezequiel 43:15

Li rox tasal, numenaq jun moqoj xteram, ut sa' xb'een a'an na'elk kaahib' xukub'.

Zacarías 9:15

Li Nimajwal Yos tixkoleb' li ralal xk'ajol, ut eb' a'an te'xputz'i eb' li neke'jok'i'b'k; te'xsach ruheb' li xik' neke'ilok reheb', te'ruk' li xkik'eleb' jo' li b'iin toj reetal te'k'ojlaaq xch'ool, jo' naq nanujak chi kik' li xsek'ul li mayej sa' xb'een li artal.

Éxodo 38:30

rik'in a'an kixyiib' li xna'ajeb' li oqech cho'q re rokeb'aal li xMuheb'aal li Sumwank; kixyiib' ajwi' li artal, li xch'ina reex ut chixjunil li k'anjelob'aal re li artal,