Éxodo 23:26 - Q'eqchi Bible

²⁶ Maajun li ixq sa' laatenamit tixtz'eq xk'uula'al chi moko tkanaaq chi maak'a'eb' xkok'al. Laa'in tink'e chi najto'k ru laayu'am.

Li Santil hu

²⁶ La̱in tincuosobtesiheb li ixk saꞌ le̱ tenamit. Chixjunileb teꞌqꞌuiresi̱nk ut ma̱ jun li yaj aj ixk ta̱numekꞌ lix yajeleb. Ut tinqꞌue chi najtocꞌ ru le̱ yuꞌam.

Éxodo 23:26 ပူးပေါင်းရင်းမြစ်များ

Deuteronomio 7:14

Q'axal osob'tesinb'ilaqat chiru chixjunileb' li tenamit. Maak'a'aq aawik'in teelom ut ixq li ink'a' ta te'alanq, chi moko sa' xyanqeb' laaketomq.

Li xHu LAJ JOB 5:26

Toj kawaq aawib' naq tattixq, jo' jun joob' chi triiw tz'aqal xcheekal.

Deuteronomio 28:4

Osob'tesinb'ilaq laawalal jo' ajwi' li taaruuchini laach'och' ut eb' li ral laaketomq, li ral laawakax ut li ral laakarneer.

Li xHu LAJ JOB 21:10

Rajlaleb' chi k'ihank eb' li xketomq, ut maajun reheb' naxtz'eq li ral.

Isaías 65:20

Ink'a' chik te'kamq aran eb' li k'uula'al toja' xe'yo'laak, chi moko te'q'ajq te'sutq'iiq eb' li cheekel poyanam chi ink'a' ta te'xtz'aqob'resi li xchihab'eb'. Li taakamq sa' o'k'aal chihab', chanchan naq taakamq chi toj saaj; ut li ink'a' tixkooloni li o'k'aal chihab', a'an li majewanb'il.

Salmos 144:13

Che'nujaq taxaq eb' li qak'uuleb'aal, b'uyb'utqeb' rik'in chixjunil ru li qawimq; che'k'ihanq taxaq li qakarneer chi k'iila o'q'ob' sa'atqeb' chixjunil li qatzuul qataq'a.

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Génesis 35:29

naq ki'elk li xmusiq' ut kikamk: koxjunaji rib' rik'ineb' li xxe'toonil yuwa' chi ak tiix chi us ut xikenaq xhab'. Ut kimuqe'k xb'aan laj Esaú ut laj Jakob, eb' li ralal.

1 Crónicas 23:1

Ak xtixk chik laj David ut ak xikenaq xchihab' chi us, kixxaqab' laj Salomón li ralal cho'q awab'ej re Israel.

Génesis 25:8

Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon.

Li xHu LAJ JOB 42:17

Ak tiix chik chi us laj Job naq kiq'ajk kisutq'iik.

Salmos 55:23

Chaq'axtesi sa' ruq' li Qaawa' li k'a'ux wi' laach'ool, ut a'an taakuutunq aawe; maajoq'e tixkanab' li tiik xch'ool chi oso'k chi junajwa.

Salmos 90:10

Ka'aj chik lajeetq kaak'aal chihab' li qayu'am, malaj kaak'aal chihab', wi toj kawo; ab'an junes rahilal ut xtawasinkil qib' naqak'ul: sa' junpaat neke'nume'k ut laa'o nokoo'oso'k.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Oseas 9:14

At Qaawa', chak'e reheb' jo' li xk'ulub'eb'. K'e reheb' li ixq naq ink'a' chik te'wanq xkok'aleb' ut chichaqiq li xtu'eb'.