Éxodo 23:25 - Q'eqchi Bible

²⁵ Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Li Santil hu

²⁵ Chexcꞌanjelak ban chicuu, la̱in li Ka̱cuaꞌ le̱ Dios. Ut la̱in texcuosobtesi ut tinqꞌue le̱ cua e̱rucꞌa. Ut incꞌaꞌ texinqꞌue chi yaje̱rc.

Éxodo 23:25 ပူးပေါင်းရင်းမြစ်များ

Deuteronomio 7:15

Li Qaawa' trisi aawik'in chixjunil li yajel; maajun junaq reheb' li xninqal rahilal li ak aawilom ru aran Ejiipt taachalq sa' aab'een, taaxik b'an rik'ineb' chixjunil li xik' neke'ilok aawe.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Josué 22:5

Ka'ajwi' a'in li nintz'aama cheru: naq teek'e eech'ool chi xpaab'ankil chi us li xtaqlahom ut li xchaq'rab' laj Moisés, laj k'anjel chiru li Qaawa'. Chera li Qaawa' leeYos, junelik chetaaqe li xb'e, chepaab' li xchaq'rab', junajaqex rik'in A'an ut chexk'anjelaq chi anchal leech'ool ut chi anchal leeraanm”.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Salmos 103:3

A'an nakuyuk re chixjunil linmaak ut naxk'irtasi chixjunil linyajel;

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Deuteronomio 10:12

“Ut anaqwan, at Israel, k'aru naxtz'aama chawu li Qaawa' laaYos naq nakak'oxla? Li rajom li Yos a'an a'in: naq taawoxloq'i li Qaawa' laaYos ut taataaqe chixjunileb' li xb'e. Chara li Qaawa' laaYos ut chatk'anjelaq chiru chi anchal aach'ool, chi anchal aawaanm;

Deuteronomio 6:13

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

1 Samuel 12:20

Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Josué 24:21

Ke'chaq'ok li tenamit ut ke'xye re laj Josué: “Ink'a' taak'ulmanq chi jo'kan. Laa'o took'anjelaq chiru li Qaawa'”, chankeb'.

Deuteronomio 13:4

A' li Qaawa' leeYos teetaaqe ut ka'ajwi' A'an teeroxloq'i; teepaab' li xchaq'rab' ut teerab'i li xyaab' xkux, texk'anjelaq chiru ut wanqex rik'in chi junelik.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Josué 24:24

Ut li tenamit ke'xye re laj Josué: “A' li Qaawa' li qaYos taaqak'anjela ru ut chiru A'an toopaab'anq”, chankeb'.

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Levítico 26:3

“Wi texwanq jo' chanru naxye li waatin, wi teepaab' linchaq'rab' ut teek'anjela ru,

Eclesiastés 5:20

Li Yos naxk'e xsahil qach'ool. Jo'kan naq ink'a' nokook'oxlak chirix li k'aru naqak'ul chiru li qayu'am arin sa' ruuchich'och'.

Daniel 1:15

Ut naq ak xnume'k li lajeeb' kutan, jwal ch'ina'us li rilob'aaleb' li saaj winq ut ninqeb' chik li xtib'el chiruheb' li yookeb' xtzekankil li xtzekemq li awab'ej.