Éxodo 26:31 - Q'eqchi Bible

³¹ “Taayiib' jun li t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut taayiib' chi pikb'il wiib' kerubín li te'wanq chiru.

Li Santil hu

³¹ Te̱yi̱b ajcuiꞌ jun li nimla tꞌicr riqꞌuin li nokꞌ azul, joꞌ ajcuiꞌ púrpura ut cak ut riqꞌuin li bakbil nokꞌ lino. Ut chokꞌ xsahob ru li tꞌicr aꞌan, te̱qꞌue li querubines chiru chi cha̱bil xyi̱banquil.

Éxodo 26:31 ပူးပေါင်းရင်းမြစ်များ

San Mateo 27:51

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k.

2 Crónicas 3:14

Kixyiib' ajwi' li chaab'il t'ikr moraad, q'an ut kaq xb'onol, rik'in liin, ut cho'q xsahob' ru kixk'e reetalileb' li kerubín chiru.

Éxodo 36:35

Laj Besalel kixyiib' jun t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut kixyiib' chi pikb'il kerubín li te'wanq chiru.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

Éxodo 36:8

Toja' naq eb' li jwal seeb'eb' xch'ool sa' xyanqeb' li yookeb' chi k'anjelak, ke'xyiib' li Santil Muheb'aal rik'in lajeeb' chi ninqi t'ikr, kemb'ileb' rik'in b'aqb'il liin li jwal chaab'il, rik'in kaqinoq' ut moraad, rik'in kaqjorinkil noq', ut wankeb' ajwi' pikb'il kerubín chiru.

Éxodo 26:1

“Taayiib' li Loq'laj Muheb'aal rik'in lajeeb' chi ninqi t'ikr kemb'ileb' rik'in b'aqb'il liin li jwal chaab'il, rik'in kaqinoq' ut moraad, ut rik'in kaqjorinkil noq'; ut taayiib' chi pikb'il wiib' kerubín chiruheb'.

Efesios 2:14

Xb'aan naq li Kriist a'an li qatuqtuukilal: A'an kijunajink re li wiib' chi tenamit ut kixjuk' li tz'ak najachok reheb', a' li xik'il uuchink.

San Marcos 15:38

Ut li xt'ikrul li rochoch li Yos kiq'iche'k sa' xyi chalen taqe'q toj taq'a.

Cantares 7:1

K'ajo' xch'ina'usal eb' laawoq sa'eb' laaxaab', at xrab'in xnimal ru winq! Eb' li xq'oot laayiitoq chanchaneb' li q'ol yiib'anb'ileb' xb'aan xseeb'al jun li winq tzolb'il chi us.

Salmos 137:5

Wi nakatsachk sa' inch'ool, at Jerusalén, jwal us cho'q we chi sikirk linnim uq'!

Levítico 16:15

Toja' naq tixkamsi li chib'aat jo' mayej chirix xmaakeb' li tenamit ut tixk'am li kik' chirix li t'ilkem; aran chisa' tixrachrachi chaq sa' xb'een ut chiru li tz'apleb', kama' xb'aanu rik'in xkik'el li saaj wakax.

Éxodo 40:21

Toja' naq kixk'am li Loq'laj Kaax sa' li Loq'laj Muheb'aal, kixt'uyub' li t'ilkem, ut chi jo'kan kixmoy li xLoq'laj Kaaxil li Sumwank, jo' kitaqlaak wi' xb'aan li Qaawa'.

Éxodo 40:3

Aran taak'e li xLoq'laj Kaaxil li Sumwank, ut taatz'ap li Loq'laj Kaax rik'in li t'ikr.

Éxodo 38:23

Kixb'aanu a'an rochb'een laj Oholiab, ralal laj Ajisamak, xkomon eb' li ralal xk'ajol laj Dan. A'an chaq aj uq'mil, naxnaw kemok ut xk'eeb'al xsahob' ru t'ikr rik'in kaqinoq' ut moraad, rik'in kaqjorinkil noq' ut chaab'il liin.

Éxodo 35:35

Kixnujob'resiheb' rik'in xseeb'al xch'ooleb' re xb'aanunkil yalaq k'a' chi k'anjelil: rik'in pech'ok che', b'ojok, xk'eeb'al chi pikb'il ru kaqinoq' ut moraad, kaqjorinkil noq' ut chaab'il liin, jo' ajwi' rik'in kemok. Eb' a'an wankeb' xna'leb' chi xb'aanunkil yalaq k'a' chi k'anjelil, jo' ajwi' chi xk'oxlankil chanru taa'uxmanq.

Éxodo 35:25

Chixjunileb' li ixq li neke'xnaw k'anjelak, ke'q'inok rik'in ruq'eb' ut ke'xk'am chaq kaqinoq' ut moraad, kaqjorinkil t'ikr ut chaab'il liin q'inb'il xb'aaneb'.

Éxodo 35:6

li kaqinoq' jo' ajwi' moraad, li kaqpuq'inkil t'ikr, li chaab'il liin, li rismal chib'aat,

Éxodo 28:15

“Taayiib' ajwi' chi chaab'il li pektoral re li q'ehink, pik'b'ilaq ru jo' li efod, yiib'anb'ilaq rik'in oor, kaqinoq' ut moraad, kaqjorinkil noq' ut b'aqb'il liin li jwal chaab'il;

Éxodo 25:18

Taayiib' ajwi' wiib' kerubín rik'in kawil oor, junjunq sa' xjunqpak'alil.

Éxodo 25:4

tuuxnoq', kaqinoq' jo' ajwi' moraad, kaqpuq'inkil t'ikr, chaab'il liin, rismal chib'aat,

San Lucas 23:45

Li xt'ikrul li rochoch li Yos kiq'iche'k sa' xyi

Éxodo 26:32

Taat'uyub' a'an chiru kaahib' chi oqech yiib'anb'ilaqeb' rik'in akasya, che'wanq xchapleb' oor ut kaahib' xna'ajeb' li oqech; taaletziheb' rix rik'in plaat.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Éxodo 36:36

Kixyiib' ajwi' cho'q re a'an kaahib' chi oqech rik'in akasya, kixletziheb' rix rik'in oor ut kixk'eheb' xchapleb' yiib'anb'ileb' rik'in oor, jo'wi' kixyiib' kaahib' xna'ajeb' li oqech rik'in plaat.

Éxodo 27:16

Li rokeb'aal li neb'aal taawanq xt'ikrul wan xwaq moqoj xnimal li roq, pik'b'ilaq rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; taawanq kaahib'aq roqechal ut kaahib'aq xna'ajeb' te'ok wi'.

Éxodo 35:12

li Loq'laj Kaax ut eb' li che' re xpaqonkil, li xtz'apb'al xb'een ut li t'ikr li taak'anjelaq cho'q xtask';

Números 4:5

Naq li tenamit te'xjal xna'ajeb', laj Aharón ut eb' li ralal te'isinq li t'ikr chire li Loq'laj Na'ajej ut chiru a'an te'xtz'ap ru li Loq'laj Kaax.