Éxodo 26:1 - Q'eqchi Bible

¹ “Taayiib' li Loq'laj Muheb'aal rik'in lajeeb' chi ninqi t'ikr kemb'ileb' rik'in b'aqb'il liin li jwal chaab'il, rik'in kaqinoq' ut moraad, ut rik'in kaqjorinkil noq'; ut taayiib' chi pikb'il wiib' kerubín chiruheb'.

Li Santil hu

¹ Ta̱yi̱b li laje̱b li ni̱nki tꞌicr re xtzꞌapbal ru li tabernáculo riqꞌuin li bakbil nokꞌ lino, li nokꞌ azul, joꞌ ajcuiꞌ púrpura ut cak. Ut te̱qꞌue querubines chiru li tꞌicr aꞌan chokꞌ xsahob ru chi cha̱bil xyi̱banquil.

Éxodo 26:1 ပူးပေါင်းရင်းမြစ်များ

Éxodo 26:36

“Taayiib' ajwi' chi pikb'il jun li t'ikr rik'in kaqinoq' jo'wi' moraad, rik'in kaqjorinkil noq' ut b'aqb'il liin li jwal chaab'il cho'q re rokeb'aal li Muheb'aal.

Éxodo 36:35

Laj Besalel kixyiib' jun t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut kixyiib' chi pikb'il kerubín li te'wanq chiru.

Éxodo 26:31

“Taayiib' jun li t'ikr rik'in kaqinoq' ut moraad, rik'in kaqjorinkil noq' ut b'aqb'il liin li jwal chaab'il; ut taayiib' chi pikb'il wiib' kerubín li te'wanq chiru.

Éxodo 25:18

Taayiib' ajwi' wiib' kerubín rik'in kawil oor, junjunq sa' xjunqpak'alil.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

Apocalipsis 19:8

ut xk'ehe'k re li xtiqib'ankil rib' rik'in chaab'il liino saqpotz'in”. Li liino a'an li xchaab'il b'aanuhomeb' li sant.

Hebreos 9:9

Chixjunil a'an yal reetalil li k'aru yo chi k'ulmank anaqwan, xb'aan naq aran eb' laj tij neke'yeechi'ink ut neke'mayejak chi maak'a' xwankileb' re xtz'aqob'resinkil ru li xna'leb'eb' li yookeb' chi loq'onink:

Hebreos 8:2

yo chi k'anjelak sa' li santil Na'ajej ut sa' li tz'aqal Muheb'aal, a' li kixk'ojob' li Qaawa' ut ink'a' yal junaq winq.

San Juan 2:21

Ab'an li Jesus yo chi aatinak chirix li rochoch li Yos jun chik, a' li xtz'ejwal.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

1 Crónicas 21:29

Li xMuheb'aal li Qaawa' li kixyiib' laj Moisés sa' li chaqich'och' jo'wi' li artal re li k'atb'il mayej toj wankeb' chaq sa' li tzuul re Gabahón.

1 Crónicas 17:1

Naq ak wank chik laj David sa' rochoch, kixye re li propeet Natán: “K'e reetal, laa'in wankin sa' jun li ochoch yiib'anb'il rik'in yaw, ab'an li xLoq'laj Kaaxil li xSumwank li Qaawa' wank sa' tz'uumil muheb'aal”, chan.

Éxodo 40:2

“Sa' li xb'een kutan re li xb'een po taaxaqab' li Loq'laj Na'ajej, a' li xMuheb'aal li ch'utam.

Éxodo 35:35

Kixnujob'resiheb' rik'in xseeb'al xch'ooleb' re xb'aanunkil yalaq k'a' chi k'anjelil: rik'in pech'ok che', b'ojok, xk'eeb'al chi pikb'il ru kaqinoq' ut moraad, kaqjorinkil noq' ut chaab'il liin, jo' ajwi' rik'in kemok. Eb' a'an wankeb' xna'leb' chi xb'aanunkil yalaq k'a' chi k'anjelil, jo' ajwi' chi xk'oxlankil chanru taa'uxmanq.

Éxodo 35:6

li kaqinoq' jo' ajwi' moraad, li kaqpuq'inkil t'ikr, li chaab'il liin, li rismal chib'aat,

Éxodo 25:8

Taayiib' jun inSantil Na'ajej re naq tinhilanq sa' xyanqeb'.

Éxodo 25:4

tuuxnoq', kaqinoq' jo' ajwi' moraad, kaqpuq'inkil t'ikr, chaab'il liin, rismal chib'aat,

Hebreos 9:2

Jo'ka'in naq yiib'anb'il li na'ajej a'an: sa' li xb'een raqal, a' li Sant nayeemank re, wank xna'aj li kanteel, li meex ut eb' li mayejanb'il wa.

Éxodo 26:2

Li xnimal li roq li junjunq chi t'ikr, a'an kach'in chik maa waqxaqib' moqoj, ut li xnimal li ru b'eleeb'aq k'utub'. Tento naq juntaq'eetaq li xb'isb'al chixjunileb' li t'ikr:

Éxodo 35:11

te'xyiib' li Santil Muheb'aal, li Muheb'aal ut li xmuheel, eb' li xchapleb', li xtz'alamche', eb' li che' li te'q'e'eb'aaq, eb' li roqechal ut li xna'ajeb' li roq;

Números 3:25

Eb' li ralal xk'ajol laj Kersón a'aneb' li te'iloq re li Loq'laj Muheb'aal, li xmuheel ut li t'ilkem li natz'apok re li okeb'aal sa' li Loq'laj Na'ajej,

2 Samuel 7:2

li awab'ej kixye re li propeet Natán: “K'e reetal, laa'in wankin sa' jun li ochoch yiib'anb'il rik'in yaw, ab'an li xLoq'laj Kaax li Yos wank sa' tz'uumil muheb'aal”, chan.

Éxodo 31:7

a' li xMuheb'aal li ch'utam, li xLoq'laj Kaaxil li Sumwank, li xtz'apb'al xb'een ut chixjunileb' li xk'anjelob'aal li Muheb'aal;

Éxodo 39:3

Ke'xten li oor, ke'xyiib' chi perpo ut chanchan li noq' naq ke'xset chi kok' ru, re xtz'ulb'al rik'in li kaqinoq' ut moraad, rik'in li kaqjorinkil noq' ut li chaab'il liin.

Números 4:25

Te'xk'am li xt'ilkemil li Loq'laj Na'ajej, li Loq'laj Muheb'aal, li xmuheelal-tz'uum q'un ru, li t'ilkem wank sa' rokeb'aal li Loq'laj Na'ajej;

1 Reyes 6:29

ut chixjunil li xtz'akil li ochoch kiruutz'u'uji ru rik'ineb' kerubín, kala' ut uutz'u'ujeb', jo' chirix ut chisa' li kab'l.