Éxodo 22:7 - Q'eqchi Bible

⁷ “Naq junaq winq tixk'e chi k'uulaak tumin malaj k'a'aq chik re ru xb'aan jalan chik, wi a'an taa'elq'aaq sa' kab'l, tento naq laj elq' (wi taatawmanq) tixtoj ka' sut xk'ihal a'an.

Li Santil hu

⁷ Cui ani tixqꞌue tumin malaj li cꞌaꞌak chic re ru terto xtzꞌak chi xoquecꞌ riqꞌuin junak li ras ri̱tzꞌin ut li ani ta̱xocok re ta̱elkꞌa̱k chiru saꞌ li rochoch, cui teꞌxtau laj e̱lkꞌ, tento tixtoj cuib sut xqꞌuial chiru li ac xrelkꞌa.

Éxodo 22:7 ပူးပေါင်းရင်းမြစ်များ

Éxodo 22:4

“Wi te'xtaw sa' ruq' li relq'ahom chi yo'yo, us ta b'ooyx, b'uur malaj karneer, laj elq' tento tixk'e reeqaj ka' sut xk'ihal a'an.

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

San Juan 12:6

Kixye a'in moko xb'aan ta naq naxraheb' li neb'a', rik'in b'an naq aj elq': rik'in wank li k'uuleb'aal tumin, ut narelq'a jo'nimal li nak'eemank chisa'.

Jeremías 2:26

“Jo' naq laj elq' naxutaanak naq natawe'k chi elq'ak, jo'kaneb' ajwi' naq te'xutaanaq eb' laj Israel, eb' li poyanam, eb' li awab'ej, eb' li xjolomileb' li tenamit, eb' laj tij jo'wi' eb' li propeet:

Éxodo 22:6

“Naq nanimank li xam ut naxtaw li k'ix ru, wi tixk'at li q'olom, li triiw malaj li ch'och', li xchoqlenk re tento tixtoj jo'nimal li xk'atk.

Levítico 6:1

Li Qaawa' kiraatina laj Moisés ut kixye re:

Levítico 6:2

“Wi ani taamaakob'q ut taak'utunq naq wank xmaak chi b'alaq'ik chiru li Qaawa' xb'aan naq xtik'ti'i li ras riitz'in rik'in k'aru kik'ehe'k chixk'uula malaj kixk'ul chi to'ninb'il, malaj xrelq'a malaj ut xmaq' k'a'aq re ru sa' josq'il,

Levítico 19:13

“Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Levítico 6:5

malaj li k'a'aq chik re ru li xtik'ti'ik wi'. Tento naq tixq'ajsi chixjunil re laj eechal re, ut tixk'e chik junqmay sa' xb'een li o'taqk'aal, naq jo'q'e tixq'axtesi li xmayej chirix li xmaak.