Éxodo 24:4 - Q'eqchi Bible

⁴ Toja' naq laj Moisés kixtz'iib'a chixjunil li raatin li Qaawa' ut, naq kiwakliik eq'la, kixyiib' jun li artal sa' xtoon li tzuul ut kixxaqab' kab'laju chi ninqi pek sa' xk'ab'a' li kab'laju xteepaleb' aj Israel.

Li Santil hu

⁴ Ut chixjunil li cꞌaꞌru quixye li Dios, quixtzꞌi̱ba retalil saꞌ jun li hu laj Moisés. Joꞌ cuulajak chic nak toj ekꞌela laj Moisés quicuacli ut quixyi̱b jun li artal saꞌ xto̱n li tzu̱l. Quixyi̱b ajcuiꞌ riqꞌuin pec cablaju li okech ut quixxakab aran. Li cablaju chi okech, aꞌan retalil li cablaju xte̱paleb aj Israel.

Éxodo 24:4 ပူးပေါင်းရင်းမြစ်များ

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

Génesis 28:18

Toj hik'ho kiwakliik laj Jakob, kixchap li pek li xk'e cho'q xsok xjolom, kixxaqab' jo' loq'laj eetalil ut kixhoy aseeyt sa' xb'een.

Apocalipsis 21:14

Li tz'ak sutsu wi' li tenamit, a'an k'ojob'anb'il sa' xb'een kab'laju chi rub'elankil, ut chiruheb' a'an tz'iib'anb'il xk'ab'a' eb' li kab'laju chi x'apóstol li Karneer.

Gálatas 2:9

Naq laj Santiago, laj Sefas ut laj Jwan, eb' li oxloq'inb'ileb' cho'q roqechal li Iklees, ke'xk'e reetal li simaatan k'eeb'il we, ke'xk'e li ruq'eb' we jo'wi' re laj Bernabé, reetalil naq wanko sa' sum'aatin; ut xqak'uub' naq eb' a'an te'xik rik'ineb' li xk'ulumeb' li sirkunsisyon ut laa'in wochb'een laj Bernabé tooxik rik'ineb' li junch'ol chik.

San Lucas 22:30

re naq texwa'aq tex'uk'aq chire linmeex sa' linnimajwal wankilal ut texk'ojlaaq sa'eb' li k'ojarib'aal chi raqok aatin sa' xb'eeneb' li kab'laju xteepal aj Israel”.

Esdras 6:17

Sa' li kutan a'an ke'xmayeja o'k'aal (100) chi teelom wakax, lajeek'aal (200) chi chib'aat, jun o'q'ob' (400) chi karneer, jo'wi' kab'laju teelom chib'aat cho'q loq'laj mayej chirix xmaakeb' chixjunileb' laj Israel, jo' chanru xk'ihal li xteepaleb'.

1 Reyes 11:30

laj Ajías kixchap li ak' t'ikr li lanlo wi', kixpej ut kab'laju jachal kirisi,

Josué 4:20

Sa' ajwi' li na'ajej a'an laj Josué kixxaqab' li kab'laju chi pek isinb'ileb' sa' li nima' Jordán,

Números 17:2

“Aatinaheb' laj Israel ut ye reheb' naq chi xjunqalileb' li xjolomileb' li junq teep te'xk'am chaq junjunq xxuq'eb' sa' xk'ab'a'eb' li xjunqkab'al: te'xk'e aawe kab'laju chi xuq'. Taatz'iib'a xk'ab'a'eb' li junjunq chiru li xuq'.

Levítico 24:5

“Xok li chaab'il k'aj triiw, ut chiru a'an chiq kab'lajuhaq k'uluj aj b'eleeb' liib'r raalal li junjunq,

Éxodo 28:21

Kab'lajuhaqeb' li pek a'in kama' li xk'ab'a'eb' li ralal xk'ajol laj Israel: sa' xb'een li junjunq tz'iib'anb'ilaq kama' rik'in kaaxt li xk'ab'a' junaq xteepal aj Israel.

Génesis 31:45

Toja' naq laj Jakob kixxok jun li pek ut kixxaqab' cho'q loq'laj eetalil.

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Éxodo 17:14

Toja' naq li Qaawa' kixye re laj Moisés: “Tz'iib'a a'in sa' li hu re naq junelik wanq sa' eech'ool, ut yaab'asi sa' xxik laj Josué: «Laa'in tinsach chi junajwa li xk'ab'a'eb' laj Amalek junsut junrub'el choxa»”.

Éxodo 17:15

Moqon laj Moisés kixyiib' jun li artal, ut “Qaawa' Nisí” kixk'e cho'q xk'ab'a';

Éxodo 21:1

“A'aneb' a'in li chaq'rab' li tento taak'e reheb':

Éxodo 24:7

Moqon chik kixchap li xHuhil li Sumwank ut kixyaab'asi sa' xxikeb' li tenamit li ke'xsume: “Taaqapaab' ut taaqab'aanu chixjunil li xye li Qaawa'”, chankeb'.

Éxodo 34:27

Chirix chik a'an kixye li Qaawa' re laj Moisés: “Chatz'iib'a eb' li aatin a'in, xb'aan naq rik'ineb' a'an nink'ojob' li Sumwank aawik'in jo' ajwi' rik'ineb' laj Israel”.

Isaías 19:19

Sa' li kutan a'an taawanq jun x'artal li Qaawa' aran Ejiipt ut, sa' xnub'ajlil li tenamit, taaxaqab'aaq jun li loq'laj pek re xk'eeb'al xloq'al li Qaawa'.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Josué 4:5

ut kixye reheb': “Numenqex chiru li xLoq'laj Kaax li Qaawa' leeYos, toj sa' xyi li nima' Jordán, ut chejunjunqal paqomaq junaq pek, a' yaal jarub'eb' li xteepaleb' laj Israel,

1 Reyes 18:31

Kixtus kab'laju chi pek, jo' chanru xk'ihal li xteepaleb' li ralal xk'ajol laj Jakob, li kiyehe'k re xb'aan li Qaawa' naq Israel chik tixk'ab'a'in.

Nehemías 10:1

A'aneb' a'in li ke'xk'e xk'ab'a'eb' sa' li hu tz'iib'anb'il wi' li sumwank kiqayiib': laj Nehemías laj taqlanel sa' xb'een li tenamit, ralal laj Jakalías; laj Sedekías,