Éxodo 22:18 - Q'eqchi Bible

¹⁸ “Maakanab' chi yo'yo li ixq aj tuul.

Li Santil hu

¹⁸ Incꞌaꞌ ta̱canaba̱k chi yoꞌyo li ani natu̱lac.

Éxodo 22:18 ပူးပေါင်းရင်းမြစ်များ

Levítico 20:27

“Wi junaq winq malaj ixq taa'aatinaq rik'ineb' li musiq'ej malaj ut taaq'ehib'k, taakamsiiq chi pek, ut a'aneb' ajwi' wanqeb' wi' naq te'kamsiiq”.

1 Samuel 28:3

Ak kamenaq chik laj Samuel, ut chixjunileb' laj Israel ke'yaab'ak chirix ut ke'xmuq aran Ramá, sa' li xtenamit. Laj Saúl ak kirisiheb' sa' xyanqeb' laj Israel chixjunileb' laj q'e ut eb' laj aatinanel rik'in kamenaq.

Levítico 20:6

Ani taapatz'oq rik'ineb' li musiq'ej ut rik'ineb' laj q'e, ut tixmux rib' sa' xk'ab'a'eb' a'an, laa'in tintz'eqtaana ut twisi sa' xyanqeb' li rech tenamitul.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Levítico 19:31

“Meerula'aniheb' li neke'aatinak rik'ineb' li musiq'ej chi moko eb' laj q'e. Meetz'ajni eerib' yal sa' xk'ab'a' patz'ok rik'ineb'. Laa'in li Qaawa' leeYos.

Levítico 19:26

“Meetzeka li k'a'aq re ru wank xkik'el. “Meeb'aanu li q'ehib'k chi moko cheyal xch'olob'ankil rix li k'aru chaalel cheru.

Isaías 19:3

Tinpo' xna'leb'eb' laj Ejiipt, ut ink'a' chik taach'olaaq li xk'uub'ahomeb'. Toja' naq te'xik chi patz'ok rik'in li xyoseb', rik'inatqeb' laj tuul, eb' laj q'e ut eb' li neke'tz'ilok rix chahim.

Gálatas 5:20

xloq'oninkil li yal k'oxlanb'il yos, tuulak, xik'il uuchink, po'ok ru junajil, kaqalik, josq'ink, yoob'ank raaxiik', wech'ij ib', jachok ib',

Hechos 19:19

ut naab'aleb' li ke'tuulak ke'xch'utub' li xhuheb' ut ke'xk'at chiruheb' chixjunil. Ke'xb'ir rix li xtz'aq ut ke'xk'e reetal naq a'an lajeeb' roxk'aal mil chi tumin.

1 Samuel 28:9

Kichaq'ok li ixq: “Laa'at nakanaw k'aru kixb'aanu laj Saúl sa' li tenamit a'in, chanru naq kirisiheb' laj q'e ut eb' laj aatinanel rik'in kamenaq. K'a' naq taawaj inra'lenkil re inkamsinkil?”, chan.

Jeremías 27:9

“Jo'kan naq meepaab' li neke'xye leepropeet, eb' laj q'e malaj li neke'tawok ru li matk', chi moko chepaab' eb' laj tuul ut eb' li neke'nawalink naq neke'xye eere: «Laa'ex ink'a' texwanq rub'el xwankil li awab'ej re Babilonia».

Jeremías 27:10

Xb'aan naq yal tik'ti' li neke'xye eere: wi teepaab' li raatineb' a'an, tex'isiiq sa' leena'aj ut laa'in texincha'cha'i ut texkamsiiq.

Levítico 18:23

“Matwank rik'in junaq xul yal re xb'atz'unlenkil, re naq ink'a' taamux aawib'. Jo'kan ajwi' li ixq ink'a' naru taawanq rik'in junaq xul. A'an jun yib' aj na'leb'.

Deuteronomio 27:21

«Tz'eqtaananb'ilaq li ani taayoklaaq rik'in yalaq k'aru chi xulil». Ut chixjunil li tenamit te'xye: «Jo'kan».