Éxodo 23:3 - Q'eqchi Bible

³ chi moko chatenq'a li neb'a' sa' li xpleet wi ink'a' us yo chi xb'aanunkil.

Li Santil hu

³ Chi moco junak nebaꞌ checol rix cui incꞌaꞌ us li yo̱ chixba̱nunquil.

Éxodo 23:3 ပူးပေါင်းရင်းမြစ်များ

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

Levítico 19:15

“Tiikaq ru laach'ool, naq tatraqoq aatin: ma yal aatoq'ob'a ru li neb'a' chi moko taaxiwa ru li wank xwankil. Sa' xyaalal b'an tatraqoq aatin sa' xb'eeneb' chixjunileb'.

Deuteronomio 1:17

Sa' li raqok aatin, maajun teeti ruheb', juntaq'eet b'an teerab'iheb': li maak'a'eb' xwankil ut li wankeb' xwankil, chi maak'a'aq eexiw, xb'aan naq li raqok aatin a'an re li Yos. Ut wi teetaw junaq nimla ch'a'ajkilal, chenumsi we ut laa'in tink'uub'anq re», chankin.

Éxodo 23:6

“Maasach xwankil li yaal re xtenq'ankil laawechneb'a'il sa' li xpleet.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Proverbios 18:5

Moko us ta naq laj raqol aatin narach'ab' li wank xmaak ut naxteneb' maak sa' xb'een li tiik xch'ool.

Proverbios 22:22

Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Isaías 10:1

Ra chaalel sa' xb'eeneb' li neke'k'uub'ank yib' aj chaq'rab' ut neke'teneb'ank rahilal sa' xb'eeneb' li poyanam.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.