Éxodo 24:12 - Q'eqchi Bible

¹² Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

Li Santil hu

¹² Li Dios quixye re laj Moisés: —Taken chak saꞌ xbe̱n li tzu̱l li cuanquin cuiꞌ. Ut aran tat-oybeni̱nk. La̱in tinqꞌue a̱cue li perpo̱quil pec li xintzꞌi̱ba cuiꞌ lin chakꞌrab re xchꞌolobanquil xya̱lal chiruheb li tenamit, chan li Dios.

Éxodo 24:12 ပူးပေါင်းရင်းမြစ်များ

Deuteronomio 5:22

“A'aneb' a'in li aatin kixye li Qaawa' eere toj sa' xyi li choql ut li xam chi kaw xyaab' xkux, naq ch'utch'uukex chi xtoon li tzuul. Chirix chik a'an maak'a' chik kixye, ut kixtz'iib'a chixjunil li aatin a'in chiru wiib' perpookil pek ut kixq'axtesiheb' we.

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

2 Corintios 3:7

Wi li xk'anjel li kamk, tz'iib'anb'il chiru perpookil pek, q'axal kiwank xloq'al toj reetal naq eb' li ralal xk'ajol laj Israel ink'a' ke'ruhank xka'yankil li xnaq' ru laj Moisés xb'aan li xlemtz'unkil, us ta yal numel a'an,

Deuteronomio 4:14

Moqon kinxtaqla li Qaawa' chi xk'utb'al cheru li raatin ut li xchaq'rab', re naq teepaab' sa' li ch'och' teereechani laa'ex.

Éxodo 24:18

Laj Moisés kox'okaq sa' li choql, kitaqe'k sa' xb'een li tzuul, ut chiru ka'k'aal kutan ut ka'k'aal q'oqyink kiwank chaq aran.

Éxodo 24:15

Kitaqe'k ut laj Moisés chiru li tzuul muqmu sa' choql.

Éxodo 24:2

Ka'ajwi' laa'at, a Moisés, tatnach'oq wik'in; ut eb' li junch'ol ink'a', chi moko rochb'eenaqeb' ta li tenamit naq te'taqe'q chaq”.

San Mateo 5:19

Jo'kan utan, li ani taaq'etoq junaq reheb' li chaq'rab' a'in jwal kach'in ut tixk'ut chi jo'kan chiruheb' li tenamit, a'an jwal kach'inaq sa' li xnimajwal wankilal li choxa; a'ut li taapaab'anq re ut tixk'ut, a'an nimaq xloq'al sa' li xnimajwal wankilal li choxa.

Nehemías 9:13

“Moqon chik katkub'eek sa' xb'een li tzuul Sinaí ut toj sa' choxa kawaatinaheb' chaq. Tz'aqal re ru li xtaqlankileb' kak'e, tz'aqal yaal ut q'axal chaab'il laachaq'rab', laataqlahom ut laawaatin.

Esdras 7:10

Xb'aan naq laj Esdras kixk'e xch'ool chi xtzolb'al li xChaq'rab' li Qaawa', chi xk'anjelankil ut chi xk'utb'al chixjunil li raatin ut li xtaqlahom chiruheb' laj Israel.

Éxodo 34:1

Kixye li Qaawa' re laj Moisés: “Tuqub' ru wiib' perpookil pek kama'eb' li xe'wank xb'enwa, ut chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li xajor.

Deuteronomio 5:31

A'ut laa'at kanaaqat arin wik'in ut laa'in tinye aawe chixjunileb' linchaq'rab', lintaqlahom ut li waatin tento taak'ut chiruheb', re naq te'xpaab' sa' li na'ajej tink'e chireechaniheb'», chan li Qaawa'.

1 Reyes 19:11

Kichaq'ok li Qaawa' ut kixye: “Elen chaq ut xaqab' aawib' chiru li Qaawa', sa' xb'een li tzuul”. Toja' naq li Qaawa' kinume'k ut kiwank jun kawil kaqsut-iq' li kixjach li tzuul ut kilajxjor eb' li pek chiru li Qaawa'; ab'an li Qaawa' maa'ani sa' li kaqsut-iq'. Chirix li kaqsut-iq' aka' chik li hiik; ab'an li Qaawa' maa'ani sa' li hiik.

Éxodo 19:3

Chirix chik a'an kitaqe'k laj Moisés wan wi' li Yos, ut kib'oqe'k chaq xb'aan li Qaawa' toj sa' li tzuul. Aran kiyehe'k re: “Jo'ka'in taaye reheb' li ralal xk'ajol laj Jakob ut a'in taak'ut chiruheb' laj Israel:

Éxodo 32:1

Naq eb' li tenamit ke'xk'e reetal naq laj Moisés yo chaq chi b'ayk chi kub'eek sa' li tzuul, ke'xch'utub' rib' chi xsutam laj Aharón ut ke'xye re: “Seeb'an, yiib' junaq qayos li taak'amoq b'e chiqu, xb'aan naq ink'a' naqanaw k'aru xk'ul chaq laj Moisés, li ki'isink chaq qe sa' li tenamit Ejiipt”, chankeb'.

Nehemías 9:14

Kak'e chixnaweb' laaloq'laj sábado ut kachaq'rab'i laj Moisés aj k'anjel chawu xk'utb'al laataqlahom, laawaatin ut laachaq'rab' chiruheb' laj Israel.

Salmos 19:12

Jo'kan naq laj k'anjel chawu naxk'e xch'ool chirixeb', k'ajo' rusil xpaab'ankil a'an!