Éxodo 24:18 - Q'eqchi Bible

¹⁸ Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

Li Santil hu

¹⁸ Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

Éxodo 24:18 ပူးပေါင်းရင်းမြစ်များ

Deuteronomio 9:9

Naq laa'in kintaqe'k sa' xb'een li tzuul chi xk'ulb'aleb' li tz'alam pek li tz'iib'anb'ileb' wi' li Sumwank kixk'ojob' li Qaawa' eerik'in, kinwank chaq chi tzuul ka'k'aal kutan ut ka'k'aal q'oqyink chi ink'a' kinwa'ak chi moko kin'uk'ak.

Deuteronomio 10:10

“Chiru ka'k'aal kutan ut ka'k'aal q'oqyink kinkanaak sa' xb'een li tzuul, jo' kinb'aanu xb'enwa. Li Qaawa' kinrab'i jun sut chik ut ink'a' kiraj xsachb'al eeru,

Éxodo 34:28

Chiru ka'k'aal kutan ut ka'k'aal q'oqyink laj Moisés kikanaak chaq aran rik'in li Qaawa', ut ink'a' kiwa'ak chi moko ki'uk'ak; ut kixtz'iib'a chiruheb' li perpookil pek li raatineb' li Sumwank, a'eb' li lajeeb' chi aatin.

Deuteronomio 9:25

Jo'kan naq laa'in kinhupub' wib' chiru li Qaawa', ut chi hupu kinwank chiru ka'k'aal q'oqyink, xb'aan naq li Qaawa' kiraj raj xsachb'al eeru.

Deuteronomio 9:18

Chirix chik a'an kinhupub' wib' chiru li Qaawa' ut kinb'aanu wi' chik jo' xb'enwa: ka'k'aal kutan ut ka'k'aal q'oqyink ink'a' kinwa'ak chi moko kin'uk'ak xb'aan chixjunil li maak keb'aanu chiru li Qaawa' toj reetal kechiq' xjosq'il.

San Lucas 4:2

Aran chiru ka'k'aal kutan ki'aaleek xb'aan laj tza. Maak'a' kixtzeka chiruheb' li kutan a'an, ut sa' xraqik kitz'okaak.

San Marcos 1:13

Ut chiru ka'k'aal kutan kiwank chaq sa' li chaqich'och', yo chaq raalenkil xb'aan laj tza. Wan chaq sa' xyanqeb' li josq' aj xul, ut eb' li ánjel neke'k'anjelak chiru.

San Mateo 4:2

Ut naq ak xkuy xsa' chiru ka'k'aal kutan ut ka'k'aal q'oqyink, kitz'okaak.

1 Reyes 19:8

Laj Elías kiwakliik, kiwa'ak ki'uk'ak, ut li tzekemq a'an kixk'e xkawilal chi b'eek chiru ka'k'aal kutan ut ka'k'aal q'oqyink toj reetal kiwulak Horeb, sa' li tzuul re li Qaawa'.

Éxodo 24:17

Li xloq'al li Qaawa' kik'utunk chiruheb' li ralal xk'ajol laj Israel kama' xiwajel xam sa' xb'een li tzuul.

Éxodo 19:20

Kikub'eek li Qaawa' sa' li tzuul Sinaí, sa' xb'een li tzuul, ut kixb'oq chaq laj Moisés. Naq laj Moisés kitaqe'k aran,

Éxodo 9:33

Toja' naq laj Moisés kixkanab' laj Parahón ut, naq ki'elk sa' li tenamit, kixtaqsiheb' li ruq' chiru li Qaawa': ch'anaamileb' li kaaq jo'wi' li saqb'ach, ut ink'a' chik xk'e li hab' sa' xb'een li ch'och'.

Éxodo 9:29

Kichaq'ok laj Moisés ut kixye: “Naq tin'elq sa' li tenamit, tintaqsi li wuq' chiru li Qaawa', ut taach'anaaq li kaaq ut ink'a' chik taawanq li saqb'ach, re taanaw naq li ruuchich'och' a'an re li Qaawa'.

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Éxodo 25:1

Li Qaawa' kiraatina laj Moisés ut kixye re:

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

1 Reyes 19:11

Kichaq'ok li Qaawa' ut kixye: “Elen chaq ut xaqab' aawib' chiru li Qaawa', sa' xb'een li tzuul”. Toja' naq li Qaawa' kinume'k ut kiwank jun kawil kaqsut-iq' li kixjach li tzuul ut kilajxjor eb' li pek chiru li Qaawa'; ab'an li Qaawa' maa'ani sa' li kaqsut-iq'. Chirix li kaqsut-iq' aka' chik li hiik; ab'an li Qaawa' maa'ani sa' li hiik.

Deuteronomio 5:31

A'ut laa'at kanaaqat arin wik'in ut laa'in tinye aawe chixjunileb' linchaq'rab', lintaqlahom ut li waatin tento taak'ut chiruheb', re naq te'xpaab' sa' li na'ajej tink'e chireechaniheb'», chan li Qaawa'.