Éxodo 22:25 - Q'eqchi Bible

²⁵ “Wi taak'e aatumin chi to' re junaq sa' xyanqeb' lintenamit, re junaq neb'a' li wanq aawik'in, maab'aanu li neke'xb'aanu laj k'ehol to'; maatitz' ral li tumin re.

Li Santil hu

²⁵ Cui te̱qꞌue tumin chi toꞌ re junak li nebaꞌ li cuanqueb saꞌ e̱ya̱nk, incꞌaꞌ te̱ba̱nu joꞌ nequeꞌxba̱nu li nequeꞌtoꞌonin tumin. Incꞌaꞌ te̱patzꞌ ral li tumin li te̱toꞌoni.

Éxodo 22:25 ပူးပေါင်းရင်းမြစ်များ

Salmos 15:5

a' li nak'ehok tumin chi to' ut ink'a' naxpatz' ral, li ink'a' naraj tuminaak re xrahob'tesinkil li maak'a' xmaak. Li nab'aanunk re chixjunil a'in, maajaruj taach'inanq xch'ool chirix li Yos.

Ezequiel 18:8

ink'a' naxpatz' ral li tumin li naxk'e chi to' chi moko naxsik' xb'ihomal rik'in a'an; maajun naxrahob'tesi, naraqok aatin sa' xyaalalil rik'ineb' li poyanam wankeb' xch'a'ajkilal;

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Nehemías 5:7

Kink'oxla chi us k'aru tinb'aanu ut kinq'useb' li xninqaleb' ru winq ut eb' laj k'amol b'e xb'aan li iiq ke'xteneb' sa' xb'eeneb' li rech tenamitul. Keb'inb'oq sa' jun nimla ch'utub'aj ib' re xch'iilankileb'

Ezequiel 18:17

ink'a' naxb'aanu li maa'usilal, ink'a' naxsik' xb'ihomal sa' b'alaq' malaj naxtitz' ral li to', naxpaab' linchaq'rab' ut naxk'uula sa' xch'ool li waatin, li winq a'an ink'a' taakamq xb'aan li xmaak li xyuwa', tixkol b'an li xyu'am.

Ezequiel 18:13

nab'ihomo'k rik'in ral li tumin naxk'e chi to', relik chi yaal naq li winq a'an taakamq xb'aan naq xb'aanu eb' a tz'i'b'eetalil a'in. Taakamq chi maak'a' chik xja'lenkil ut li xmaak taakanaaq sa' xb'een.

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

2 Reyes 4:7

Chirix chik a'an li ixq koho rik'in laj Eliseo li propeet chi xyeeb'al li k'aru xk'ulmank, ut a'in kixye re. “Ayu chi xk'ayinkil li aseeyt ut toj laak'as chiru li xtz'aq. Ut li k'aru taa'ela'anq, taakanaaq cho'q aawe ut cho'q reheb' laakok'al re xq'axb'al li kutan junjunq”, chan.

2 Reyes 4:1

Jun li ixq, rixaqil jun li propeet, kixb'oq laj Eliseo ut kixye re: “Wa', laa'at nakanaw chi us naq linb'eelom junelik xpaab' li Qaawa'. Ab'anan xkamk chi wank xk'as. Ut anaqwan li winq wan wi' qak'as, xk'ulunk ut traj xk'amk'aleb' linwiib' chi yum chi munil”.

San Lucas 19:23

K'a' naq ink'a' xak'e lintumin sa' yakleb'aal tumin ut laa'in, sa' linsutq'ijik chaq, xwisi raj rochb'een li ral?».

San Mateo 25:27

Jo'kan naq xak'e raj lintumin reheb' laj yakol tumin ut sa' linsutq'ijik chaq, xink'ul raj wi' chik li we rochb'een li ral.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Deuteronomio 15:7

“Wi wank junaq neb'a' sa' xyanqeb' laawech tenamitul, sa' junaq reheb' li tenamit tixk'e aawe li Qaawa' laaYos, maakawub'resi laach'ool chi moko taamoq'ob' aawib' chiru laawas aawiitz'in neb'a',

Deuteronomio 24:13

taaq'ajsi b'an re, naq yooq chi muqunk li saq'e, re naq taaruuq chi yoklaak sa' li xt'ikr. Chi jo'kan tixb'anyoxi chawu, ut k'ajo' naq taawulaq laab'aanuhom chiru li Qaawa' laaYos.

Ezequiel 18:7

maajun naxrahob'tesi, naxq'axtesi b'an li k'aru xkanab'ahom ut xyehom cho'q ruuchil li xk'as; ink'a' na'elq'ak, naxk'e b'an chi wa'ak li yo xtz'okajik ut naxk'e xb'aatal li maak'a' raq';

Amós 2:8

Sa'eb' ajwi' li tijob'aal neke'xsotob' rib'eb' chiruheb' li t'ikr li xe'xpatz' cho'q ruuchil li to' tumin, ut neke'uk'ak b'iin chiru xtuminal li toj sa' li wochoch.