Éxodo 27:1 - Q'eqchi Bible

¹ “Taayiib' li artal rik'in akasya, lajeeb' k'utub' xnimal li roq ut lajeeb' k'utub' xnimal li ru; kaaxukuutaq li xq'e'am ut wan xwaq k'utub' li xteram.

Li Santil hu

¹ Ut te̱yi̱b ajcuiꞌ jun li artal riqꞌuin li cheꞌ acacia. Te̱yi̱b chi ca̱ xucu̱t. Cuib metro riqꞌuin o̱b xcaꞌcꞌa̱l centímetro xnimal li ru ut cuib metro riqꞌuin o̱b xcaꞌcꞌa̱l centímetro xnimal li rok. Ut o̱b xcaꞌcꞌa̱l centímetro li xteram.

Éxodo 27:1 ပူးပေါင်းရင်းမြစ်များ

Hebreos 13:10

Laa'o wank jun qa'artal b'arwi' ink'a' xk'ulub'eb' tzekank eb' li neke'k'anjelak sa' li loq'laj Muheb'aal.

2 Crónicas 4:1

Laj Salomón kixyiib' ajwi' jun li artal rik'in q'anch'iich', oob' moqoj li roq, oob' moqoj li ru ut kach'in chik maa oxib' moqoj xteram.

2 Samuel 24:18

Sa' ajwi' li kutan a'an koho laj Gad rik'in laj David ut kixye re: “Ayu chi xxaqab'ankil jun x'artal li Qaawa' sa' li xch'oxleb'aal laj Arawná aj Jebús”.

Éxodo 40:29

ut kiroksi ajwi' li artal reheb' li k'atb'il mayej sa' li Loq'laj Na'ajej, sa' rokeb'aal li xMuheb'aal li ch'utam; ut aran kixk'at mayej ut kimayejak, jo' tz'aqal kitaqlaak wi' xb'aan li Qaawa'.

Éxodo 40:10

Taayul ajwi' li aseeyt chiru li artal reheb' li k'atb'il mayej, jo' ajwi' chiru chixjunileb' li xk'anjelob'aal. Taaq'axtesi we li artal re naq santob'resinb'ilaq chik.

Éxodo 24:4

Toja' naq laj Moisés kixtz'iib'a chixjunil li raatin li Qaawa' ut, naq kiwakliik eq'la, kixyiib' jun li artal sa' xtoon li tzuul ut kixxaqab' kab'laju chi ninqi pek sa' xk'ab'a' li kab'laju xteepaleb' aj Israel.

Éxodo 35:16

li artal reheb' li k'atb'il mayej, li xreex yiib'anb'il rik'in q'anch'iich', eb' li che' re xpaqonkil li artal ut chixjunileb' li xk'anjelob'aal; li pila rochb'een li roq;

Números 3:31

A'aneb' a'in li neke'ilok re li Loq'laj Kaax, li meex, li xna'aj kanteel, eb' li artal, li k'a'aq re ru li nak'anjelak re loq'onink, li loq'laj t'ikr ut chixjunil li xk'anjelankil a'an.

Números 4:13

Te'risi li xchahil li artal ut te'xtz'ap rik'in junaq kaqi t'ikr;

2 Reyes 16:14

Kirisi sa' li xna'aj li artal yiib'anb'il rik'in q'anch'iich' li wank chiru li rochoch li Qaawa', sa' xyanq li ak' artal ut li rochoch li Yos, ut koxk'e chi xk'atq li ak' artal, sa' xjayal releb'l iq'.

1 Crónicas 6:49

Laj Aharón ut eb' li ralal xk'ajol a'aneb' li neke'k'atok mayej sa' xb'een li artal reheb' li k'atb'il xul ut sa' xb'een li artal re li k'ajpom. Neke'xb'aanu chixjunil li k'anjel aajel ru re li Loq'laj Na'ajej ut neke'mayejak re xtojb'al rix li xmaakeb' laj Israel, jo' chanru kixye laj Moisés laj k'anjel chiru li Yos.

Esdras 3:2

Toja' naq laj Josué, ralal laj Josadak, rochb'eeneb' laj tij jo'wi' laj Sorobabel, ralal laj Sehaltiel, ut eb' li rech'alal, ke'ok chi xyiib'ankil li x'artal li xYos laj Israel, re te'xmayeja li k'atb'il yeechi'om, jo' tz'iib'anb'il sa' li xChaq'rab' laj Moisés, li xtaql li Yos.

Éxodo 17:15

Moqon laj Moisés kixyiib' jun li artal, ut “Qaawa' Nisí” kixk'e cho'q xk'ab'a';

Éxodo 31:9

li artal re li k'atb'il mayej rochb'een chixjunileb' li xk'anjelob'aal, li pila rochb'een li roq,

Éxodo 39:39

li artal yiib'anb'il rik'in q'anch'iich' ut li xreex yiib'anb'il ajwi' rik'in q'anch'iich', eb' li che' re xpaqonkil ut chixjunileb' li xk'anjelob'aal; li pila rochb'een li roq;

Éxodo 40:6

Taak'e li artal reheb' li k'atb'il mayej chiru, sa' li Loq'laj Na'ajej, sa' rokeb'aal li xMuheb'aal li ch'utam;

Números 4:14

sa' xb'een a'an te'xk'e chixjunil li k'a'aq re ru na'oksimank sa' li artal: li xna'aj xam, li xokleb' ru xam, li xchileb'aal ru xam ut li xsek'ul, naraj naxye chixjunil li k'a'aq re ru na'oksimank sa' li artal. Te'xhel sa' xb'een junaq tz'uum q'un ru, ut te'xk'e li xche'el re xpaqonkil.