Éxodo 23:18 - Q'eqchi Bible

¹⁸ “Maayeechi'i xkik'el linmayej rochb'een wa li wank xyu, chi moko taak'uula xxeeb'ul linninq'e toj sa' li kutan jun chik.

Li Santil hu

¹⁸ Nak te̱mayeja li xul, incꞌaꞌ te̱qꞌue li quicꞌ riqꞌuin li caxlan cua cuan xchꞌamal. Chi moco li xe̱b ta̱ru̱k te̱canab chokꞌ re cuulaj.

Éxodo 23:18 ပူးပေါင်းရင်းမြစ်များ

Levítico 2:11

“Meek'e xyu junaq leemayej yiib'anb'il rik'in k'aj triiw li teeq'axtesi chiru li Qaawa'. Maajun paay ru xyu li xq'emal li kaxlan wa chi moko li xya'al kab' taak'atmanq jo' mayej chiru li Qaawa'.

Éxodo 34:25

“Maayeechi'i xkik'el linmayej rochb'een li wa li wank xyu, chi moko taakanaaq toj sa' li kutan jun chik li xul kamsinb'il sa' xninq'e li Paswa.

Deuteronomio 16:4

Chiru wuqub' kutan ink'a' taa'ilmanq aawik'in xch'amal q'em, sa' chixjunil laana'aj; ut li tib' xamayeja ewu sa' li xb'een li kutan, ink'a' taakanaaq b'ayaq cho'q re eq'la wulaj.

Éxodo 12:10

Maak'a' teekanab' re li kutan jun chik, ut li taa'ela'anq tento teek'at naq texsaqewq.

Levítico 7:15

“Li xtib'el li xul xyeechi'imank re b'anyoxink ut k'amok ib' sa' usilal rik'in li Yos, tento xtzekankil sa' ajwi' xkutankil li mayejak. Ink'a' naru xk'uulankil kach'inaq re li kutan jun chik.

Éxodo 12:8

Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Levítico 7:12

Wi li mayej naq'axtesimank re b'anyoxink, taayeechi'imanq ajwi' pixtun chi maak'a'aq xyu ut puq'b'ilaq rik'in aseeyt, jayil k'orech chi maak'a'aq xyu yulb'ilaq rik'in aseeyt, ut pixtun yiib'anb'ilaq rik'in chaab'il k'aj triiw, puq'b'ilaq rik'in aseeyt.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Éxodo 16:19

Moqon laj Moisés kixye reheb': “Maajun tixk'uula b'ayaq re wulaj”.

Éxodo 29:34

Ut wi sa' li kutan jun chik taa'ela'anq li tib' malaj li wa li xk'eemank sa' rokikeb' cho'q aj tij, taak'at li rela'; ink'a' taatzekamanq xb'aan naq a'an loq'.