Éxodo 25:16 - Q'eqchi Bible

¹⁶ Ut sa' li Loq'laj Kaax taawoksi li reetalil li Sumwank li tink'e aawe.

Li Santil hu

¹⁶ Ut saꞌ li ca̱x aꞌan te̱xoc li chakꞌrab li tinqꞌue e̱re.

Éxodo 25:16 ပူးပေါင်းရင်းမြစ်များ

1 Reyes 8:9

Sa' li Loq'laj Kaax maak'a' chik k'a'aq re ru wank, ka'ajwi' eb' li wiib' perel chi pek li kixk'e aran laj Moisés, sa' li tzuul Horeb, a'eb' li xperpookil pek li Sumwank li kixk'ojob' li Qaawa' rik'ineb' laj Israel naq ke'elk chaq sa' li tenamit Ejiipt.

Deuteronomio 31:26

“K'amomaq li hu a'in tz'iib'anb'il wi' li Chaq'rab' ut k'ehomaq chi xk'atq li xKaaxil li xSumwank li Qaawa' leeYos. Aran taakanaaq chi xch'olob'ankil xyaalal leemaak.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Éxodo 16:34

Laj Aharón koxk'e li uk'al chiru li xLoq'laj Kaaxil li Sumwank re naq taak'uulamanq, jo' chanru kitaqlaak wi' laj Moisés xb'aan li Qaawa'.

Romanos 3:2

Jwal nim li rusil, chi yalaq chan re ru. Xb'enwa xb'aan naq reheb' laj Judiiy kiq'axtesiik chixjunil li xyehom li Yos.

Hechos 7:44

“Rik'ineb' li qana' qayuwa' kiwank chaq li xmuheb'aal li Sumwank sa' li chaqich'och', jo' chaq'rab'inb'ileb' wi' xb'aan li Yos naq kixye re laj Moisés naq chixb'aanuuq jo' chanru kik'ute'k chiru.

2 Reyes 11:12

Toja' naq laj Johadá kirisi chaq li ralal li awab'ej, kixxaqab' cho'q awab'ej ut kixyul rik'in aseeyt. Ke'xpoq'poq'i li ruq'eb' chixjunileb' ut ke'xye chi kaw xyaab' xkuxeb': “Sahaq taxaq xch'ool li awab'ej!”, chankeb'.

Números 17:4

Taakanab'eb' sa' li Loq'laj Muheb'aal, chiru li Loq'laj Kaax, b'arwi' junelik nin'aatinak aawik'in.

Éxodo 38:21

A'an a'in chixjunil li kik'anjelak re xyiib'ankil li Santil Muheb'aal, a' li xMuheb'aal li Sumwank, jo' chanru ke'xtz'iib'a eb' laj Leví xb'aan xtaqlahom laj Moisés, naq laj Itamar, ralal laj Aharón laj tij, kijolomink reheb'.

Éxodo 34:29

Moqon chik laj Moisés kikub'e chaq sa' li tzuul Sinaí, wan chaq sa' ruq' li wiib' chi perpookil pek re li Sumwank. Ut naq kikub'e chaq sa' li tzuul, ink'a' naxnaw naq nalemtz'unk chik li xnaq' ru xb'aan raatinankil li Qaawa'.

Éxodo 32:15

Toja' naq kisutq'iik chaq laj Moisés, kikub'e chaq sa' li tzuul ut kixk'am sa' ruq' li wiib' chi xtz'alampekil Sumwank: tz'iib'anb'ileb' li perpookil pek a'an sa' xka'pak'alil, chiru ut chirix.

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Éxodo 30:36

Taake' chi q'un q'un jun yiijachaq li taak'e chiru li reetalil li Sumwank, sa' xMuheb'aal li ch'utam, b'arwi' laa'in tinwanq aawik'in. Tento naq laa'ex teek'e xloq'al xb'aan naq a'an q'axal loq'.

Éxodo 30:6

Taak'e li artal chiru li t'ikr li naxmuq li xLoq'laj Kaaxil li Sumwank, chiru li xtz'apb'al xb'een li reetalil li Sumwank b'arwi' tinwanq aawik'in.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Éxodo 25:21

Taak'e li xtz'apb'al sa' xb'een li Loq'laj Kaax, ut taak'e chisa' li reetalil li Sumwank li tinq'axtesi aawe.

Éxodo 26:33

Taat'uyub' li t'ikr rub'el li chapleb' ut aran, chi xjunpak'alil li t'ikr, taak'am li xLoq'laj Kaaxil li Sumwank: li t'ikr a'an taak'anjelaq cheru re naq jalan jalanq xna'aj li Sant ut li q'axal Sant.

Éxodo 40:20

Moqon chik kixchap li reetalil li Sumwank ut kiroksi sa' li Loq'laj Kaax; kixch'ikeb' li che' re xpaqonkil li Loq'laj Kaax, ut taqe'q kixk'e xtz'apb'al xb'een.

Josué 4:16

“Ye reheb' laj tij aj k'amoneleb' re li xLoq'laj Kaaxil li Sumwank naq te'elq sa' li nima' Jordán”, chan.

2 Crónicas 23:11

Toja' naq laj Johadá ut eb' li ralal ke'risi chaq li ralal li awab'ej, ke'xk'e li xkoroon ut eb' li reetalil jo' awab'ej, ut ke'xxaqab' cho'q awab'ej. Ke'xyul rik'in aseeyt ut ke'xjap re chi xyeeb'al: “Sahaq taxaq xch'ool li awab'ej!”, chankeb'.