Éxodo 25:8 - Q'eqchi Bible

⁸ Taayiib' jun inSantil Na'ajej re naq tinhilanq sa' xyanqeb'.

Li Santil hu

⁸ Ut te̱yi̱b junak li muheba̱l re nak ta̱ru̱k tincua̱nk aran saꞌ e̱ya̱nk.

Éxodo 25:8 ပူးပေါင်းရင်းမြစ်များ

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

1 Reyes 6:13

Tinwanq sa' xyanqeb' li ralal xk'ajol laj Israel ut ink'a' tinkanab'eb' lintenamit Israel”.

Éxodo 29:45

Tinhilanq sa' xyanqeb' laj Israel ut laa'inaq li xYoseb'.

Zacarías 2:10

B'ichan xb'aan xsahil aach'ool, at Sión, xb'aan naq chalk we chi hilank aawik'in, chan li Qaawa'.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Números 5:3

Taawisiheb' sa' li na'ajej, a' yaal ma winq malaj ixq; taawisiheb' sa' li na'ajej a'in re naq ink'a' te'xmux li xmuheb'aaleb' b'arwi' wankin sa' xyanqeb'”, chan.

Levítico 21:12

Ink'a' naru taa'elq chaq sa' li Loq'laj Na'ajej, chi moko tixmux xloq'al li xLoq'laj Na'aj li xYos, xb'aan naq a'an yulb'il rik'in aseeyt re taak'anjelaq chiru li xYos. Laa'in li Qaawa'.

Levítico 4:6

Aran tixtz'a li ru'uj ruq' sa' li kik' ut wuqub' sut tixrachrachi li kik' chiru li Qaawa', sa' xjayal li xt'ilkemil li Santil Na'ajej.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

Levítico 10:4

Laj Moisés kixb'oq laj Misael ut laj Elsafán, ralaleb' laj Usiel, rikan laj Aharón, ut kixye reheb': “Kimqex laa'ex chi risinkileb' leekomon sa' li Loq'laj Na'ajej, ut k'amomaqeb' najt rik'ineb' li qamuheb'aal”.

Hechos 7:44

“Rik'ineb' li qana' qayuwa' kiwank chaq li xmuheb'aal li Sumwank sa' li chaqich'och', jo' chaq'rab'inb'ileb' wi' xb'aan li Yos naq kixye re laj Moisés naq chixb'aanuuq jo' chanru kik'ute'k chiru.

Éxodo 29:46

Ut eb' a'an te'xnaw naq laa'in li Qaawa' li xYoseb', li xe'wisi chaq sa' li tenamit Ejiipt re naq tinhilanq sa' xyanqeb': laa'in li Qaawa', li xYoseb'.

Levítico 26:11

“Laa'in tink'ojob' linmuheb'aal sa' eeyanq ut ink'a' texintz'eqtaana;

Deuteronomio 12:11

toja' naq teek'am chixjunil li k'aru nekexintaqla wi' anaqwan, teeroksi sa' li na'ajej xaqab'anb'il xb'aan li Qaawa' leeYos cho'q rochochil li xk'ab'a': teek'am leek'atb'il mayej ut leeyeechi'om, li xlajeetqil li k'a'aq re ru eere, leetenq'aal jo'wi' li na'alaak sa' leech'ool, li q'axal chaab'il mayej eeyeechi'om sa' jurament re li Qaawa'.

Josué 22:31

Toja' naq laj Pinjás laj tij, ralal laj Elehasar, kixye reheb' laj Rubén, laj Gad ut eb' laj Manasés: “Anaqwan naqanaw chi us naq li Qaawa' wank sa' qayanq xb'aan naq maak'a' xnimal ru maak xeb'aanu chiru, ut chi jo'kan xooheekol laa'o aj Israel sa' ruq' li Qaawa'”, chankeb'.

Éxodo 15:17

Taawoksiheb' ut taaxe'eniheb' sa' li tzuul li xak'e cho'q xna'ajeb', li xakawresi cho'q aamuheb'aal, at Qaawa', toj sa' laaloq'laj ochoch li xayiib' rik'in aawuq', at inYos.

1 Crónicas 22:19

Anaqwan b'i' k'ehomaq eech'ool, k'ehomaq eeraanm chi xsik'b'al li Qaawa' leeYos. Xaqlinqex ut yiib'omaq li xloq'laj na'aj li Qaawa' Yos, re naq taaqak'am chaq li xLoq'laj Kaax li Qaawa' ut li k'a'aq re ru nak'anjelak re li Yos sa' li ochoch li taayiib'amanq cho'q re li Qaawa'”.

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

Ezequiel 37:28

Ut naq linsantil ochoch taawanq sa' xyanqeb' chi junwaakaj, eb' li tenamit junch'ol te'xnaw naq laa'in li Qaawa', li ninsantob'resiheb' laj Israel»”.

Ezequiel 43:7

kixye we: “At kaamel winq, arin wank link'ojarib'aal, b'arwi' tinxaqab' eb' li woq; arin wanqin sa' xyanqeb' laj Israel chi junwaakaj. Eb' a'an ut eb' li x'awab'ej ink'a' chik te'xsach xloq'al linsantil k'ab'a' rik'in li xmaa'usilaleb': ink'a' chik te'xyiib'atq xjalam uheb' li awab'ej li xe'kamk,