Éxodo 24:11 - Q'eqchi Bible

¹¹ Ab'an li Qaawa' ink'a' kixrahob'tesi eb' li xb'eenil aj Israel; eb' a'in ke'ril ru li Yos, ut ke'wa'ak ke'uk'ak chi maak'a' ke'xk'ul.

Li Santil hu

¹¹ Li Dios incꞌaꞌ quixcamsiheb li cui̱nk li nequeꞌcꞌamoc be chiruheb laj Israel. Queꞌril ru li Dios ut incꞌaꞌ queꞌcam. Aran saꞌ li naꞌajej aꞌan queꞌcuaꞌac ut queꞌucꞌac.

Éxodo 24:11 ပူးပေါင်းရင်းမြစ်များ

Éxodo 18:12

Chirix chik a'an laj Jetró, aj hi'om re laj Moisés, kixyeechi'i xmayej ut kixk'at jun li xul cho'q re li Yos; ut laj Aharón jo'wi' chixjunileb' li xb'eenil laj Israel koheb' chi wa'ak chiru li Yos, wan wi' laj hi'om re laj Moisés.

Éxodo 19:21

kiyehe'k re xb'aan li Qaawa': “Kub'en ut q'useb' li tenamit: me'xq'ax chaq li nub'ajl re rilb'al wu, xb'aan naq, wi ta jo'kan, naab'al te'kamq sa' xyanqeb'.

Génesis 31:54

Chirix chik a'an laj Jakob kimayejak chiru li Qaawa' sa' xb'een li tzuul ut kixb'oqeb' li rech'alal chi tz'aqonk. Eb' a'an ke'tz'aqonk ut ke'xnumsi li q'oqyink aran.

Génesis 16:13

Toja' naq lix Agar kixk'e “laa'at li Yos li na'ilok we” cho'q xk'ab'a' li Yos ki'aatinank re, xb'aan naq kixye sa' xch'ool: “Arin xwil ru li na'ilok we”.

Jeremías 14:3

Eb' li ninqeb' xwankil neke'xtaqla li xmooseb' chi sik'ok ha'; eb' a'in neke'xik wankeb' wi' li kumb', ut maak'a' li ha'. Neke'sutq'iik chaq chi maak'a' xsa' li xkukeb'; sachsookeb' xch'ool ut tz'aptz'ookeb' li xjolomeb' sa' t'ikr xb'aan xxutaaneb'.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Nehemías 2:16

Eb' li wankeb' sa' chaq'rab' ink'a' ke'xnaw b'ar kohin chi moko k'aru kinb'aanu chaq. Maak'a' ajwi' kinye reheb' laj Judiiy: chi moko reheb' laj tij chi moko reheb' li wankeb' sa' chaq'rab', chi moko reheb' laj jolominel ut eb' laj k'anjel.

2 Crónicas 23:20

Moqon chik kixch'utub'eb' li xjolomileb' li o'taqk'aal chi aj puub', eb' li xninqaleb' ru winq, eb' li neke'jolomink re li tenamit ut chixjunileb' li poyanam, ut ke'rochb'eeni li awab'ej chalen sa' rochoch li Yos toj sa' rochochil li awab'ej, ke'ok sa' li okeb'aal wank taqe'q; ut aran ke'xk'ojob' sa' xk'ojarib'aal li awab'ej.

1 Reyes 21:8

Tikto lix Jesabel kitz'iib'ank hu sa' xk'ab'a' laj Ajab, kixkaaxti rik'in li xmatq'ab' ut kixtaqla rik'ineb' li cheekal winqeb' ut eb' li wankeb' xwankil, rech tenamitul laj Nabot.

Jueces 13:22

ut kixye re li rixaqil: “Ch'olch'o naq tookamq, xb'aan naq xqil ru li Yos”, chan.

Jueces 5:13

“Toja' naq eb' laj Israel ke'kub'eek wan wi' li okeb'aal, kikub'eek li xtenamit li Qaawa' rochb'eeneb' li q'axal kaweb' rib'.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Deuteronomio 4:33

Ma wank junaq tenamit xrab'i ta jo' naq xawab'i laa'at li xyaab' xkux li yo'yookil Yos chi aatinak sa' xyi li xam, ut kikanaak ta chi yo'yo?

Números 21:18

Li julha' a'in xb'ekmank xb'aaneb' li xninqal ru winq; eb' li xjolomileb' li tenamit ke'pikok re rik'in xxuq'eb'”. Chirix chik a'an ke'elk sa' li chaqich'och'

Éxodo 24:1

Kixye li Qaawa' re laj Moisés: “Taqenqex chaq wankin wi', laa'at, laj Aharón, laj Nadab, laj Abihú ut lajeeb' xkaak'aal li xcheekelaleb' laj Israel. Toj najt teehupub' chaq eerib'.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

Daniel 10:17

Chanru naq tin'aatinaq aawik'in, at inqaawa'? Laa'in maak'a' chik inmetz'ew ut inmusiq'».

Salmos 139:5

Wankat chiwix ut chiwu, ut nakak'e laawuq' sa' inb'een chintenq'ankil.