Éxodo 23:6 - Q'eqchi Bible

⁶ “Maasach xwankil li yaal re xtenq'ankil laawechneb'a'il sa' li xpleet.

Li Santil hu

⁶ Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Éxodo 23:6 ပူးပေါင်းရင်းမြစ်များ

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Jeremías 5:28

ninqeb' li xtib'eleb' ut kaweb' rib'. K'ajo' naq xe'numtaak chi b'aanunk maa'usilal: ink'a' neke'xkol rix li neb'a'yox sa' li raqb'a aatin chi moko neke'xk'e li xk'ulub' li neb'a'.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Deuteronomio 27:19

«Tz'eqtaananb'ilaq li ani tixq'et li xk'ulub' laj ab'l tenamit, li neb'a'yox ut li xmalka'an». Ut chixjunil li tenamit te'xye: «Jo'kan».

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Jeremías 7:6

wi ink'a' chik teerahob'tesi li jalaneb' xtenamit, eb' li neb'a'yox ut eb' li xmalka'an, chi moko teekamsiheb' chik leeras eeriitz'in li maak'a'eb' xmaak, sa' li na'ajej a'in; wi ink'a' chik teeloq'oni ruheb' li jalanil yos li yookex wi' xsik'b'al li rahilal sa' eeb'een,

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Li xHu LAJ JOB 31:13

Naq eb' laj k'anjel chiwu, winq ut ixq, xe'xpatz' li k'aru xe'raj we, maajun sut xintz'eqtaana li xpatz'omeb'.

2 Crónicas 19:7

Jo'kan utan, chexiwaaq ru li Qaawa' ut chek'ehaq reetal li k'aru teeb'aanu, xb'aan naq li Qaawa' li qaYos a'an tiik xch'ool, ink'a' naxti ruheb' li poyanam, chi moko naraj naq taatuminaaq eeru”.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Proverbios 18:5

Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Proverbios 22:22

Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Proverbios 31:5

xb'aan naq wi neke'kalaak, nasachk li chaq'rab' sa' xch'ooleb' ut ink'a' chik neke'xkol li neb'a'.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.