Éxodo 22:29 - Q'eqchi Bible

²⁹ “Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Li Santil hu

²⁹ Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

Éxodo 22:29 ပူးပေါင်းရင်းမြစ်များ

Éxodo 23:16

“Taanima ajwi' ru li xninq'e li q'olok, li xninq'e li xb'een ru laak'anjel ut li k'aru xawaw sa' laach'och'; jo'kan ajwi' taaninq'ehi li xokok sa' xraqik li chihab', naq taaxok sa' laach'och' chixjunil li ru laak'anjel.

Éxodo 13:2

“Q'axtesinb'ilaqeb' sa' wuq' chixjunileb' li xb'een alalb'ej, chixjunil li xb'een ralaleb' laj Israel, jo' winq jo' xul, xb'aan naq we chixjunileb'”.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Éxodo 34:19

“Chixjunil li xb'een alalb'ej wehaq laa'in; jo'kan ajwi' chixjunileb' li xb'een ral li wakax malaj li karneer, a'eb' li kok' teelom, wehaqeb' laa'in.

Éxodo 13:12

chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.

2 Reyes 4:42

Moqon chik kiwulak jun li winq aj Bahal-Salisá rik'in li xtaql li Yos. Kixk'am chaq junmay chi ak'waj toja' yiib'anb'il chaq, jo'wi' ak' triiw, sa' li xjelool. “K'ehomaq reheb' li poyanam re te'xwa'”, chan laj Eliseo re laj tenq' re.

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Éxodo 34:20

Li xb'een ral li b'uur taak'e junaq karneer cho'q reeqaj ut, wi ink'a' taak'e reeqaj, tik taatoq xb'aqel xkux. Taak'e reeqaj chixjunileb' li xb'een ralaleb' laawalal ut maajun taak'ulunq wik'in chi maak'a' ta tixk'am chaq.

Números 18:13

Jo'kan ajwi' chixjunil li xb'een ru li awimq li na'elk chiru li ch'och' ut neke'xk'e re li Qaawa', tink'eheb' aawe. Chixjunileb' li ink'a' muxb'ileb' sa' laawochoch naru te'xtzeka.

Levítico 22:27

“Naq taayo'laaq junaq ral li wakax, ral li karneer malaj ut ral chib'aat, tento taakanaaq wuqub'aq kutan chi xk'atq li xna', ab'an chalen sa' xwaqxaq li kutan naru taak'ule'q re naq taak'atmanq cho'q mayej chiru li Qaawa'.

Deuteronomio 15:19

“Chixjunileb' li xb'een ral eb' laawakax malaj eb' laakarneer, wi teelomeb', taaq'axtesiheb' re li Qaawa' laaYos. “Maak'e chi k'anjelak li xb'een ral laawakax chi moko taab'es li rismal li xb'een ral laakarneer.