Éxodo 22:27 - Q'eqchi Bible

²⁷ xb'aan naq chiru a'an naxtz'ap rib', a'an li xb'aatal: k'aru taawarq wi'? Wi tixyaab'a link'ab'a', laa'in twab'i xb'aan naq aj uxtaanin.

Li Santil hu

²⁷ xban nak caꞌaj cuiꞌ aꞌan li tꞌicr li naxtzꞌap cuiꞌ rib. ¿Chanru nak tixtzꞌap rib nak ta̱oc chi cua̱rc chi ma̱cꞌaꞌ lix tꞌicr? Nak tixtzꞌa̱ma xtenkꞌanquil cue, la̱in tincuabi xban nak la̱in nin-uxta̱nan u.

Éxodo 22:27 ပူးပေါင်းရင်းမြစ်များ

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

2 Crónicas 30:9

Wi laa'ex texsutq'iiq wi' chik rik'in li Qaawa', te'uxtaanaaq ruheb' leeras eeriitz'in ut leeralal eek'ajol xb'aaneb' li ke'k'amok reheb' chi preexil, ut te'sutq'iiq chaq sa' li na'ajej a'in, xb'aan naq li Qaawa' leeYos a'an chaab'il xch'ool ut aj uxtaan: ink'a' chik texxtz'eq chirix xch'ool wi texsutq'iiq rik'in”.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 72:12

Xb'aan naq a'an taakoloq re li neb'a' li yo chi tz'aamank, a' li toq'ob' ru li ink'a' natenq'aak xb'aan anihaq.

Salmos 34:6

Eb' li neke'xka'ya li Qaawa' taalemtz'unq li rilob'aaleb' kama' li saq'e; ink'a' te'kaqo'q xb'aaneb' xxutaan.

Éxodo 22:23

Wi taarahob'tesi, ch'olch'o naq tinxyaab'a, ut laa'in twab'i li xq'oq.

Isaías 19:20

A'anaq jun reetalil ut xpatz'b'al li Nimajwal Yos sa' xyanqeb' laj Ejiipt. Naq te'xpatz' xkolb'aleb' sa' ruq'eb' li neke'rahob'tesink reheb', li Qaawa' tixtaqla chaq jun aj kolonel li taatenq'anq reheb' ut tixkoleb'.

Deuteronomio 24:10

“Wi taak'e chixto'oni laawas aawiitz'in yalaq k'a' re ru, mat-ok sa' rochoch chi xpatz'b'al reeqaj li to';

2 Samuel 16:5

Naq li awab'ej David kiwulak Bajurín, jun li winq xkomon li xjunkab'al laj Saúl, aj Semehí xk'ab'a', ralal laj Kerá, ki'elk chaq aran, yo chi xmajewankil li awab'ej.

1 Reyes 2:8

Misachk sa' aach'ool laj Semehí, ralal laj Kerá, Bajurín xtenamit sa' xteepal Benjamín. A'an makach'in kimajewank we naq kohin Majanáhin; ab'anan, chirix a'an, kikub'eek chire li nima' Jordán chink'ulb'al, ut laa'in kinye re sa' jurament sa' xk'ab'a' li Qaawa' naq ink'a' tinkamsi.

1 Reyes 2:9

Maakanab' chi ink'a' ta tixtoj rix li xmaak. Laa'at wank aana'leb' ut nakanaw chi us k'aru taab'aanu, re naq ra tixk'ul sa' xkamik”.

Eclesiastés 10:20

Maaye yib' aj aatin chirix li awab'ej, us ta aajunes; mat-aatinak chirix li b'ihom chi moko sa' laawarib'aal, xb'aan naq eb' li aatin chanchaneb' li xul neke'rupupik: sa' junpaat taanawmanq chixjunil.