Éxodo 25:2 - Q'eqchi Bible

² “Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Li Santil hu

² —Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

Éxodo 25:2 ပူးပေါင်းရင်းမြစ်များ

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

Esdras 2:68

Sa' xyanqeb' li xjolomileb' junkab'al, wankeb' li ke'wulak sa' rochoch li Qaawa' aran Jerusalén ut ke'xyeechi'i xmayejeb' re li rochoch li Yos, re naq taakab'lamanq wi' chik tz'aqal sa' li xna'aj.

Nehemías 11:2

Chirix chik a'an eb' li poyanam ke'xb'anyoxi chiruheb' li ke'xyeechi'i rib' chi kanaak Jerusalén.

Esdras 7:16

Chak'am ajwi' chawix chixjunil li plaat ut oor li xach'utub' sa' xteepal Babilonia, jo'wi' chixjunil li x'alaak sa' xch'ooleb' li tenamit ut eb' laj tij xyeechi'inkil cho'q re li rochoch li Yos aran Jerusalén.

Esdras 1:6

Ut chixjunileb' li rechkab'al ke'okenk chi xtenq'ankileb' rik'in plaat ut oor, sahil eechej ut ketomq, jo' ajwi' rik'in naab'al li k'a'aq re ru jwal terto xtz'aq ut chixjunil li ki'alaak sa' xch'ooleb' xk'eeb'al reheb'.

Esdras 3:5

Chirix chik a'an ke'xyeechi'i li mayej na'uxmank wulaj wulaj jo'wi' sa' xyo'lajik li po, sa'eb' li loq'laj ninq'e ut chirixeb' jo'k'ihaleb' li ki'alaak sa' xch'ooleb' xk'eeb'al xmayej re li Qaawa'.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Jueces 5:9

“Ninyoxink chawu, at inYos, linch'ool wank rik'ineb' li xjolomil laj Israel, rik'ineb' li ke'xyeechi'i rib' chi yalok sa' xk'ab'a' lintenamit. Chenima ru li Qaawa', chejunilex!

Números 18:24

xb'aan naq xink'e chi reechaniheb' li xlajeetqil li mayej neke'xyeechi'i eb' laj Israel re li Qaawa'. Jo'kan naq xinye reheb' naq maak'a' te'reechani sa' xyanqeb' laj Israel”, chan li Yos.

Éxodo 25:1

Li Qaawa' kiraatina laj Moisés ut kixye re:

Éxodo 25:3

A'an a'in li mayej teeyeechi'i we: oor, plaat ut q'anch'iich';