Éxodo 23:27 - Q'eqchi Bible

²⁷ “Tink'e naq taawanq xiw ut rahil ch'oolej chawu laa'at sa' chixjunileb' li tenamit tatwulaq wi', ut tink'eheb' chi elelik chawu chixjunileb' li xik' neke'ilok aawe.

Li Santil hu

²⁷ La̱in tinqꞌueheb chixjapbal reheb xbaneb xxiu li tenamit li texnumekꞌ cuiꞌ. Ut teꞌe̱lelik li xicꞌ nequeꞌiloc e̱re che̱ru la̱ex.

Éxodo 23:27 ပူးပေါင်းရင်းမြစ်များ

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.

Deuteronomio 7:23

Ab'an li Qaawa' laaYos tixq'axtesiheb' sa' laawuq' ut toxsacheb', toj reetal te'oso'q chi junajwa.

Deuteronomio 11:25

Maa'ani tixkuy eesumenkil. Li Qaawa' leeYos troksi xnimal xxiweb' chixjunil li tenamit b'arwi' texnume'q, jo' ak xyehom eere li Qaawa'.

Salmos 18:40

Laa'at xatk'ehok inmetz'ew re yalok, ut xak'eheb' rub'el inwankil eb' li neke'rahob'tesink we;

2 Crónicas 14:14

Moqon ke'reechani ajwi' chixjunileb' li tenamit wankeb' chi xsutam Kerar, xb'aan naq li Qaawa' kiroksi xxiweb'. Eb' laj Judá ke'xxok xsa' chixjunileb' li tenamit, xb'aan naq k'ajo' li k'a'aq re ru wank chisa'eb'.

2 Reyes 7:6

A'in kik'ulmank xb'aan naq li Qaawa' kixk'e chi ab'iik, sa' li xmuheb'aaleb' laj Aram, xyaab'eb' li k'iila b'eleb'aal ch'iich' ut li k'iila kawaay, ut xyaab' xkuxeb' li k'iila aj puub'. Jo'kan naq ke'xye chirib'ileb' rib': “Li awab'ej re Israel xtojeb' li x'awab'ejeb' laj Hit ut li x'awab'ejeb' laj Ejiipt re chalk chi yalok qik'in”.

1 Samuel 14:15

Ke'ok xxiw jo'k'ihaleb' li wankeb' sa' xmuheb'aaleb' ut sa' k'aleb'aal, jo'wi' chixjunileb' li poyanam. Ke'xiwak ajwi' eb' laj puub' li yookeb' chi k'aak'alenk ut eb' laj k'ehol eetal. Kixhich'le rib' li ruuchich'och' ut k'ajo' naq ke'xiwak chixjunileb'!

Deuteronomio 11:23

li Qaawa' taarisiheb' cheru chixjunileb' li tenamit a'an, ut laa'ex teerisiheb' sa' xna'ajeb' li xninqal ru tenamit ut q'axal kaweb' rib' cheru.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

2 Samuel 22:41

xak'eheb' chi elelik li xik' neke'ilok we, ut xinjuk'eb' li jo'k'ihaleb' neke'tz'eqtaanank we.

Salmos 21:12

Us ta te'raj xb'aanunkil rahilal aawe ut te'xk'uub' raaxiik' chawix, ab'anan ink'a' te'ruuq.

Éxodo 34:24

Naq twisiheb' li tenamit chawu ut tinnimob'resi laana'aj, wi tattaqe'q ox sut chiru li chihab' chi xk'utb'al aawib' chiru li Qaawa' laaYos, maajun tixrahi laach'och'.

Números 22:3

Jo'kan ajwi' eb' laj Mohab k'ajo' naq ke'chalk xxiw chi rilb'aleb' laj Israel, xb'aan naq q'axal naab'aleb',

Deuteronomio 6:19

xb'aan naq traanilasiheb' cheru chixjunileb' li xik' neke'ilok eere, jo' xyehom li Qaawa'.