Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Éxodo 23:31 - Q'eqchi Bible

31 Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

အခန်းကိုကြည့်ပါ။ ကော်ပီ

Li Santil hu

31 La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

အခန်းကိုကြည့်ပါ။ ကော်ပီ




Éxodo 23:31
37 ပူးပေါင်းရင်းမြစ်များ  

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.


Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj.


Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.


Eerehaq chixjunil li na'ajej chalen chaq sa' li chaqich'och' ut Líbano, toj wan wi' li nimla nima' Éwfrates, chixjunil li xch'och'eb' laj Hit toj sa' li Nimla Palaw li wank sa' rokeb'l saq'e.


Jo'wi' anchal, li Qaawa' kiraanilasiheb' chiqu chixjunileb' li tenamit ut eb' laj Amor li ke'wank sa' li na'ajej a'in. Ch'olch'o ru naq laa'o ajwi' took'anjelaq chiru li Qaawa' xb'aan naq a'an li qaYos”, chankeb'.


Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.


Xb'aan naq laj Salomón kiwank xwankil sa' xb'een chixjunil li ch'och' wan chaq junpak'al li nima' Éwfrates, chalen Tafsaj toj Gasa, ut sa' xb'eeneb' chixjunileb' li awab'ej li wankeb' chaq aran. Kiwank sa' tuqtuukilal rik'ineb' li wankeb' sa' xsutam.


Ab'anan li Qaawa', xYos laj Israel, kixq'axtesi laj Sijón ut chixjunileb' li xpoyanam sa' ruq' laj Israel, li kixq'ax ruheb' ut kireechani chixjunil li xna'ajeb' laj Amor li wankeb' aran.


Jo'kan naq eb' laj Judá koheb' chi yalok, ut li Qaawa' kixq'axtesi sa' ruq'eb' li xna'ajeb' laj Kanahán ut laj Perés. Sa' li tenamit Bések ke'xq'ax ruheb' oob' xka'k'aal o'q'ob' (10,000) chi winq.


Toja' naq jun li propeet kiwulak rik'in laj Ajab, awab'ej re Israel, ut kixye re: “Jo'ka'in xye li Qaawa': «Ma xawil li naab'aleb' tenamit a'in? Us b'i', tinq'axtesiheb' sa' aawuq' re taanaw naq laa'in li Qaawa'»”.


Laj Salomón wank xwankil sa' xb'een chixjunileb' li awab'ejihom, chalen chaq chire li nima' Éwfrates toj sa' xtenamiteb' laj Filistea ut toj chi xnub'ajlil Ejiipt. Chixjunileb' a'an neke'xk'e xtoj ut neke'k'anjelak chiru laj Salomón jo' najtil kiyo'yook.


Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.


Eb' li wiib' chi awab'ej aj Amor ke'elelik cheru xb'aaneb' li ch'ub' kintaqla sa' xb'eeneb'. Moko laa'ex ta li kex'isink reheb' rik'in leech'iich' chi moko rik'in leesimaj.


“Moqon kexwoksi sa' xch'och'eb' laj Amor junpak'al li nima' Jordán: eb' a'an ke'yalok eerik'in, ab'an laa'in kinq'axtesiheb' sa' eeruq'; jo'kan naq koxereechani li xch'och'eb' ut kinsach ruheb' cheru.


“Laa'in wulak re xq'ehil linkamik, ab'an xb'enwa nawaj naq teek'e sa' xnaq' eeru chi anchal eech'ool, chi anchal eeraanm naq chixjunil li xyeechi'om chaq li Qaawa' leeYos cho'q eere, ak xtz'aqlok ru; maajun ink'a' ta x'uxk.


Ab'an laa'ex meekanab' xik chirixeb' li xik' neke'ilok eere ut cheram li xb'eheb' re naq ink'a' te'ok sa' li xtenamiteb', xb'aan naq li Qaawa' leeYos xk'eheb' sa' leeruq'”, chan.


Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.


Toja' naq li Qaawa' kixye re laj Josué: “Ye' sa' xjayal Ay li jutz' che' li wank sa' laawuq', xb'aan naq tinq'axtesi li tenamit a'in sa' laawuq'”, chan. Laj Josué kixye' li jutz' che' li wank sa' ruq', sa' xjayal Ay.


Toja' naq laa'ex tex'elq chaq sa' li na'ajej muqmuukex wi', ut teereechani li tenamit: li Qaawa' leeYos taak'ehoq re sa' leeruq'.


“Toja' naq li Qaawa' kixye we: «Maaxiwa ru, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. Taab'aanu rik'in jo' xab'aanu chaq re laj Sijón, awab'ej re Amor, li xwank aran Jesbón», chan.


Toja' naq li Qaawa' kixye re laj Moisés: “Maaxiwa ru laj Og, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. B'aanu re laj Og jo' xab'aanu chaq re laj Sijón, awab'ej re Amor, li xwank aran Jesbón”, chan li Qaawa'.


Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.


Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.


ab'an li Qaawa' li qaYos kixq'axtesiheb' sa' quq' ut kiqasach ruheb' rochb'eeneb' li ralal xk'ajoleb' ut chixjunileb' li poyanam.


Chalen chaq Aroher, junq re li taq'a Arnón, ut li tenamit li wank sa' li taq'a, toj Galahad, maajun tenamit ink'a' ta kooruuk koo'ok wi'. Li Qaawa' li qaYos kixq'axtesi sa' quq' chixjunil.


“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.


Ab'an sa'eb' li tenamit li tixk'e li Qaawa' laaYos chaweechani, maajun junaq taakanab' chi yo'yo,


“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.


Sa' li kutan a'an laj Salomón kixninq'ehi li xNinq'eheb' li Muheb'aal. Chixjunileb' laj Israel ke'ochb'eenink re, k'ajo' tz'aqal xk'ihaleb' li poyanam chalen chaq sa' li tenamit Jamat toj chire li ch'ina ha' re Ejiipt. Ke'ninq'ehik chiru li Qaawa' li qaYos chiru wuqub' kutan ut, chirix a'an, chiru wuqub' kutan chik: kaalaju kutan ke'ninq'ehik sa' komonil.


A'aneb' li tenamit b'arwi' kixye li Qaawa' reheb' laj Israel naq ink'a' taaruuq te'xsik' rixaqileb': “Wi teelaq'ab' eerib' rik'ineb' a'an, ch'olch'o naq te'xb'alaq'i leech'ool chi xloq'oninkil li xyoseb'”, chan li Yos. Ab'an laj Salomón kixk'ameb' cho'q rixaqil xb'aan naq kixraheb':


“Ye li aatin a'in reheb' laj Israel: Ok eere sa' li na'ajej Kanahán. A'an li na'ajej toxeereechani, ut a'aneb' a'in li xnub'ajlil:


xb'aan naq traanilasiheb' cheru chixjunileb' li xik' neke'ilok eere, jo' xyehom li Qaawa'.


chirix chik a'an ke'xye re: —Yaal naq li Qaawa' ak xk'e sa' quq' chixjunil li tenamit a'an. Chixjunileb' neke'siksotk chiqu, chankeb'.


Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.


Laa'in twisi sa' li xna'ajeb' ut twaanilasi chiruheb' laj Israel eb' laj Sidón jo'wi' li jo'k'ihaleb' wankeb' sa' xyanqeb' li tzuul, chalen chaq Líbano toj Misrepot sa' xjayal rokeb'l saq'e. Laa'at taajek'i li ch'och' a'an reheb' laj Israel cho'q reechanihomeb', jo' inyehom aawe.


Kitaqlank sa' xb'een chixjunileb' li awab'ej, chalen chaq li nima' Éwfrates toj sa' li xna'ajeb' laj Filistea ut li xnub'ajlil Ejiipt.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ