Éxodo 23:7 - Q'eqchi Bible

⁷ “Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.

Li Santil hu

⁷ Cherisihak ban e̱rib saꞌ xya̱nkeb li nequeꞌticꞌtiꞌic ut incꞌaꞌ te̱qꞌue chi camsi̱c li ti̱c xchꞌo̱l li ma̱cꞌaꞌ xma̱c xban nak la̱in tinye nak li incꞌaꞌ useb xnaꞌleb, aꞌan cuanqueb xma̱c.

Éxodo 23:7 ပူးပေါင်းရင်းမြစ်များ

Efesios 4:25

Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in, xb'aan naq qacha'al qib' chiqib'il qib'.

Deuteronomio 27:25

«Tz'eqtaananb'ilaq li ani taak'uluq tumin re xkamsinkil junaq li maak'a' xmaak». Ut chixjunil li tenamit te'xye: «Jo'kan».

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Éxodo 23:1

“Matyoob'ank aatin chi moko chatenq'a li wank xmaak, rik'in xyeeb'al tik'ti'.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

Levítico 19:11

“Mex'elq'ak. Mextik'ti'ik chi moko cheb'alaq'i eerib' cherib'il eerib'.

Romanos 1:18

Li xjosq'il li Yos yo chaq chi k'utunk toj sa' choxa sa' xb'eeneb' chixjunil li maak ut sa' xb'een chixjunil li xmaa'usilaleb' li tenamit li neke'ramok re li yaal rik'in xmaak'a'il li tiikilal.

San Lucas 3:14

Wankeb' ajwi' aj puub' ke'xpatz' re: —Ut laa'o, k'aru tento taaqab'aanu? Kichaq'ok a'an ut kixye reheb': —Maak'a' teemaq' re anihaq, mexjitok rik'in b'alaq'il aatin ut k'ojk'ooq leech'ool rik'in leetojb'al.

Nahum 1:3

Li Qaawa' nab'ayk chi josq'o'k, ab'anan jwal nim li xwankil, ut junelik naxk'e chi xtojb'al xmaak li ani xmaakob'k. Nab'eek sa' li kaqsut-iq', ut eb' li choql a'aneb' li xpojtz'il li roq.

Isaías 33:15

A' li nawank sa' tiikilal ut naxye li yaal, li ink'a' nab'ihomo'k rik'in b'alaq' chi moko natuminaak ru; li ink'a' naraj rab'inkil li k'aru naxye laj kamsinel ras riitz'in, chi moko naraj chi ril li maa'usilal.

Proverbios 17:15

Rach'ab'ankil li xmaakob'k ut xteneb'ankil maak sa' xb'een li maak'a' xmaak, ink'a' nawulak chiru li Qaawa'.

Li xHu LAJ JOB 22:23

Wi nakatsutq'iik rik'in li Nimajwal chi kub'enaq aawankil, taanajto'q li rahilal rik'in laajunkab'al.

Éxodo 20:13

“Maa'ani aakamsi.

Génesis 18:23

Kinach'ok laj Abrahán rik'in ut kixye re: “Ma taasach laa'at li tiikeb' xch'ool rochb'eeneb' laj maak?

Éxodo 20:16

“Matyoob'ank aatin chirix laawas aawiitz'in.

Levítico 19:16

“Matyoob'ank aatin chirix xjolomeb' laawech'alal. “Mat-okenk chi xkamsinkil laawas aawiitz'in. Laa'in li Qaawa'.

Deuteronomio 25:1

“Naq wanq raaxiik' sa' xyanqeb' wiib'aq winq, xikaqeb' sa' raqb'a aatin ut taaraqmanq aatin chirixeb': chi jo'kan taach'olaaq ru naq tiik xch'ool li ani tiik xch'ool ut taach'olaaq ajwi' naq wank xmaak li ani wank xmaak.

Salmos 94:21

Neke'raj xkamsinkil li tiik xch'ool ut neke'xteneb' li kamk sa' xb'eeneb' li maak'a'eb' xmaak.

Salmos 119:29

Chinaanajtob'resi taxaq rik'in li b'e ink'a' us; xb'aan xnimal aawuxtaan chak'e we laachaq'rab'.

Proverbios 11:21

Ch'olch'o naq li ink'a' us xna'leb' tixtoj rix li xmaak; ab'an li tiikeb' xch'ool te'kole'q.

Isaías 5:20

Ra chaalel sa' eeb'een li nekexyehok us re li ink'a' us, ut moko us ta nekeye re li chaab'ilal; li nekek'e cho'q saqenk li aak'ab', ut li q'oqyink nekek'e cho'q kutan; li nekek'e li k'a cho'q ruuchil li ki', ut li ki' nekek'e cho'q k'a.